opera quae supersünt omnia. - ARCHIVE OUVERTE UNIGE

689 1561 SEPTEMB. " 690
de Dieu visible, faire ne se peut qu'il n'en soit
grandement esmeu, pour considérer le devoir de
l'obéissance et suietion qu'il luy doit. Car estans
tels que nous sommes, ce que nous voyons à l'oeil
(pourveu que l'oeil soit bon, et la chose responde
à ce qu'on a conceu) est de beaucoup plus grand
effect que ce qui est considéré par nous avec une
simple et nue apprehension d'esprit. Et s'il advient
que non seulement il puisse veoir son Prince,
mais aussi qu'il soit veu de luy, et qui plus est,
escouté, et finalement receu et approuvé, alors véritablement
a il receu une très grande satisfaction,
et singulier contentement. De ces quatre poincts,
Sire, U a pieu à Dieu, usant de ses secrets iugemens,
que une partie de vos treshumbles et tresobeissans
suiets ait esté long temps frustrée, à son
tresgrand regret, iusqu'à ce qu'usant de son infinie
miséricorde, et donnant lieu à nos pleurs et gemissemens
continuels, il nous a tellement favorisez,
que ce iour nous apporte le bien iusques ycivplustost
désiré qu'espéré, de voir vostre maiesté, Sire,
et qui plus est, estre veus et ouys d'icelle en la
plus illustre et noble compaignie qui soit au monde.
Quand donc nous n'aurions iamais receu autre
bien, et n'en recevrions par ci après, si est ce que
le reste du cours de nos ans ne pourroit satisfaire
pour suffisamment en remercier nostre Dieu, et
rendre graces condignes à vostre maiesté.
Mais quand nous considérons avec cela que ce
mesme iour non seulement nous fait ouverture,
mais aussi nous convie, et par manière de dire,
d'une façon tant benigne, tant gracieuse, et tant
convenable à vostre royalle debonnaireté nous contraint
à tesmoigner tous ensemble le devoir que
nous avons à confesser le nom de nostre Dieu, et
declarer l'obéissance que nous vous portons, force
nous est de confesser, Sire, que nos esprits ne sont
capables de concevoir la grandeur d'un tel bien, et
nos langues encores moins suffisantes à exprimer
ce que l'affection leur commande: tellement, Sire,
qu'une telle faveur surmonte toute eloquence
humaine. Nous aimons trop mieux confesser
nostre imbécillité par un vergongneux silence,
qu'amoindrir un tel bienfaiot par le défaut de la
parole.
Toutesfois, Sire, nous souhaitons encore le
quatrième et principal poinct: c'est asçavoir que
nostre service soit ce iourd'huy receu de vostre
Maiesté pour agréable. Ce qu'aussi nous espérons
obtenir, s'il advient (et Dieu vueille qu'ainsi soit)
que nostre venue apporte une fin, non point tant
à nos misères et calamitez passées (desquelles la
memoire s'en va comme esteinte par ceste heureuse
iournee) qu'à ce qui nous a semblé plus grief tousiours
que la mort mesme, sçavoir est aux troubles
et discors survenus en ce royaume pour le faict de
Calvini opera. Vol XVIU.
la religion avec la ruine et perdition d'une grande
multitude de vos povres subiets.
Or y a-il plusieurs occasions qui iusqu'ycî
nous ont empesohé de iouir d'un si grand bien, et
qui encores auiourd'huy nous feroyent perdre tout
courage, n'estoit que d'autre costé plusieurs choses
nous fortifient et asseurent. Il y a premièrement
une persuasion enracinée au coeur de plusieurs par
un certain malheur, et par l'iniquité des temps, que
nous sommes gens turbuleux, ambitieux, adonnez
à nostre sens, et ennemis de toute concorde et
tranquillité. Il y en peut aussi avoir qui présument
qu'encore que nous ne soyons du tout ennemis de
paix, ce neantmoins nous la demandons avec des
conditions tant rudes et aspres, que nous ne sommes
nullement recevables: comme si nous prétendions
de renverser tout le monde pour en faire un
autre à nostre façon, et mesmes de despouiller
aucuns de leurs biens et facultez pour nous en
emparer.
Il y a plusieurs tels grans empeschemens, Sire,
mais nous aimons trop mieux que la memoire en
soit ensevelie, que rafraischir les vieilles playes en
les recitant maintenant que sommes sur le poinct,
non pas de faire doléances et complaintes, mais de
chercher les plus convenables et prompts remèdes.
Et qui nous donne donc une telle asseurance
au milieu de tant d'empeschemens, Sire? Ce n'est
aucun appuy de chose qui soit en nous, veu que
nous sommes en toutes sortes les plus petis et contemptibles
du monde. Ce n'est point aussi, graces
à Dieu, vaine présomption ni arrogance : car nostre
povre et vile condition ne le porte pas. C'est plustost,
Sire, nostre bonne conscience, qui nous asseure
de nostre bonne et iuste cause: de laquelle nous
espérons que nostre Dieu, par le moyen de vostre
Maiesté, sera le défenseur et protecteur: c'est aussi
la debonnaireté desia remarcable en vostre face,
parole et contenance. C'est l'équité que nous voyons
et expérimentons estre emprainte en vostre coeur,
Madame. C'est la droiture de vous, Sire, et des
autres illustres Princes du sang: c'est aussi l'occasion
toute manifeste que nous avons d'espérer que
vous, nos très honorez seigneurs du Conseil, vous
conformans à une mesme volonté, n'aurez moindre
affection de nous ottroyer une taut saincte et nécessaire
concorde, que nous avons de la recevoir.
Et quoy plus? Ü y a encores un poinct qui nous
entretient en bonne espérance, c'est que nous présumons
selon la regle de charité, que vous, Messieurs,
avec lesquels nous avons à conférer, vous
efforcerez plustost avec nous, selon nostre petite
mesure, à esclarcir la vérité qu'à l'obscurcir d'avantage,
à enseigner qu'à debatre, à peser les raisons
qu'à les contredire : brief à plustost empescher que
le mal ne passe plus outre, qu'à le rendre du tout
44