volumnis xxxviii. pars prior. - Archive ouverte UNIGE

239 CONSILIA. 240
Il est donc a notter combien quil y ait eu cérémonie
pour faire promesse de mariage Toire mesmo
réitérée au lendemain, toutesfois quil ny a quun
seul tesmoing qui depose que la fille ait parle pour
sy accorder, Le second diet quil ne scait si elle parla,
Le 3 e auquel on doibt adiouster plus de foy
daultant quil est notaire public et appelle pour recevoir
le contract de mariage, depose quil a apperceu
signe evident de repugnance.
Or puis qu'ainsy est il ny a doubte que la
partie ne soit recepvable pour scavoir si elle a consenty
ou non. H reste de scavoir par qui on le
pourra prouver. Le notaire est bien tesmoing suffisant.
La tante, le beau frère, la soeur avec Pierre
Havart doibvent bien comme il nous semble valoir
ung tesmoing, surtout quant la mere confesse davoir
force sa fille. Tellement que tant de rigueur
que dequite on iugera tousiours que ladicte fille a
este forcée et par consequent quil ny a eu nul fondement
de mariage, ioinct que le diet Sire Iehan
Focard deolère et afferme que iamais il na eu moien
de parler a la dite Margueritte par si longue espace
de temps et que iamais il na peu congnoistre quelle
laymast. Ainsi quant au faict present nous ne pouvons
iuger-quil y eust mariage, mais plustost que
lacté estant faict contre toute raison et bon ordre
doibt estre tenu pour nul. Toutesfois daultant
que ceste matière est scrupuleuse et quil y peult
advenir beaucoup de collusion entre les parties, afin
dobvier a toutes mauvaises ouvertures et aussy pour
le repoz des parties et de prévenir reproches et
murmures a ladvenir, nous avons este dad vis que
le diet S r - Iehan Focard face appeller la mere et
la fille pardevant la iustice ordinaire, a ce quölle
aie a se purger par serment solennel et conformer
ce quelles ont desia atteste. Surquoy la sentence
diffinitive se pourra donner par laquelle en declerant
lesdictes promesses nulles chascune partie sera
mise en liberté de se marier ailleurs. l )
SI PIA MULIER A MARITO PROPTER RELIGIONEN! DU-
RIUS TRACTABITUR. 2 )
Sur le faict qui nous a esté proposé d'une
bonne Damo laquelle pour vouloir suyvre la vraye
et pure religion est mal traictee de son mary et
tenue en servitude fort estroicte et oruelle. Et sur
la demande qu'elle nous a faicte par lettre: Assa-
1) Ces derniers mots ajoutés de la main de Calvin.
2) Sous ce titre Bèze a inséré une puce latine dans les
Epp. et Besponsa éd. Genev. p. 345, Laus. p. 239, Hanov.
p. 268, Chouet p. 474, Amst. p. 216, dont nous avons retrouvé
F original français dans les Registres de la Vénérable Compagnie
A. p. 199. La traduction latine est très-libre.
voir s'il luy seroit licite de laisser son diot mary et
se retirer icy ou en une autre Eglise ou elle vescust
en repos de sa conscience: nous ') avons advise
d'un accord de donner la responce qui s'ensuyt.
Premièrement nous considérons la perplexité
et angoisse en laquelle elle peut estre et en avons
telle pitié et compassion que nous y sommes tenuz
prians Dieu qu'il luy plaise luy donner tel allégement
qu'elle ait de quoy se resiouir en luy.
Cependant puis qu'elle nous demande conseil
de ce qui luy est permis de faire nostre office est
de respondre purement et simplement ce que Dieu
nous en monstre par sa parollo, fermans les yeux a
tout le reste. Parquoy nous la prions de ne se
point fascher si nostre advis n'est pas du tout conforme
a son désir. Car il fault qu'elle et nous suyvions
ce que le maistre a ordonné sans y mesler
noz affections parmy.
Or icy il fault regarder au lien de mariage qui
est tel qu'une partie fidelle ne se peult séparer de
son bon gré d'avec sa partie qui sera infidelle.
Comme S. Paul le monstre au 7. chap, de la 1 aux
Corinth, (v. 12 suiv.). Et n'y a nulle doubte que
S. Paul n'entende cela encores que l'homme ou la
femme fidelle ayent beaucoup a souffrir. Car de
ce temps la les Payons et Iuifz n'estoient pas moins
envenimez contre la religion chrestienne que sont
auiourdhuy les Papistes. Mais S. Paul commande
que la personne fidelle tenant bon et persévérant
constamment en la vérité de Dieu ne quitte pas
toutesfois sa partie qui luy résiste. Bref que nous
devons tellement préférer Dieu et Iesus Christ a
tout le monde que pères enfans marys et femmes
ne nous soient rien au pris. Tellement que si nous
ne pouvons adherer a luy quen renonçant tout il
fault que nous le facions. Mais ce n'est pas a dire
que la Chrestienté doive abolir l'ordre de nature:
quant tous les deux se peuvent accorder plus tost
ü convient que la femme chrestienne s'efforce au
double a s'aquitter de son devoir envers son mary
qui sera ennemy de la vérité pour le gaingner s'il
est possible, comme S. Pierre en parle au 3. chap,
de sa 1 canonique (v. 1).
Cependant comme les choses sont auiourdhuy
en la Papaulté, une personne fidelle ne s'aquitte
point de son devoir si elle ne tasche et essaye de
réduire sa partie au chemin de salut. Et encores
qu'il y aict grand obstination qu'elle ne face point
semblant de se divertir de la foy, mais plus tost
proteste de sa fermeté et constance quelque danger
qu'elle y voie.
Au reste quant il y auroit persecution dressée
après que la dicte partie se seroit aquittee de son
1) respondi.