opera quae supersünt omnia. - ARCHIVE OUVERTE UNIGE

701 1561 SEPTEMB. 702
dire arec rostre consentement, que tout y est tellement
perverti, tout y est tellement confus et ruiné
qu'à grand peine les meilleurs architectes du monde
(soit qu'on considère l'ordre tel qu'il est auiourd'huy
dressé, soit qu'on regarde la vie et les moeurs), y
peuvent-ils recognoistre les vestiges et marques de
cest ancien bastiment tant bien réglé et compassé
par les Apostres: de quoy vous mesmes pouvez
estre bons tesmoins, y ayans travaillé ces iours
passez. Bref, nous laisserons ces choses assez cognues,
et qui valent mieux teuës que dictes.
Et pour conclusion de ce propos, nous déclarons
deveant Dieu et ses Anges, devant vostre
Maiesté, Sire, et toute l'illustre compagnie qui vous
environne, que nostre intention et désir n'est sinon
que la forme de l'Eglise soit ramenée à sa nayfve
pureté et beauté, en laquelle iadis elle fut tant
florissante du temps des Apostres de nostre Seigneur
Iesus Christ.
Et quant aux choses qui ont esté adioustees,
que celles qui se trouveront superstitieuses ou manifestement
contraires à la parole de Dieu, soyent
du tout abolies, les superflues soyent retranchées,
celles que l'expérience nous a apprins estre propres
à attirer les hommes à superstition soyent ostees,
et s'il s'en trouve d'autres utiles et propres à edification,
apres avoir meurement considéré les anciens
Canons et authoritez des Peres, qu'elles soyent
retenues et observées au nom de Dieu, selon ce
qui sera convenable au temps, aux lieux, et aux
personnes, afin que tout d'un accord Dieu soit
servi en Esprit et vérité sous vostre obéissance et
protection, Sire, et des personnes que Dieu aura
establies sous vostre Maiesté, pour le gouvernement
de ce royaume. Car s'il s'eu trouve encores qui
pensent que la doctrine dont nous faisons profession
destourne les hommes de la subietion
qu'ils doyvent à leurs Rois et supérieurs, nous
avons, Sire, dequoy leur respondre en bonne conscience.
Il est bien vray que nous enseignons que la
premiere et principale obéissance est deuë à nostre
Dieu, qui est le Boy des Bois et Seigneur sur
tous Seigneurs: mais au reste, si nos escrits ne
sont suffisans pour nous purger d'un tel crime à
nous imposé, nous alléguerons, Sire, l'exemple de
tant de seigneuries et principautez, et mesmes des
royaumes reformez selon ceste mesme doctrine: lesquels,
graces à Dieu, nous pourront servir de bons
et suffisans tesmoignages pour nostre descharge.
Bref, nous nous arrestons en cest endroit à ce que
dit S. Paul au 13. chapitre de l'Epistre aux Romains,
là où parlant de la police temporelle, il enioint
expressément que toute personne soit subiete
aux puissances supérieures. Voire (dit sainct lean
Chrysostome sur ce passage) quand tu serois Apostre
ou Evangeliste: pource que telle subietion ne derogue
au service de Dieu.
Que s'il est advenu, ou s'il advient ci après
que quelques uns se oouvrans du manteau de nostre
doctrine se trouvent coulpables de rebellion au
moindre de vos officiers, Sire, nous protestons devant
Dieu et vostre Maiesté qu'ils ne sont des
nostres, et ne scauroyent avoir plus aspres ennemis
que nous, selon que nostre povre condition le
peut porter.
Pour conclusion, Sire, le devoir que nous avons
d'avancer la gloire de nostre Dieu, l'obéissance et
service treshumble deu à vostre Maiesté, l'affection
que nous avons à la patrie, et nommément à l'Eglise
de Dieu, nous a conduits iusqu'en ce lieu, auquel
nous espérons que nostre bon Dieu et Père, continuant
le cours de ses bontez et miséricordes, vous
fera pareille grace, Sire, qu'il feit au petit Roy
Iosias, il y a maintenant deux mille deux cens et
deux ans et que sous vostre tres-heureux gouvernement,
Madame, assistée de vous, Sire, et des autres
tres-illustres Princes du sang et seigneurs de vostre
Conseil, l'ancienne memoire de la tant renommée
Royne Clotilde sera rafreschie, laquelle servit iadis
d'instrument à nostre Dieu pour donner sa cognoissance
à ce royaume. Telle est nostre espérance
pour laquelle, Sire, nous sommes prests d'employer
nos propres vies, afin que vous faisans treshumble
service en une chose si louable et si saincte, nous
voyons le vray siècle doré, auquel nostre Seigneur
et Sauveur Iesus Christ soit servi tout d'un accord,
ainsi que tout honneur et gloire luy appartiennent
à iamais, Amen.
Sire, il plaira à vostre Maiesté n'avoir esgard
à nostre langage tant rude et mal poli: mais à
l'affection qui vous est entièrement dediee. Et
d'autant que les poincts de nostre doctrine sont
clairement et plus au long contenus en ceste présente
confession de foy que ia nous vous avons
presentee, et sur laquelle se fera la présente conference,
nous supplions treshumblement vostre
Maiesté nous faire derechef ceste faveur de la recevoir
de nos mains, esperans, moyennant la grace
de Dieu, qu'après en avoir conféré en toute sobriété
et reverence de son nom, nous nous en trouverons
d'accord. Et si au contraire nos iniquitez empeschent
un tel bien, nous ne doutons que vostre Maiesté
avec son bon conseil, ne scache bien pourveoir à
tout sans preiudice de l'une ne de l'autre des parties
selon Dieu et raison.