volumnis xxxviii. pars prior. - Archive ouverte UNIGE

17 ORDONNANCES. • 18
ordonnée et l'entretenir en son entier jl nous fault
observer ceste forme de regime.
Quant est des pasteurs que lescripture nomme
aussi aulcunesfois a) anciens et ministres, leur office
est dannoncer la parole de dieu pour endoctriner,
admonester, exhorter et reprendre tant en publiq
comme en particulier, administrer les sacremens et
faire les corrections fraternelles avec les anciens et
comys.
Or affin que rien ne se face confusément en
lesglise nul ne se doibt jngerer en cest office sans
vocation, en laquelle jl fault considérer trois choses,
assavoir lexamen, qui est le principal. Apres aussi b)
jl appartient de jnstituer les ministres. Tiercement
quelle cérémonie • ou façon de faire jl est bon de
garder a les jntroduire en loffice.
Lexamen contient deux parties dont la premiere
est touchant la doctrine, assavoir si celluy
quon doibt ordonner a bonne et saincte c) cognoyssance
de lescripture. Et puys sil est ydoine et
propre pour la communiquer au peuple en edifi- " l
cation. ')
Aussi pour éviter tout danger que celluy quon
veult retenir d) n'ait quelque opinion maulvaise, jl
sera bon quil proteste de recevoir et tenir la doctrine
approuee en lesglise.
Pour cognoystre sil est propre a enseigner jl
fauldra procéder par jnterogations et par louyr
traicter en prive la doctrine du seigneur.
La seconde partie est de la vie, assavoir sil
est de bonnes meurs et sest tousiours gouverne
sans reproche. La reigle dy procéder est tresbien
demonstree par sainct paul, laquelle jl fauldra tenir.
Sensuit a qui jl appartient dinstituer les pasteurs.
Jl sera bon en cest endroict de suyvre lordre
de lesglise ancienne, veu que ce nest que practique
de ce qui nous est monstre par lescripture. Oest
que les ministres eslisent premièrement celluy quon
doibvra mettre en loffice. 2 )e) Apres, quon le présente
au conseil. Et sil est trouve digne, que le
conseille reçoive et accepte, 3 )f) luy donnant tesmonage
pour le produyre enablement au peuple en la
predication, affin quil soit receu par consentement
commun de la compagnye des fidelles. Sil estoit
trouve jndigne et demonstre tel par probations legi-
1) estant premièrement appres lexamen fayct présente a
la seigneurie. Add. d'une autre main.
2) l'ayant faict assavoyre a la seigneurie. Addition.
3) ainsy que Ion verraz estre expedient. Addition.
4) Cet article est rayé.
5) ce que desyrons. Autre main.
6) quon les exhorte est effacé et remplacé par une autre
main par: nous ministres de la ville les ayent a exorter.
7) et comys par la seigneurie. Addition.
' 8) laquelle appartiendra a la seigneurie. Addition de
Vautre main.
Gaîvini opera. Vol. X.
times jl fauldroit lors procéder a nouvelle election
pour en prendre un aultre.
Quant a là manière de lintroduyre, jl seroit bon
de user de limposition des mains, laquelle ceremonye
a este gardée des apostres et puys en lesglise
ancienne, moyennant que cela se face sans superstition
et sans offence. Mais pource quil y a eu
beaucoup de superstition au temps passe et quil sen
pourroit en suivre du scandalle on sen abstient
pour linfirmite du temps. *) g)
Quant jl sera esleu quil ait a jurer entre les
mains de la seigneurie, duquel serment jl y aura
forme esGripte, convenable a ce qui est requis en
ung ministre, h)
Or comme jl fault bien examiner les ministres
quant on les veult eslire aussi fault jl avoir bonne
police a les entretenir en leur debvoir. ô )
Premièrement sera expedient que touz les ministres,
pour conserver pureté et concorde de doctrine
entre eulx, conviennent ensemble un iour
certain la sepmaine pour avoir conference des escriptures
et que nul ne sen exempte sil na excuse
legitime. Si quelqun y estoit negligent quil en soit
admonneste.
Quant a ceulx qui preschent par les villages
dependans de la seigneurie, quon les exhorte 6 ) dy
venir touttes les fois quilz pourront. Au reste silz
défaillent ung moys entier quon tienne cellä pour
negligence trop grande, sinon quil y eust maladie
ou aultre empeschement legitime.
Sjl y sortoit quelque différent de la doctrine,
que les ministres en traiotent ensemble pour discuter
la matière. Apres si mestier estoit quilz appellent
les anciens 7 )i) pour ayder a appaiser la contention.
Finablement silz ne pouvoient venir a concorde
amiable pour lobstination de lune des parties, que la
cause soit déférée au magistrat pour y mettre ordre.
Pour obvier a tous scandales de vie il sera
mestier quil y ait forme de correction 8 )k) a laquelle
a) surveillans, anciens etc.
b) après a qui il appartient.
c) saine.
d) veult recepvoir.
e) La rédaction défln. ajoute aussi: layant faict a scavoir
a la seigneurie.
f) La réd. off. adopte aussi l'addition: selon quil verra
estre expedient.
g) Dans le texte définitif cet article est ainsi conçu: Quant
a la manière de l'introduire, pource que les ceremonies du
temps passe ont este tournées en beaulcoup de superstitions,
a cause de l'infirmité du temps, il suffira quil se fasse par un
des ministres une declaration en remonstrance de loffice auquel
on lordonne puis quon fasse prières et oraisons affin que
le seigneur luy fasse la grace de sen acquiter.
h) Addition: selon que sensuit: puis fault insérer la forme
dont on use.
i) et commis par la seigneurie.
k) correction sur les ministres, selon quil sera expose
puis après.
2