volumnis xxxviii. pars prior. - Archive ouverte UNIGE

153 1538 FEBRUAR. - 154
Bimus. Negotium suum Dominus ipse curabit. Ad
Argentinenses fratres 'statim soleo mittere omnia,
quum aliquid accidit. Dabimus operam omnes, quomodo
rebus duce Domino succurramus. Multum
auxilii positum apud Bernâtes est, verum videtis
qui istic quoque motus fuerint hactenus. Spero,
Dominus Christus omnia ad utilitatem ecclesiae
suae convertet. In illum respiciamus: potens est,
ac viam, ubi videbitur, certam inveniet, quomodo
statum aliquem rebus addat. Interea sedulo apud
fratres agemus omnia. Valete mei fratres carissimi.
Dominus Christus confirmet TOS in ipsius ministerio
sancto ad veram salutem suorum. Amen. Febr.
13. anno 38. »)
Simon Grynaeus vester frater.
93.
CALVINUS BULLINGERO.
Status ecclesiae Genevensis tristissimus et fere
deploratus. Excommunicationis disciplina et urbis in
parochias distributio a senatu impetrari non potuit.
Synodus publica plurium ecclesiarum cogi deberet in
qua communi deliberatione de rebus omnibus utiliter
instituendis dispiceretur. Imtheri benignam, quae fertur,
responsionem nondum vidit. «
(Ex autograpbo Archiv. Turic. Plut. VI. vol. 105 olim B. Tom.
I. fol. 287. Descripsit Simler vol. 44. Anglice legitur ap.
B.-0. Tom. I. p. 41.)
H. Bullingero Tigurinae ecclesiae vigilantissimo
pastori fratri et symmystae mihi observando.
Tiguri.
Gratia et pax a Deo pâtre et Domino Christo.
Integerrime simul et eruditissime frater. Si miserrimae
nostrae conditionis iustam narrationem apud
te persequi instituam, longa mihi texenda sit historia.
Nostram autem appello quae ecclesiam, oui
praeesse nos Dominus voluit, iam aliquamdiu vexavit
et nunc etiam magna ex parte premit. Sed
quia neque ad singula explicanda satis in praesens
suppetit otii, et boni isti viri nonnulla per se recitare
poterunt, longiore epistola non ero tibi molestus.
Etsi enim ipsam forte mali scaturiginem non
animadverterunt, nee quorsum tenderent improborum
conatus, ipsa tarnen rerum faciès qualis esset,
9g. 1) De rebus Genevensibus hoe ipso tempore gestis adeundi
prae caeteris Böget, hist, du peuple de Genève p. 64
suiv. et Kampschulte I. p. 302 seqq.
non obscure perspexerunt. Utinam vero dies unus
ad liberam commentationem nobis daretur. Inde
enim, ut spero, non discederetur sine ingenti fructu.
Habeo certe quae nec literie complecti nunc tuto
posse video, nec a nobis nisi mature ultro citroque
expensa et discussa transigi. Hoc tarnen obiter indicabo,
mihi videri, nos diuturnam ecclesiam non
habituros, nisi restituta in integrum antiqua illa,
hoc est, apostolica disciplina, quae apud nos in multis
partibus desideratur. Nondum extorquere potuimus,
ut pura sanctaque reduceretur excommunicationis
observatio. Ut urbs quae est pro amplitudinis
suae modo populosissima in paroecias distribueretur.
Quemadmodum enim fert confusanea
haec administratio, vulgus hominum concionatores
nos magis agnoscit quam pastures. Alia sunt permulta
quae quum emendata vehementer cupiamus,
nullam inire possumus rationem, nisi id agatur
communi et fide et studio et industria. O si pura
sinceraque tandem inter nos concordia sanciri queat.
Quid enim tune impediret, quominus publica aliqua
synodus cogeretur, ubi singuli, quid ecclesiis suis
maxime conducat, proponerent, ratio efficiendi communi
deliberatione dispiceretur, et, si opus foret,
civitates ac principes etiam mutua et hortatione se
adiuvarent et autoritate confirmarent? Sed in tanta
perplexitate magis rogandus est Dominus ut viam
expédiât. Lutheri responsionem ad vos pervenisse
admodum benignam et amicam, Pellicanus nobis indicavit:
qua Grynaeus sibi multam spem fieri obtinendae
pacis altera ex parte testatur. Sed ea
qualis sit nondum rescire potuimus. Quae ob pröpinquitatem
ecclesia ') nobiscum omnia posset opportunissime
communicare, nullo unquam apiculo
nos dignata est. Tu, si qua se offeret occasio, non
gravaberis summam saltern nobis exponere. Farellus
te salutat. Salutabis meo nomine non vulgariter
fratres mihi in Domino colendos, tuos collegas,
JPellicanum, Leonem, Bibliandrum, 2 ) praeterea Phrisium.
Dominus vos omnes in regni sui propagationem
vos 3 ) incolumes servet. Genevae, 21. Februarii
1538.
Calvinus totus tuus.
93. 1) Bernensis scilicet.
2) Simlerus de suo praenomen Theodori addidit, translator
anglicus hune Theodorum a Bibliandro distingua.
3) sic!