volumnis xxxviii. pars prior. - Archive ouverte UNIGE

167 EPISTOLAB 1)9 168
pins grand part des membres d'icelles aussi vous
a en execration, ie ne see si ie doibs pourtant dire
que les églises vous y aient ou plustost dire qu'elles
ont en execration non -pas ee qui est de bon en
vostre doctrine ou en vous, mais ce qu'elles oient
dire de vous et ont quelque occasion de le croire
pour ce que vous tenez en division d'avec elles au
lieu que deviez vous y tenir en union en tout ce
que avec Dieu il se povoit 24 ) fere. Que ie ne
puisse leur donner ce tiltre d'églises de Dieu que
ie ne vous tienne pour schismatiques, certes ie ne
vous veulx dissimuler que comme ie n'ose facilement
et légèrement avoir ceste reputation de vous
et desire en estimer et parler plus modestement
considérant d'une part les graces et dons que
nostre Seigneur a faict a plusieurs d'entre vous et
le zèle de Dieu que vous avez et d'autre part ce
que plusieurs vous 25 ) contrarient en aucunes choses
ou ilz ne deussent et pour icelles mesmes vous
persécutent iniquement et intemperement, aussi
ne puis ie pas voir comme vous soirez entièrement
netz de schisme et quelque blasme ne vous en soit
a donner. Ce que vous iugez de ces églises, qu'il
y a seulement en elles quelques reliques de la benediction
de Dieu ainsi que s. Paul affermait des
Israelites ne me satisfaict pas, et ne puis ne repprouver
26 ) que vous n'osez les comparer aux synagogues
des Iuifz de peur de fere iniure a bestes oy
en ne les préférant aux autres ou pour le moins
en les postposant, parce que l'idolâtrie n'y soit 27 )
pas telle ne les abominations tant horribles, et aussi
peu puis approuver ce que a fin de donner comparaison
de ces églises plus propre vous dictes que
leur estât est tel qu'il y avait au peuple d'Israël
soubz Ieroboam ou bien soubz Achab du temps que
les esperitz par longue coustume estaient plus corrumpuz.
le ne veulx pas entrer 28 ) en dispute
avec vous qui peust engendrer contention entre
nous, d'autant que ie desire (selon que i'ay desia cy
devant diet) observer avec vous union et amitié
perpétuelle entant que avec Dieu fere ie le pourré.
Mais pour aucunement vous rendre rayson de ce
que ie suis en cest endroict de divers iugement a
vous ne vous ne moy n'avons iamais eu l'efficace
du baptesme de Iesus Christ si ne l'avons eue par
le vray ministère de Dieu. Et ie croy que ne vouldriez
nier non plus que moy que ne l'avons eue
au baptesme que avons receu par le ministère des
églises ou nous sommes nez et avons esté baptisez
voire deslors que y feusmes baptisez. Car encores
24) pourroit G.
25) part que plusieurs de vous C.
26) pnis approuver C.
27) est C. ,
28) estre C.
que lors nous n'eussions le sentiment d'icelle efficace,
et que mesme depuis estre venuz en eage de
cognoissance elle se soit par plusieurs années a
faulte de assez bonne instruction et selon la dispensation
de dieu si peu exeree 29 ) en nous que nul
ou bien petit sentiment nous en avions, toutesfois
il n'est a doubter que deslors elle print commancement
en nous et que depuis elle y a receu ses aocroissemens
quand et commant il a pieu a nostre
Seigneur. Si vous y avez bien pensé, vous ne
pourrez a mon advis dire du contraire avec vostre
conscience. Que si nous recognoissons avoir receu
l'efficace du baptesme de Iesus Christ es églises ou
nous avons esté baptisez et ce par le ministère qui
y estoit, puis que celle efficace ne se peult recevoir
que par le vray ministère de Dieu, d'autant que
telle est sa volunté il est nécessaire que nous confessions
le ministère d'icelles églises avoir esté vray
ministère de Dieu, lequel ministère y persevere et
continue. Car le mesme ministère qui lors y estoit
y est encores et n'en a esté osté. Et s'il y avoit
et a encores vray ministère de Dieu en icelles
églises, il s'en ensuit qu'elles estaient et sont
vraies églises de Dieu. Car ou il y a vray ministère
de Dieu, la y a il aussi nécessairement vraye
église de Dieu. Or vous scavez que elles sont de
celles dont nous parlons, vivans en union aveo elles
tellement que si 80 ) les unes ont esté et sont églises
de Dieu autant en est des autres. Et comme nous
avons receu en ces églises l'efficace du baptesme
de Christ et des autres sacremens quand n'y avons
mis obstacle de incrédulité et péché, autant y en a
esté et est faict a l'endroict de tous autres qui par
telle grace du Seigneur les y ont receuz ou reçoivent,
ce qu'il n'est a doubter y estre selon le bon
plaisir de Dieu advenu et advenir iournellement.
Si donc il fault confesser que les sacremens de nostre
Seigneur et pourtant sa parolle sont iournellement
dispensez avec efficace en ces églises, commant
ne les doibt on recognoistre pour églises de
Dieu? le ne veulx pas nier que plusieurs ne commectent
en elles infinis abuz, ne que la parolle du
Seigneur n'y est pas le plus souvent si purement
et loyaument traictee et adnoncee et les sacremens
si dignement et 81 ) sainctement administrez comme
il s'appartiendroit, ne que les idolatries et abominations
fort horribles en aucunes ne soient commises
par aucuns, ne qu'en toutes n'y ait auiourdhuy
beaucoup de corruption, ie n'entons pas quant aux
meurs ou la discipline seulement, mais aussi quant
a la parolle et les- sacremens. Mais tout cela ne
faict pas que pourtant elles ne soient églises de
• •"; •-. J
29) exercée C.
30) par C.
31) loyaument .... dignement et