volumnis xxxviii. pars prior. - Archive ouverte UNIGE

211 EPISTOLAI 3 123—124 212
A mes treschers frères en nostre Seigneur qui sont
en Génère.
La grace paix et miséricorde de Dieu nostre bon
père par nostre Seigneur Iesus son seul filz soit
en TOUS en la vertu du sainct esprit qui, pleinement
aye son habitation en TOUS tellement que du
tout soyes conduictz et gouvernes par luy. Frères
treschers en nostre Seigneur: nous avons veu sentu
et vrayement esperimente la tresgrande doulceur
bonté et bénignité de Dieu en sa visitation tant
amiable par laquelle nous a retire de si grosses et
profundes ténèbres, faisant que tant de maleditions
cessassent, nous tirant tant benignement au chemin
lequel luy est agréable et la ou la chose estoit toute
désespérée et quil sembloit ne se pourroit iamais
fere si facilement, il a faict et trouve les moiens
en sorte que de la facilite Ion estoit esbayz comme
si tost et si facilement la chose estoit faicte, et
comme pourroit êstre ainsy receue et avoir lieu,
quant au contraire Ion consideroit la repugnance et
grosse contradition. Et affin que seulement ne
me arreste au cours de la parolle au commencement
et poursuite dtcelle mais en aulcuns fruictz
qui en sont venus comme de lordre qui par la grace
de Dieu fust au commencement donne aux pövres,
quant Dieu touchea le cueur de ce bon personnaige
Glaude Pate lequel non sans cause sus la fin de
ses iours sentant ce que de present voyons en la
povre ville, de tout son cueur prioit nostre Seigneur
quil ne laissa la ville sans sa saincte parolle et que
levangile nen fust oste, grandement nous admonestant
de perceverer en l'administration de levangile.
Ce quay pense despuis ces iours voyant la grosse desolation.
Or mes frères considères le temps lextremite
de tout et la grande grace que Dieu feict pour
aider aux povres. Tout defailloit, les biens estoient
par tout a lentourt detenus, lextremite estoit grande
et tout ce nempe8chea: car tellement Dieu y ouvra
par sondit serviteur qui iusques a la mort en loeuvre
du Seigneur, a este fidelle que par nécessite
combien quelle* y fut grande personne des povres
neut aultrement a suffrir. De present quant les
biens sont pleinement dedans la ville, que tout en
est plein, les revenus ne sont point petitz pour les
povres, comme mieulx scaves que moy: dou vient
tout cecy que tout est ainsy cheange et que Ion
est comme en ung aultre monde? O que de fois
mes frères vous a este predict: cest le droit iugement
de Dieu qui présentant si grande grace et
miséricorde quant vainement tout est receu et que
la ou Ion est serf inutile Ion ne recourt a la miséricorde
de Dieu demandant son aide en tacheant
de mieulx servir ce bon père et mieulx garder ses
sainctz commandemens, ainsy quil demande que
croissions et abondions en toutes graces et biens et
que ne regardions arrière. Car en marchant au
chemin de nostre Seigneur il donne grace et faiot
abunder. Au contraire quant Ion est remis et tardif
il oste ce quil a donne et laisse le povre personnaige
en grosse povrete tellement quil vad de
pis en pis iusques a estre du tout abisme comme
le voyes devant voz yeulx. Et si Dieu ny secourt
par sa grace plus grandement le verres. Reste,
mes frères, pour lesquelz Iesus est mort, que de
humilité de cueur en vous prosternant devant ce
bon père au nom de nostre Seigneur Iesus demandes
mercy et miséricorde. Ne cries ne contre cestuy
ne contre laultre mais ung chascung contre
soymesme et ung chascun sacuse devant Dieu
comme estant digne do sa part de plus grande confusion.
Et ainsy tous abattuz devant Dieu demandais
son aide et secours tous le pries vouloir regarder
en pitié sur vous et vous assister par sa
grande puissance, vous secourir selon sa grande
bonté et comme desires que le bon Dieu naye esgard
a voz péchez pour en prendre vengeance mais
seulement en pitié, gardes ne soies daultrè affection
envers ceulx que voyes ainsy faillir devant Dieu
mais seulement regardes leurs faultes pour en avoir
pitié en priant nostre Seigneur qui leur aide et
face miséricorde leur donnant son sainct esprit, et
en toute doulceur les admonestant que toute detraction
et mal parler des aultres soient loing de
vous, et singulièrement affection de vengeance, laquelle
du tout soit loing de vous. Rompes voz
cueurs et voz miserables custumes, que vostre cueur
soit plein de charité envers tous, que vostre bouche
ne die que bien et ne parle quen bien et charité
dos aultres, que la main ne serve quen bien. Ayes
soubvenance questes a Dieu achettez de gros pris:
pourquoy nestes point a vous, ne serves a vous
ne a voz affections mais a Dieu seulement. Quel
proufit repourtes vous quant en vostre cueur estez
pleins de amartume de rancune hayne et malveillance:
si aves dit tous les m aulx de vostre prouchain,
quant tout ce que luy pouves faire luy aves
faict pour luy nuyre, quant tous les maulx sont venus
sur luy, nest il faict a lymage de Dieu comme
vous, estant homme comme vous? voire appelle
pour estre vostre frère pour vivre en Iesus et régner
avec vous? Combien vauldroit trop mieulx quen
vraye charité et amour de Dieu laymant et procurant
son bien, parlant de luy et a luy en son
bien et proufit, vous emploians en tout tellement
quen nostre Seigneur fussies ung, frères en nostre
Seigneur vivans sainctement et purement. Treschers
il faut avoir aultre affection et considérer laffection
que le Seigneur a heu envers nous et de telle affection
estre envers tous: sil leffaict en vient au
salut du prouchain quel bien est ce et quelle ioye,
quelle consolation: sil ne luy proufite, nous avons