volumnis xxxviii. pars prior. - Archive ouverte UNIGE

249 CONSILIA. 250
voules que les hommes vous fassent etc. elle ne
soit trouvée convenir partout. La quatriesme exception
est que celuy qui emprunte face autant ou
plus de gain de largent emprunte. En cinquiesme
lieu que nous nestimions point selon la coustume
vulgaire et receue quest ce qui nous est licite, ou
que nous ne mesurions ce qui est droict et equitable
par liniquite du monde, mais que nous prenions
une rigle de la parolle de Dieu. En sixiesme
lieu que nous ne regardions point seulement la commodité
privée de celuy avec qui nous avons affaire,
mais aussi que nous considérions ce qui est expedient
pour le public. Car il est tout evident que
lusure que le marchand paye est une pension publique.
Il fault donc bien adviser que la pache soit
aussi utile en commun plustost que nuysible. En
septiesme lieu que on nexcede la mesure que les
loix publiques de la region ou du lieu concèdent.
Combien que cela ne suffit pas tousiours, car souvent
elles permettent ce que elles ne pourroyent
corriger ou reprimer en defendant. H fault donc
préférer équité laquelle retranche ce que il sera de
trop. Mais tant sen fault que ie veulle valoir mon
opinion vers vous, pour raison que ie ne desire rien
plus sinon que tous soyent tant humains quil ne
soyt point besoing de rien dire de ceste chose. lay
briefvement compris ces choses plustost par un desir
de vous complaire que par une confiance de
vous satisfaire. Mais selon vostre benevolence envers
moy vous prendrez en bonne part ce mien
office tel quel.
A Dieu homme tresexcellent et honore amy. J )
Dieu vous conserve avec vostre famille. Amen. 2 )
BIENS ECCLÉSIASTIQUES. 8 )
Sur le conseil que demande le frère touchant
les possessions qu'il tient auiourdhuy par donation
de la Oontesse defuncte, lesquelles iadis appartenoient
à leglise de Neufchastel, sans entrer en longue
dispute, voicy ce que i'en puis iuger en ma
conscience selon la grace que Dieu m'a donnée.
Premièrement entant qu'il a este appauvry
pour la parole de Dieu et la confession de l'évangile,
ce n'est pas chose répugnante a raison quil
1) Au lieu de cette phrase le latin met: ac fratrem mihi
salutabis.
2) La traduction latine manuscrite du Cod. 145 porte la
souscription: Carolus Passelius tuus.
3) Autographe de la bibliothèque des Pasteurs de Neuchatel
Vol. A. N. 24. Une main ancienne y a mis ce titre:
Sentiment et advis de Calvin touchant les biens d'Eglise vouez
une fois à Dieu, pour ce qui est de leur legitime possession et
usage au regard des princes. La pièce a été écrite selon toute
apparence après la mort de la duchesse Jeanne de Longueville,
comtesse de Neuchatel, décédée en 1543.
soit nourry des biens de leglise. Car mesme quand
il y auroit bon ordre et administration, tel cas advenant,
ce seroit chose décente et equitable quune
partie fust appliquée a ceste usaige: pour subvenir a
ceux qui auroient este despouillez de leur substance
ou aultrement auroient este appauvris pour le tesmoignage
du nom de Iesus Christ. Parquoy ie ne
trouve nul mal quil sayde desdictes possessions pour
son soullagement, recognoissant que Dieu luy a assiste
par ce moyen après lavoir esprouve en la
perte de ce qui luy avoit donne auparavant.
Il est vray que la forme de donation nest pas
fort bien fondée selon la teneur de linstrument.
Mais marrestant plustost a lequite qu'a la formalité
de droict (comme aussi la raison le veult) et
mesme attendu que la princesse estant au pais de
franco neust ose autrement faire: puis quil ny a
nul vice en la substance ie ne doubte pas quil n'en
puisse user en bonne conscience selon Dieu. Car
come iay diet ce bien la est iustement applique a
la nourriture et subvention de ceux qui aultrement
auroient faulte, pour avoir souffert dommaige a
cause de levangile.
Quant a la succession perpétuelle de ses héritiers
il y auroit plus de difficulté. Car tout ainsi
quil est licite de subvenir a la nocessite présente
dun qui aura este endommage comme luy, aussi de
faire une alienation perpétuelle en faveur de sa
maison cest chose de consequence périlleuse et dont
lexemple n'est pas bon ny a prouver. Trop bien
que les enfans feussent advancez de quelque libéralité
pour estre mis en train affin de servir a
Dieu. Et quen cela mesme leglise suppliât au deffault
du père. Parquoy ie ne vouldrois paB condamner
une telle gratuite: mais plustost la tiens
louable moiennant que lalienation des biens et possessions
ne se fist pas pour en frustrer les paovres
a iammais pour le temps a venir. Et de faict cest
une grant faulte et pernicieuse auiourdhuy en plusieurs
lieux ou se presche levangile que les biens
ecclésiastiques sont dissipez ou lusaige en est profane,
sans avoir esgard a quelle fin ils sont desdiez.
Et combien quon nen face pas grant compte si est
ce un abus que Dieu reformera en brief rigoreusement
si les homes ne sen corrigent.
le scay quelle est lexcuse commune: que ces
biens ont esse donnez aux moines et prestres par
superstition pour fonder messos et obitz, pour idolâtrer,
se nourrir en oisifvete etc. Parquoy que
tout cela doit estre aboly: ou bien que les princes
les peuvent approprer a leur domene comme anciennement
les heritages quon appeloit caducques.
Mais tout cela na point lieu devant Dieu. Car
nous sommes enseignez par la parole de Dieu quel
est le droict usaige des biens qui sont desdiez a son
honneur. Et en leglise ancienne il y a eu sainctes