volumnis xxxviii. pars prior. - Archive ouverte UNIGE
volumnis xxxviii. pars prior. - Archive ouverte UNIGE
volumnis xxxviii. pars prior. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
91 EPISTOLAB 54—56 92 .<br />
bentissime si plures habere cupias. Quin et ex<br />
reliquis libellis nostro prelo impressis, si quibus<br />
maxime vel oblcctari te vel studia tua iuvari posse<br />
intelligam, mit tarn quoscunque iusseris. ïanta<br />
enim est tua in nos benevolentia, quae nullo tarnen<br />
nostro in to mutuo possit officio rependi facile.<br />
Quod reliquum est, si in excudendis tuis illis 'forte<br />
non respondimus per omnia exspectationi tuae, dabis<br />
veniam quam soles pro humanitate tua, et quam<br />
dedisti hactenus, quanquam sedulo dedimus opcram<br />
tarnen ut quantum fieri posset emendate excuderentur,<br />
non semel super locis aliquot, in quibus<br />
forte nos non explicabamus, consulta et Grynaeo et<br />
Ludovico tuo. Neque in emendandi- officio de negligentia<br />
aliqua nostra multum querebere. s ) Cavimus<br />
enim id .quoque ne erratorum nisi leviusculorum<br />
taedio gravius offendereris. Nam quod unum<br />
atque alteram forte irrepsit facile ignosces. Neque<br />
enim ullus unquani, liber a quoquam est ita impressus<br />
emendate, ut non facile etiam inter imprimendum<br />
quaedam obreperent, quae omnia evitare impossibile<br />
sit, pro ea qua hodie passim utimur excudendi<br />
ratione. De Oatechismo tuo 4 ) scias, mi Calvine, magnam<br />
esse exspectationem, quando eum recognitum<br />
denuo editurus sis. Cupiunt hoc plerique et exemplarium<br />
antea a nobis excusorum nullum nobis superest<br />
amplius, hie saltern Basileae. Francofordiae<br />
autem vix 50 adhuc habere nos puto. Ita feceris<br />
rem gratissimam et sacrae theologiae studiosis, si<br />
editionem aut recognitionem illam tuam matures, et<br />
nobis inprimis, si in recudenda ilia opera nostra<br />
uti non dedigneris. Audio te magna cum laude et<br />
utilitate praelegere D. Pauli epistolas. Oro igitur<br />
ut, quaecunque in iis praelegere et annotare tuis<br />
soles, aliis quoque uti per nos aliquando communicentur,<br />
operam dare non graveris. Salutabis meo<br />
nomine diligentissime Farellum utrumqne, s ) Dn. ab<br />
Alto monte, 6 ) D. Viretum, Rogerium et amicos caeteros,<br />
quibus omnibus me quam diligentissime etiam<br />
commenda. Basileae dio palmarum 1537. 7 )<br />
Uaptim ut non licuerit Tuus ex animo<br />
relegere. loan. Oporinus.<br />
3) sic!<br />
4) Omnino de Institutione loquitur, non de Oatechismo<br />
proprie sic dicto. Nam hunc Basileae impressum fuisse gallice,<br />
nemo est qui serio crediderit, multo minus in Germania<br />
tarn rapide dioenditum.<br />
5) N. 38, not. 1.<br />
6) de Rautmont, quo nomine Lud. du Tillet tunc veniebat.<br />
7) ». e. 25. Martii.<br />
55.<br />
SAMMARTHANUS OALVINO.<br />
Viri illustrissimi ignotus amicitiam appétit, Institutionem<br />
eius usque ad interiora Galliae penetrate<br />
non posse queritur, quam Germaniae invidet, extorrem<br />
autorem desiderat. Fictaviensis academia magnis quidem<br />
nominibus clarescit sed et sycopliantas alit. Stephanum<br />
suum tabellionem commendat Genevae libertatem<br />
quaerentem.<br />
(Ex autographo Ood. Gothani 404, fol. 761. — Bretsohneider<br />
p. 187.)<br />
D. Ioanni Calvino doctrina omni et pietate<br />
cumprimis venerando ecclesiastae Lausanensi<br />
Lausanae.<br />
Carolus Sammarthanus ') sacrarum literarum in Pictaviensi<br />
Academia regius professor, D. Ioanni Calvino<br />
Lausanensi 2 ) ecclesiastae viro pio iuxta ac<br />
erudito S. D. in eo qui est omnium vera salus.<br />
Hultae sunt causae, doctissime Calvine, quae<br />
me ad te scribere parantem optimo iure et deterrere<br />
poterant, et omnino a scribendo revocare.<br />
Quas si commemoravero, vulgares forte existimabis,<br />
et in huiusmodi accusationibus adduci solitas, sed<br />
graves tarnen mihi, ut qui de iis optime conscius<br />
satis perspiciam, quam ille famam prostituit suam,<br />
qui ad tales tarn cordatos, tarn emunctao naris,<br />
tamque absolutos numeris omnibus viros audeat literis<br />
garrire, seriis studiis obstrepere, adeoque delicatas<br />
aures obtundere. Nam praeterquain quod neque<br />
tibi de facie notus sim neque de nomine, sentio<br />
déesse mihi omnia, quae ad scribendum loquendumve<br />
perquam necessaria sunt. Et tarnen eo audaciae<br />
veni ut nihil minus dubitarim quam votis<br />
meis satisfacere, illud in sese recipiente communi<br />
amico Normandio, s ) hoc vero mihi promittente singulari<br />
tua humanitate, quam spero communi literarum<br />
nomine, deinde arctiore vinculo eorundem<br />
studiorum, adde aequo flagrante pietatis desiderio<br />
propitiam mihi fore. Neque enim videtur quidquam<br />
recusaturus, quod amicitiae christianao legem non<br />
violet, qui per sese facilis est et perhumanus. Illud<br />
porro quod a te per literas contendo, Christum spectat<br />
solum et verbi eius maiestatem, nempe quum<br />
55. 1) -De Saincte Marthe, cuius pater Francisci Regit<br />
medicus fuerat, Pictavii iuridicis studiis incubuerat, etiam caeteris<br />
non neglectis, maxime classicis et hebraicis. Ob religionem<br />
suspectus, nee immeriio, vix summa discrimina effugit.<br />
2) Vide quam incerti rumores de rebus exteris ad interiora<br />
Galliae pervenerint.<br />
3) Laurent de Normandie, de quo vide Tom. 7111.<br />
p. 5 et Prolegg. T. 711. 37.
Change language