volumnis xxxviii. pars prior. - Archive ouverte UNIGE

xxxvi
EPISTOLAE.
Yetiae quasi centrum erat, quo non solum vicinorum et sociorum res oonvergebant, quatenus communi
consilio tractandae erant, verum etiam exterorum, maxime Germanorum: habebatque suum antistitem
Henricum Bullingerum virum praestantissimum et impigerrimum, quern plurimi undique terrarum ob
diligentiam prudentiamque consultum adire consueverant. Eius ergo potissimum et collegarum industriae,
atque etiam autoritati magistratus civitatis, immensa congeries epistolarum debetur in ilia urbe ad huno
diem asservatarum, quae patrum memoriae atque gloriae curiosos et allicere et terrere valent. De quibus
nunc quantum expediet trademus, plura proponendi officio aliis relicto.
Incipiemus autem ab ea collectione quae quidem omnium recentissima est et authentica exemplaria
fere nulla continet, quam tarnen viri docti saepius solam exploraverunt, utpote locupletissimam
lectuque facillimam, et quae nobis quoque, etsi alia de causa, utilissima fuit. Hoc est amplissimum et
celeberrimum Io. lac. Simleri opus, theologi Tnricensis, qui non ignobilis inter suos nominis haeres
saeculo superiore quotcunque poterat decimi sexti epistolas vel ipse descripsit vel per alios descriptas
sibi comparavit, easque secundum ordinem tomporum dispositas in ducenta fere volumina maximae formae
redegit, multis doctisque annotationibus marginalibus argumento singularum passim illustrato et indicate
fonte unde repetitas'acceperat. Quern tbesaurum quum iam antea inter alios labores fidum et divitem
cognossemus, denuo atque etiam maiore cum-sedulitate eo uti decrevimus, simul ac prima viceGenevam
advecti incumbentem ibi nobis molem stupentes conspeximus, ad quam occupandam plurium annorum
spatium vix sufficere posse videbamus. Itaque virum honestissimum, bibliothecae civicae Turicensis praefectum
nostrumque optimum fautorem, D. Iacobum Hornerum, et per eum ipsos civitatis consules adiimus,
rogantes ut Simleriana volumina nobis per vices Argentoratum mitterentur, quo commodius, et
minoribus impensis quam si usque in diversoriis publicis vivere oportuisset, quae nostra referront describeremus,
descripta postea facilius et celerius cum ipsis autographis, suo quaeque loco conferremus. Sic
sensim septuaginta sex volumina excussimus, nempe a trigesimo quinto ad centesimum decimum, et horis
subsecivis plurimas schedas nostras fecimus, quibus alioqui partim ob lectionis difficultatem partim ob
breviora quae in archivis et bibliothecis otia exteris conceduntur, multo maius temporis spatium impendere
opus fuisset, quam quod collatio ilia critica et non raro necessaria exegit. Simlerus enim, oui suas
laudes nequaquam denegare volumus, fere in iis tantum operis sui partibus iustae docti iudicis legi satisfecisse
videtur, in quibus ad urbis et ecclesiae patriae tabularia recurrendum erat. In Ms enim, sicut
etiam in Sangallensibus libris tractandis, summa cura et diligentia usum deprebendimus, non item in
caeteris quae aliunde erant repetendae. Sic Genevensium codicum (tum temporis, ut videtur, exteris
denegatorum) ne unum quidem inspexit, neque aliis inspiciendum demandavit, sed satis habuit Bernensia
apographa, suspecta ilia et non semper e . primariis fontibus derivata iterum cum suis niendis
describere. Etiam Neocomenses non ipse tractavit, sed ex schedis Ruchatii, spectatissimi sane scriptoris
sed tarnen secundarii, hausit quae ex illis deprompta recepit. Plurima etiam a varus amicis sibi missa,
aut ab amanuensibus parata, quum ipse recognitione instituta probare non potuerit, dubia manent quanquam
ex priscis exemplaribus derivata. Caeterum notandum est, Turicenses codices omnes in utroque
tabulario Simleri aetate aliis siglis insignitos fuisse quam quibus hodie designantur, ita ut nos, ne qua
confusio oriatur, duplici modo definitos allegare constituerimus.
Exstant praeterea in eadem bibliotheca civica circiter quinquaginta alia volumina, tarn autographorum
quam recentiorum exemplarium, quae apud Simlerum plerumque sub nomine celeberrimi
I. H. Hottingeri veniunt, suis propriis numeris peculiarem seriein constituentia, nunc vero inter plurimos
alios manu scriptos codices siglo F torn. 36 et seqq. notata. In his etsi rarius in epistolas incidimus
Tel alibi non repertas, vel etiam omnino ad nostras res pertinentes, erant tarnen nonnulli tomi aliis hoc