volumnis xxxviii. pars prior. - Archive ouverte UNIGE

175 EPISTOLAE 99—100 176
idolatries et grandes abominations, tellement que la
plus part du peuple s'estoit desvoiee de Dieu et de
sa vraye religion. Et d'autant que les églises dont
nous parlons sont maintenant églises et peuple de
Dieu et que en icelles y a grande corruption et par
plusieurs se commettent idolatries et abominations,
ie ne vouldrois pas nier que en cela ne peult bien
estre faicte quelque comparaison de ces églises au
peuple d'Israël qui lors estoit, mais ie ne scaurois
pas pourtant accorder estre diet que l'estat qui est
a present de ces églises soit semblable a celluy qui
lors estoit au peuple d'Israël, ainsi que ie voy bien
que l'entendez, c'est a dire que la 'publique forme
de religion qui est en ces egüses soit de soymesme8
contre dieu, mauvaise et abominable, ainsi que
celle qui fut inventée et érigée en ce peuple la par
Ieroboam et depuis suivie maintenue et adioustee
par Achab. Bien ne youldrois ie point affermer
que par advantuye il n'y ait en aucunes de ces
églises en la publique forme de religion qu'elle observe
quelque chose inventée et érigée qui est mesmes
peult estre de soy mauvaise et contre Dieu,
comme aussi ne vouldrois ie pas de mon seul sens
et témérairement iuger s'il y en a ou discerner ce
qu'il y en a, mais si ainsi est qu'il y en ait, tout
le reste pourtant n'est pas tel et ce qui l'est ne
peult pas corrumpre le demourant ne le rendre tel.
Toute la forme de religion dressée et introduite par
Ieroboam et par Achab au peuple de Israel estoit
entièrement de soy mauvaise quelque couleur qu'ilz
luy poussent bailler. Car elle estoit mise sus contre
la manifeste parolle de Dieu et sa defense expresse
qui ne vouloit pour ce temps la autre publique
forme de religion estre receue de son peuple
que celle qu'il luy avoit baillée et prescripte au
temple en Ierusalem. Celle qui est en ces églises
est par soy bonne, i'entens toute celle qui y est qui
peult servir a exciter les hommes a reoognoistre et
révérer Dieu, a désirer grace et salut de luy, a avoir
de plus en plus ferme foy en luy et ardente charité,
tant envers luy que envers les prochains, a
garder saincte 51 ) discipline honeste, ordre et police
es églises, brief toute celle forme de religion qu'ont
ces églises qui peult servir a bien est de soy bonne
et ne fault doubter qu'elle n'ait esté instituée de
Dieu, si non par la bouche de Iesus Christ mesmes
ou de ses Apostres, toùtesfois par son esprit ouvrant
es autres bons pasteurs ou serviteurs de Dieu
qui l'ont indroduite en ces églises. Car nostre
Seigneur Iesus qui est venu, non pour estre un
législateur comme Moise, mais pour fere grace et
vérité 62 ) donnant son évangile, a seulement voulu
par soy mesmes instituer quelques sacremens pour
61) toute G.
52) oharité G.
estre communs a toutes ses églises, sans en rien
plus constituer certaine forme externe de religion
a laquelle tous feussent astrainetz, mais a donné
puissance a ceulx ausquelz il a baulé le ministère
de ses églises d'ordonner en icelles toutes choses y
servans a edification 58 ) et par ce moien d'y instituer
et retenir oultre ses sacremens certaine forme
publique de religion, la changer ou corriger, ainsi
qu'il peult estre expédiant selon lo temps, pour
l'édification d'icelles églises et la promotion du
regne de Dieu. Et ce qu'ilz font par ceste puissance
(qu'il fault estre vrayement servant* 4 ) a la
fin que nous avons dicte, car autrement il ne procéderait
de ceste puissance mais de tirannie et
abuz) il ne se peult (puis que ceste puissance est de
Iesus) dire qu'il ne se soit faiot par l'esprit de
Iesus et en sa parolle. Il peult bien estre, selon
que des choses qui pour le regard de leur institution
de soy sont bonnes et ont esté ordonnées a
bien, les hommes souvant en abusent et les tournont
a mal, qu'il soit auiourduy expédiant de changer
ou corriger en ces églises plusieurs telles choses
pour l'abuz qu'on y commect et qu'on les tourne a
mal. Et doivent ceulx qui le cognoissent le remonstrer
ou il se appartient et pro vocatione !,b )
mais non pas pourtant ou condamner telles choses
comme de soy mauvaises ou les fere changer ou
corriger par voie non legitime, ains tant qu'il plaist
a nostre Seigneur n'ouvrir ceste voie, on les doibt
cependant endurer en usant en bien et condamnant
l'abuz qui s'y faict en le declarant, et admonestant
un chascun tant qu'on peult pro vocatione 56 ) de
s'en garder. Qu'il n'y ait beaucoup de gens en ces
églises qui se conduisent ainsi au mieulx qu'ilz
peuvent selon la cognoissance que le Seigneur leur
donne et la grace de fortification qu'il leur faict en
leur infirmité, il ne se peult dire qui ne le diroit
contre ce que l'experianoe en monstre a ceulx qui
veulent bien iuger et qui ne diroit une église de
Dieu pouvoir estre sans qu'il y ait membres d'icelle
qui vrayement craignent et ayment Dieu. Mais de
tous ceulx du peuple d'Israël qui adheroient a la
religion dressée et observée par Ieroboam et Achab
il ne peult estre diet que aucun feust qui d'icelle
usast en bien. Car, puis qu'elle estoit toute de soy
mauvaise, instituée en mal et contre Dieu il ne se
povoit fere que aucun en usast autrement qu'en mal
et que quiconque en usoit n'eust délaissé la craincte
et amour de Dieu ou en feust du tout desnué.
Vous voiez doneques qu'il n'y a ordre de fere comparaison
de l'estat qui estoit au peuple de Israel
du temps de Ieroboam ou Achab a celluy qui est
53) y conoernans edifioation G.
54) prenant G.
55) par vocation C.