volumnis xxxviii. pars prior. - Archive ouverte UNIGE

PROLEGOMENA. xni
§. ni.
EDITIO ALTERA. GENEVAE 1576.
Exstat altera editio Genevensis anni sequentis 1576 praecedenti simillima, vel potius maxima
ex parte ab ea non discernenda. Eius ratio haec est. Ex quatuor foliis liminaribus non nisi primum quod
titulum exhibet, et quartum, denuo prelo subiecta sunt, secundum vero et tertium cum dedicatione ad
Palatinum et Admonitione ad lectorem simpliciter ex priore editione servaèae. Et in quarto formulae
illae inscriptionum non mutatae, quanquam novis operarum curis opus fuerit; verum loco indicis epistolarum
quae non ipsius Oalvini erant, hie multo locupletior exhibetur omnium quotquot in toto volumine
exstant, secundum ordinem alphabeticum virorum ad quos vel a quibus datae sunt digestus, ita ut ille
alter index quern ad calcem operis prius editi adiectum vidimus, utpote iam supervacaneus, suo loco
cedere potuerit. Titulus est:
IOANNIS | CALVINI | EPISTOLAE ET | RESPONSA. I QVIBVS INTEBIECTAE
SVNT i insignium in Ecclesia Dei virorum aliquot eliam Epistolae. | EDITIO SECYNDA, |
EPISTOLIS ET RESPONSIS NON PAVCIS, | iisque grauissimis, ab ipso Oollectore aucta. 1I. CALVIN1 VITA A
TEEODOBO BEZA | Genevensis Ecclesiae Ministro accurate descripta. | (Emblema) | GENEVAE, | Apud
Petrum Santandreanum, | M. D. LXXVI.
Emblema bic multo maioris formae quam in prima editione. Caetera omnia, scilicet Vita Calvini
cum suis appendicibus, adeoque to turn epistolarum volumen usque ad pag. 410 s. penultimam minime
novae editionis sunt, sed ipsissimam priorem tibi pro nova venditant. Aliquatenus tarnen, quae titulus
nimis magno hiatu promittit, finis operis praestare voluisse videtur. Adduntur enim folia novem (pag.
411—428) auctarium sedecim epistolarum, quarum undecim Calvini sunt, exhibentia, ita ut qui iam olim
in pagina 411 legebatur textus, nempe clausula Oonfessionis quam ultimo loco Beza posuerat, hie sola
mutatis formis expressa sit. Reliqua vero non mutata: quid quod indicem rerum qui solus adest, omisso
indice epistolarum et epistola ilia ad Vitum Theodorum, sequitur ipsa erratorum tabula primae editioni
subiecta, quorum ne unum quidem emendatum est in hac falso secunda dicta, quod tibi omne dubium,
si quod forte remanserit, de ratione quae inter utramque intercedit adimet.
§• TV.
EDITIO TERTIA. GENEVAE 1617.
Alteram editionis principis apographon est Genevense anni 1617, quod ad earn Operum Calvini
collectionem pertinet de qua olim in Prolegomenis Tomi nostri primi pag. xi diximus. Titulus est:
IOANNIS | CALVINI | EPISTOLAE ET | RESPONSA. \ QVIBVS INTEBIECTAE SVNT\
insignium in Ecclesia Bei virorum aliquot etiam Epistolae. | INDICES BEBVM INSIGNIOBVM. j Tomi
Sexti: Pars altera | (Embiema anchorae cum serpente) | GENEVAE, | Apud Iohannem Viffnon,
Petrum et | Iacobum Chouet. | m. DC. XVII.
Forma est maxima. Folia liminaria quatuor ut in prioribus. Terniones viginti sex (AAA—ZZZ,
AAA A—CCCC) columnae numeratae 598, quum tantum esse deberent 592. Scilicet bis numeratae sunt
195 et 196, 563 et 564; praetereuntur 551—560. Ternio BBBB non nisi quatuor foliorum est et pro
543—546 iterum legitur 519—522. Ab hoc uno disce caetera. Très ultimae paginae vacuae.
Editionem anni 1576 presse sequitur in omnibus, si unum locum exceperis, ubi nonnullae epis-