volumnis xxxviii. pars prior. - Archive ouverte UNIGE

PROLEGOMENA. XLHI
§. vm.
CODICES ARGENTORATENSES.
In hac nostra urbe, quae plus semel Oalvino hospite et per integrum triennium eive vel inter
pauços eminente gloriari potuit, plurima commercii eius cum collegis et amicis epistolici vestigia in tabulariis
publicis relegi debere facile sibi aliquis persuadebit. Quam tarnen persuasionem, etsi non
omnibus numeris vanam dixerimus, cave ultra quam verum est vagari sinas. In Archivis civitatis, ubi
eas quaerebamus chartas quas inter Argentoratensem et Genevensem senatum, de Oalvino huic restituendo
ultro citroque missas sciebamus, omnino nullum exstat eius generis scriptum, adeoque ne minima quidem
schedula cui Nostri nomen adhaereat. In Bibliotheca nunc deleta unus asservabatur codex epistolarum
Ulstetterianus dictus a pristino collectore, ex quo una tantummodo pagina recipienda fuit.
Plura tarnen et non spernenda suppeditabant Archiva capituli Thomani, cui et nos ipsi adscripti
sumus Seminarii protestantium professores. Hie inter alia evolvenda erant novem formae maximae volumina
epistolas variorum maxime ad Oonradum Hubertum Buceri collegam datas continentia, et secundum
ordin em alphabeticum quern dicunt dispositas. Inter quas et quatuor Calvini autographae sunt et
nonnullae aliorum quae in censum nobis veniebant. His addenda erant tria volumina epistolarum Buceri
ad diversos, plerumque ipsius manu scriptarum. Quae tarnen potius adversaria, sive vernaculo sermone
minutas dixeris, nempe raptim in chartam coniectas primas epistolarum formas, et per se difficillimas lectu,
insuper etiam multis lituris foedatas et additamentis marginalibus oneratas. Spicilegium in hoc paulo
incultiore agro faciendum sane maiorem messoribus creavit molestiam, non tarnen operas débita mercede
fraudavit. Denique ibidem in scriniis separatim et non colligata asservantur aliae quaedam epistolae a
nostris castris non alienae, et ea ipsa documenta quae frustra in Arcnivis civicis quaesieramus, ita ut,
quum plura iure exspectare potuisses, tarnen de nimia patrum nostrorum negligentia queri non debeas.
§. IX.
RELIQUA PASSIM OBVIA.
Paucis reliqua absolvenrus. In bibliotheca civica Rebdigeriana Vratislaviensi in varus codicibus,
maxime in eo qui signatur m. B. partim descripsimus, partim contulimus cum impressis, quindecim
epistolas variorum ad Calvinum et unam Calvini ad Vermilium. Neqne hie praeterire debemus tabularii
illius praefectum V. D. Pfeifferum, et Clar. I. E. A. Gillet, quern supra laudavimus vitae Oratonis scriptorem,
qui duumviri iam antequam appelleremus studiis nostris opitulati id egerunt ut hoc laboris nostri
pensum nullo negotio expedire possemus. Hic maxime, quamvis absens ab urbe, tarn accurate nobis ubi
singula exstant quae nostra nosse referebat, scilicet ab ipso diligenter olim excussa et tractata, indice
scripto indicavit, ut eius potius quam nostrum in hac parte impensa fuerit opera.
In bibliotheca civica Bremensi vir humanissimus I. G. Kohl, peregrinationibus per totum fere
orbem confectis et iucunde simul et docte enarratis clarus, satis spectabilem seriem voluminum nobis
exhibuit, quibus epistolae variorum illius aetatis scriptorum continentur. Yerum sedulo omnibus evolutis
unam tantum schedam, eamque satis dubiam, reperimus inter calviDianas reponendam. (Opp. T. X.
p. I. pag. 156.)
Unam quoque epistolam Calvini Hamburgi, unam item Erlangae in bibliothecis publicis asservatas
nostras fecimus, ministrantibus illic Isslero, hie Did. Kerlero V V. DD. Duas ex Monachio mittendas,
unam aut alteram ex Erancofordia adhuc exspectamus. Quae museum britannicum Londini paucissima
suppeditabat, clarissimus et amicissimus Em. Henke, professor Marburgensis in itinere excepta
F*