volumnis xxxviii. pars prior. - Archive ouverte UNIGE

7 ORDONNANCES. 8
bon aduiser de fere certaynes ordonnances par les
quelles on eust a se y gouuerner et quant jl y aduiendroyt
quelque different, mettre bon ordre a les
appayser.
Or pour le trouble et confusion qui estoyt au
commencement en ceste ville deuant que leuangille
y futz dung accord receu et recogneu jl na este
possible de reduyre tout du premier coup a bon
ordre, veu que mesme lignorance du peuple ne le
pouuoyt porter. Mays maintenant quil az pleuz au
Seigneur de vng peu mieux establir jcy son regne,
jl nous az semble aduis estre bon et salutayre de
conférer ensemble touchant ces choses et après
auoyr advise entre nous par la parolle du Seigneur,
ayant inuocque son nom et jmplore lassistence de
son esprit Quelle polisse jl seroyt bon de y tenir cy
apres, Nous auons conclud de vous presenter par
articles ce que en auons délibère selon la cognoyssance
que le Seigneur nous en az donne, vous
priant au nom de Dieu que vostre playsir soyt ne
vous espargner de vostre part a fayre icy ce qui
est de vostre office. Cest que si vous voyes 'nostre
aduertissement estre de la saincte parolle de leuangille,
mettez bonne diligence que ces obseruations
soyent receues et maintenues en vostre ville, puisque
le Seigneur par sa bonté vous az donne ceste
cognoysance, Que les ordonnances par lesquelles
son église est entretenue sont que elle soyt yrayement
et le plus prest que fere se peult confermee
a sa parolle qui est la ccrtayne reigle de tout gouuernement
et administration mays principalement
du gouuernement ecclésiastique.
Il seroyt bien a désirer que la communication
de la saincte Cène de Iesuchrist fust tous les dimenches
pour le moins en vsage Quant leglise est
assemblée en multitude veu la grande consolation
que Jes fidèles en recoipuent et le fruict qui en procede
en toute manière tant pour les promesses qui
sont la presentees en nostre foy, cest que vrayment
nous sommes faicts participans du corps et du sang
de Iesus, de sa mort, de sa vie, de son esprit et de
tous ses biens. Que pour les exortations qui nous
y sont faictes a ') recognoestre et a magniffier par
confession de louanges les merueilleuses choses,
graces de Dieu sur nous, Enablement a vivre crestiennement,
estans conioincts ensemble en bonne
payx et vnite fraternelle comme membres dung
mesme corps. Et de faict elle naz pas este jnstituee
de Iesus pour en fere commemoration deux ou
troys foys Ian, mays pour vng fréquent exercice de
nostre foy et charité Du quel la congregation des
crestiens feutz a vser quant elle seroyt absemblee,
comme nous voyons quil est escript aux actes 2 que
les disciples de nostre Seigneur perseueroyent en
1) Gaberel]: et recognoistre.
la fraction du pain qui est lordonnance de la Ceno
et telle az este tousjours la practique de lesglise ancienne
iusques a ce que labomination des messes a
este jntroduicte, en la quelle au lieu de ceste communication
de tous les fidèles a este dresse cest
horrible sacrilege, que ung sacrifieroyt pour tous.
En quoy la Cène a este du tout destruite et abolie.
Mays pour ce que linfirmite du peuple est encore
telle quil y avoyt dangier que ce sacre et tant excellent
mestere ') ne vint en mespris sil estoyt si
souuent célèbre. Ayant esgard a' cela jl nous a
semble bon que en attendant quo le peuple qui est
encores aucunement debile sera plus conferme, ceste
saincte Cène soyt vsitee 2 ) vne foys chascun moys
en lung dés troys lieux ou se font maintenant les
predications, Cest a scauoir St. Pierre, Riue ou St.
Gervays. Tellement que lung des moys elle se
face a Sainct Pierre, laultre a Riue et laultre a
Sainct Greruays et ainsi reuienne par ordre après
auoyr acheue le tour. Toutefoys ce ne sera pas
pour vng quartier de la ville mays pour toute
lesglise Et pour ce fayre on eslira heure commode
et le denuncera on par tout le dimonche deuant.
Affin quil ny ayt rien de contemptible, mays que
ce hault mistere soyt traicte en la plus grande
dignité que possible sera, jl nous a semble aduis le
meilleur que les ministres de la parolle, desquelz
proprement loffice est dadministrer tout ce que
apartient aux misteres de Dieu distribuent le pain
et le vin, figures et sacremens du corps et du sang
de nostre Seigneur. Et affin que tout ce face en
honnestete et sans tumulte ne jnsolence nous auons
propose de fayre nostre debuoyr a remonstrer et aduertir
quel ordre le peuple y debura tenir, Et admonester
vng chacun de euiter confusion, Et vous
supplier de pouruoyr par le moyen que verrez expédiant
quil y ayt bonne conduicte veuz que S.
Paul nous commande tant de y venir en singulière
reuerence.
Mays le principal ordre qui est requis et du
quel jl conuient auoyr la plus grande sollicitude cest
que ceste saincte Cène ordonnée et jnstituoe pour
conjoindre les membres de nostre Seigneur Iesuchrist
auecq leur chefz et entre eux mesmes en
vng corps et vng esprit ne soyt souillée et contaminée,
si ceux qui se declairent et manifestent par
leur meschante et jnique vie nappertenir nullement
a Iesus, viennent a y communiquer. Car en ceste
profanation de son sacrement nostre Seigneur est
grandement deshonore, Pourtant jl nous fault donner
de garde que ceste pollution qui redunde tellement
au deshonneur de Dieu ne soyt venue 8 ) entre
1) mystère.
2) Gabereh visitée.
3) vue.