volumnis xxxviii. pars prior. - Archive ouverte UNIGE

9 ORDONNANCES. 10
nous par nostre negligence veuz que sainct Paul
denunce vne si grosse vengance sur ceux qui traicteront
ce sacrement jndignement. Il fault doncq
que ceux qui ont la puissance de fayre ceste police
mettent ordre que ceux qui viennent en ceste communication
soyent comme approuuez membres de
Iesuchrist.
Pour ceste cause nostre Seigneur a mise en
son église la correction et discipline dexcommunication
par laquelle jl az voullu que ceux 1 ) qui seroyent
de vie deordonnee et jndigne dung crestien,
et qui mespriseroyent après auoyr estes admonestez
de venir a amandemant et se réduire a la droicte
voye fussent deiectez du corps de lesglise et quasi
comme membres pourris couppez jusques a ce quil
revinssent a résipiscence recognoyssant leur faulte
et paourete. Ceste manière de correction a este
commandée du Seigneur a son esglise au 18 de S.
Matthieu. Nous en debuons doncq user si nous ne
mesprisons le commandement qui nous en est donne.
Nous en auons lexemple en S. Paul 1. Timoth. 1
et 1. Corinth. 5 auecq griefue denunciation que
nous nayons a hanter aulcunemant auecq ceux qui
se diront crestiens et neantmoins seront notoyrement
paillars, auaricieux, jdolatres, maldisans ou
yurongnes adonnes a rapines. Pourtant sil y a
quelque craincte en nous de Dieu jl fault que ceste
ordonnance aye lieu en nostre esglise. Encores les
raysons mesmes surquoy elle est fondée et les
fruicts qui en prouiennent nous deburoyent esmouuoyr
a en vser quant jl ny auroyt pas si exprès
commandement. Cest premièrement que Iesuchrist
nest pas blaspheme et deshonore comment si son
église estoyt vne conjuration de gens peruers et dissoluz
en tous vices. Secondement que ceulx qui
recoipuent telle correction, ayans honte et confusion
de leur pèche viennent a se recognoestre et se
amender. Tiercement que les aultres ne sont pas
corrumpuz et peruertis de leur conuersation mays
plustost par leur exemple sont aduertiz de ne cheoyr
en pareilles faultes.
Ceste usance et praticque a dure anciennement
quelque temps en lesglise auecq singulière vtilite
et aduancemant de la crestiente, jusques a ce que
aulcungs meschans evesques ou plustost brigans tenans
places deuesque lont tournée en tirannye et
en ont abuse a leurs mauuayses cupidités. Tellement
que cest aujourduy lune des choses les plus
pernicieuses et mauldictes quon voye au royaulme
du pape que lexcommunication, combien que ce soyt
vne des choses des plus prouffitables et salutayres
que ayt donne nostre Seigneur a son esglise.
Or ceste faulte est aduenue par ce que les
pseudos euesques ont rauy a lassemble des fidèles
1) Gàberél omet: que ceux.
et tire a eux la cognoissance et puissance dexcommunier.
Laquelle véritablement ne leur appartenoyt
pas par la parolle. Et après auoyr vsurpe
ceste domination ils lhont conuertie en toute perversité.
Apres doncques auoyr considère que vne esglise
ne peulz consister en son vray estât sans garder
ceste ordonnance du 1 ) et quil seroyt fort
a craindre que le contempnement ne futz pugny
par vne grande vengance de Dieu, jl nous az
semble aduis estre expedient quelle futz remise sus
en lesglise et exercée selon la reigle que nous en
auons en lescripture. Et neantmoins quon mist
daultre part bon ordre de ne tomber en jnconuenient
de la deprauer et corrumpre par mauuays
usaige.
Et pour ce faire nous auons deslibere requérir
de vous que vostre playsir soyt ordonner et eslire
certaynes personnes de bonne vie et de bon tesmoignage
entre tous les fidèles, pareillement de
bonne constance et que ne soyent poent ayses a
corrumpre, lesquelz estans départis et distribues en
tous les quartiers de la ville, ayant loil sus la vie
et gouuernement dungchascun et sil voyent quelque
notable vice a reprendre en quelque personne, quil
en communiquent auecq quelcung des ministres
pour admonester quicunque sera celluy lequel sera
en faulte et lexorter fraternellement de se corriger.
Et si on veoyt que telles remonstrances ne profitent
rien, le aduertir que on signiffiera a lesglise
son obstination. Et lors sil se recognoyt, voyla
desja vng grand prouffit de ceste discipline. Sil
ny veult entendre, jl sera temps que le ministre
estant aduoue de ceux qui auront ceste charge denunce
publicquement en lassemblee le debuoyr quon
aura faict de le retirer a amendement et comment
tout cela na rien proffite. Adoncques on cognoestra
sil veult perseuerer en la durte de son cueur, et
lors sera temps de lexcommunier, cest a scauoyr
quil soyt tenu comme reiecte de la compagnie des
crestiens et laisse en la puissance du diable pour
vne confusion temporelle iusque a ce quil donne
bonne apparence de sa penitence et amendement,
et en signe de ce quil soyt reiecte de la communion
de la Cène et quil soyt dénonce aux aultres
fidelles de ne conuerser poent familièrement auecq
luy. Toutesfoys quil ne laisse poent de venir aux
predications, pour recepuoyr tousjours doctrine, affin
d'esprouer tousjours sil playra au Seigneur luy
toucher le cueur pour retorner en bonne voye.
1) M. Gàberél remplit l'espace, qui dans Voriginàl est
laissé en blanc, en écrivant par conjecture: „du pape." Mais
il est assez douteux que l'auteur ait voulu parler d'une ordonnance
papale concernant l'excommunication, et devant être
conservée ou remise en vigueur dans l'Eglise de Genève, pour
ne pas attirer la vengeance de Dieu.