opera quae supersünt omnia. - ARCHIVE OUVERTE UNIGE

693 1561 SEPTEMB. 694
de nos péchez au sang de Iesus Christ, par la vertu
duquel, après que ces mesmes corps ressuscitez auront
esté reioints à nos âmes, nous iouirons avec
Dieu de la vie bien heureuse et éternelle.
Comment donc? (dira quelqu'un) ne voyla pas
les articles de nostre foy? En quoy donc sommesnous
discordans?
Premièrement en l'interprétation d'une partie
d'iceux. Secondement, en ce qu'il nous semble (et
si nous sommes trompez en cest endroict, nous serons
tres-aises de le cognoistre) qu'on ne s'est contenté
des susdicts articles, ains que long temps y
a qu'on n'a cessé d'adiouster articles sur articles,
comme si la religion Chrestienne estoit un edifice
qui ne fust iamais achevé.
Nous disons d'avantage que ce qui a esté basti
de nouveau, selon qu'il nous appert, n'a tousiours
esté basti sur les anciens fondemens, et par consequent
difforme plustot l'édifice, qu'il ne luy sert de
pareure et ornement: et toutesfois on s'est bien
souvent plus arresté à ces accessoires qu'au principal.
Yoyla comme un sommaire de ce que nous
croyons et enseignons. Mais afin que nostre intention
soit encore mieux entendue, nous déduirons
ces poincts par le menu.
Nous disons doncques, et espérons maintenir
en toute sobriété par les tesmoignages des sainotes
Escritures, que le vray Dieu, auquel il nous faut
croire, est despouillé de sa parfaite iustice, si on
pense opposer à son ire et iuste iugement autre
satisfaction ni purgatoire en ce monde, ni en l'autre,
que ceste obéissance toute entière et accomplie qui
ne se trouvera en autre qu'en un seul Iesus Christ:
et pareillement que si nous disons qu'il nous quitte
seulement une partie de nos debtes, d'autant que
nous payonB l'autre, il est despouillé de sa parfaite
miséricorde. De là il s'ensuit (autant que nous en
pouvons iuger) qu'estant question de scavoir à quel
titre nous avons paradis, il faut du tout s'arrester
à la mort et passion d'un seul Iesus Christ, nostre
Sauveur et rédempteur, ou bien qu'au lieu du vray
Dieu, on adoreroit un Dieu estrange, qui ne seroit
parfaitement iuste, ne parfaitement miséricordieux.
De là aussi depend un autre poinct de trèsgrande
consequence, touchant l'office de Iesus Christ.
Car si luy tout seul n'est entièrement nostre salut,
ce nom tant précieux de Iesus, c'est à dire Sauveur,
qui a esté annoncé par l'Ange Gabriel, ne luy seroit
propre. Semblablement, s'il n'est nostre seul
Prophète, nous ayant pleinement déclaré la volonté
de Dieu son Père pour nostre salut, premièrement
par la bouche des Prophètes, puis après en personne
en la plenitude des temps, et consequemment
par ses fidèles Apostres: s'il n'est aussi le seul
Chef et roy spirituel de nos consciences, s'il n'est
nostre seul Sacrificateur éternel selon l'ordre de
Melohisedec, ayant par une oblation de soy-mesme
une fois faite, et iamais reiterable, réconcilie les
hommes à Dieu, et maintenant seul intercédant au
ciel pour nous, iusqu'à la consommation du monde:
brief, si nous ne sommes du tout complets en luy
seul, ce nom et titre de Messias, ou de Christ,
c'est à dire oingt et dédié de Dieu son Père à cest
effect, ne luy appartiendroit point.
Si doncques ou ne se vouloit contenter de sa
seule parole fidèlement preschee, et depuis enregistrée
par les Prophètes et Apostres, il seroit dépossédé
de son estât de Prophète: il seroit aussi
dégradé de son estât de Chef et de Roy spirituel
de son Eglise, si on vouloit faire nouvelles loix
aux consciences: et de son estât de Sacrificateur
éternel, par ceux qui entreprendroyent de l'offrir
derechef pour la remission des péchez, et qui ne
se contenteroyent de l'avoir pour seul intercesseur
et advocat au ciel entre Dieu et les hommes.
En troisième lieu, nous ne sommes d'accord
ni de la definition, ni de l'origine, ni des effects
de la foy, que nous appelons, après sainct Paul,
iustifiante, et par laquelle seule nous croyons que
Iesus Christ avec tous ses biens nous est applicqué.
Quant aux bonnes oeuvres, s'il y en a aucuns
qui estiment que nous les mesprisons, ils sont très
mal informez. Car nous ne séparons non plus la
foy de la charité, que la chaleur et lumière est séparée
du feu: et disons avec sainct Iehan en sa
premiere Canonique, que celui qui dit qu'il cognoist
Dieu, et n'observe ses commandemens, se desment
soy-mesme par sa propre conscience, et en toute
sa vie.
Mais au surplus nous confessons rondement que
nous sommes discordans en trois principaux poincts
sur ceste matière.
Le premier est, touchant l'origine et premiere
source dont les bonnes oeuvres procèdent.
Le second, quelles elles sont.
Le troisième, à quoy elles sont bonnes.
Quant au premier, nous ne trouvons autre
franc arbitre en l'homme qui celuy qui est affranchi
par la seule grace de nostre Seigneur Iesus Christ:
et disons que nostre nature, en Testât auquel elle
est tombée, ha besoin d'estre avant toutes choses
non pas aidée et soustenue, mais plustost tuée et
amortie par la vertu de l'Esprit de Dieu, d'autant
que la grace la trouve non seulement navrée et
débilitée, mais du tout destituée de force, et contraire
à tout bien, voire morte et pourrie en péché
et corruption. Et faisons cest honneur à Dieu, de
ne vouloir point partager avec luy. Car nous
attribuons et le commencement, et le milieu, et la
fin de nos bonnes oeuvres à la seule.grace et miséricorde
d'iceluy besongnant en nous.
44*