volumnis xxxviii. pars prior. - Archive ouverte UNIGE

13 ORDONNANCES. 14
la parolle de Dieu que nous voyons en la plus part
et la negligence des parens a instruire leurs enfans
en la voye de Dieu, dont on voyt vne merueilleuse
rudesse et jgnorance en beaucoup, laquelle nest aulcunement
tollerable en lesglise de Dieu.
Lordre que nous auons aduise de y mettre,
cest quil y aye vne briefue somme et facile de la
foy crestienne, laquelle soyt apprinse a tous les enfans
et que certaynes fassons de lannee ils viennent
par deuant les ministres pour estre jnterroguez et
examinez et recepuoyr plus ample declaration selon
quil sera besoing a la capacité dung chacun deux,
jusques a ce quon los aye approuez estre suffisamment
jnstruicts. Mays que vostre playsir soyt fere
commandement aux parens de mettre payne et diligence
que leurs enfans apprennent jcelle somme et
quil se présentent aux ministres aux temps quil
sera diet.
Finablement pour ce que le ') a tant
brouille les causes de mariage en faysant degrez a
son playsir, determinant des diuerses jniquemant et
contre toute rayson, que jl est requis et necessayre
de vuyder les controuerses qui en sont ensuyuies
bien souuant par la parolle de Dieu, nous auons
délibère vous supplier pour auoyr la chose plus certayne,
que vous donniez la charge et commission
a certaynes personnes de vostre compagnie de juger
et decider toutes causes qui en viendront en auant,
adjoingnant auecq eux quelques ministres pour les
mieux jnformer de ce qui sera de fere selon la pa-
1) Ici encore, comme plus haut, le manuscrit a laissé un
mot en blanc, probablement: pape.
rolle de Dieu, lesquelz commissayres auecq le conseil
desdicts ministres feront premièrement ordonnances
des cas suruenans communément, selon lesquelles
ils auront a juger. Ce neantmoins après
vous les auoyr presentees, pour estre approuuees
de par vous deuant que procéder en auant.
Maintenant, nous treshonnores seigneurs, nous
vous supplions affectueusement tous dung accord et
prions au nom de Dieu, si vous voyes que ces aduertissemans
et exhortations soyent vrayement de
la parolle de Dieu, ne les prendre poent comme de
nous, mays comme de celluy dont elles procèdent,
pareillement considérer de quelle jmportance et consequence
elles sont a entretenir en son estât lhonneur
de Dieu et conseruer lesglise en son entier.
Lesquelles considerations feront que ne vous espargneres
a mettre en exequution diligemment ce
que verrez non seulement estre de vostre office,
mays aussi tant necessayre a entretenir vostre
peuple en bonne police. Et ne vous doyt esmouuoyrla
difficulté que aulcun porroyt alléguer estre en ces
choses. Car nous debuons auoyr ceste espérance,
quant nous nous offrons de suiure ce qui nous az
este ordonne de Dieu, que de sa bonté il fera prospérer
et conduira a bonne fin nostre entreprinse,
comme vous mesmes aues asses expérimente jusques
jcy en tous les afferes ou le Seigneur vous az faict
ceste grace de chercher sa gloyre: jl vous assiste
par sa puissance pour mener tout a bonne yssue. ')
1) Au dos de la pièce se trouve écrite la note suivante:
La cène demeure a quattres fois l'année. Le baptesme tous
les jours.