opera quae supersünt omnia. - ARCHIVE OUVERTE UNIGE

603 EPISTOLAE 3474—3477 604
de vos semblables quautre quy se puysse jamays
presenter. Or encores quil ny ait pas grand espérance
que vous puissiez arriver pardeca assez a
temps pour assister au commencement comme tous
desiroyent, si avons nous advisé de vous prier de
rechef affectueusement de changer dadvis et vous
mettre en chemin le plus tost quil sera possible et
aussi duser de toute diligence pour les chemins
pour venir secourir ceux qui en vostre absence auront
commance le combat si la nécessité les presse
de ce faire devant vostre arrivée. Iavoye dernièrement
escript a Monsr. Despeville 2 ) que nos adversaires
espient loccasion de finir le colloque en nostre
absence et que desia ne nous sentant point aprocher
jlz se vantent fièrement de la victoyre, et non
seulement ceux qui sont assemblez contre nous,
mays quasi tous en ceste ville et aux environs
crient que'nous avons perdu couraige et que nous
no8erions aparoistre devant une bonne compaignie
pour maintenir noz erreurs. Bref si le colloque
prent fin et que les evesques et autres quy sont
assemblez se départent les nostres ne s'estans présentez,
les mechans auront la bouche ouverte par
ce moyen pour mesdire toute leur vie des églises
et de la doctrine qui y est annoncée, et semble quil
doyve tomber ung grand blasme sur nous tous et
que les princes et autres grands seigneurs qui nous
ont procure ce moyen doyvent estre degoustez de
jamays se mesler de noz affayres, et qui plus est
la Royne prononce haut et clair et par tout quelle
ne scauroit jamays croyre quil y ait quelque droit
de nostre coste, si nous ne prenons locasion quon
nous accommode de le manifester et mantenir. Pour
ces raisons, Monsieur, nous ne doutons point que
ne eussiez pris autre advis que vous n'avez faict si
vous eussiez este sur les lieux comme nous, pour
veoyre lestât et disposition des affayres. Car quand
a ledict s ) qui vous a faict prendre ceste resolution,
encores quil soit bien méchant, si ne vous peult il
mettre en aucung dangier, car jl ny a par jceluy
que les assemblées condamnées, et quand a la symple
hérésie quilz appellent elle ne peult a toute rigueur
estre punie que- de bannissement de ce Royaume
sans perte d'aucune chose. Au reste nous scavons
au vray ledit Edict n'avoyr este faict que pour
contenter le Roy Philippe et le Pape et pour trouver
quelque argent des ecclésiastiques. Ces fins
sont méchantes mays si nous semble il quil ny a
chose en tout cela qui nous doyve empescher de
comparoistre la pour mantenir la vérité de dieu,
puys quil luy a pieu nous donner moyen de parler
et estre ouys comme nous lavons si long temps
2) N. 3459.
3) du 26. Juillet, (ufern, de Condé I. 42.)
desire. 4 ) A ceste occasion, tMonsieur, nous vous
prions de rechef, ne nous laissez a ung tel besoing,
et si ne povez fayre lentree comme nous leussions
souhaite que pour le moyns vous soyez a la conclusion
de cest affayre qui est pour jamays de si
grande jmportance a leglise. En ceste atente nous
prierons dieu vous mantenir en sa protection et
vous amener en, bonne santé jusques a nous. Nous
recommandans humblement a vos bonnes graces.
De Paris ce 10 me daoust 1561.
Vostre humble serviteur et frère
La Riviere au nom de tous.
3475,
LES MINISTRES DE GENÈVE A L'ÉGLISE
DE MONTAUBAN.
Ils rappellent le ministre récemment envoyé à
Montauban, cette église n'étant pas contente de lui.
Us donnent à entendre que ce ministre a été calomnié
et refusent celai que Montauban demande maintenant. ')
(Oopie. Bibliothèque de Genève Vol. 197«, fol. 139.)
Messieurs, nous avons entendu que le frère qui
vous a esté adressé de par nous ne contente pas
la pluspart de vostre compaignie et mesme ne leur
est point à gré. Parquoy afin quil ne perde son
temps et que la parolle de Dieu laquelle il porte
ne soit point en vitupère par tel desgoust, nous lavons
prie et exhorte de retourner incontinent, pour
ce aussi que nous avons besoing de luy de pardeca
eu quelque lieu ou son labeur ne sera pas jnntile.
Nous sommes bien persuadez qu'il eust désiré de
s'employer fidèlement a vostre service, s'il y eust
eu quelque espérance de proffit. Mais puis qu'ainsi
est, nous vous prions de le renvoyer paisiblement.
Car nous l'attendons et luy avons mandé qu'il se
haste le plus tost qu'il pourra. Dieu par sa bonté
infinie vous prouvoie de gens propres et idoines a
vostre souhait. Nous ne voulons pas quant et quant
vous dissimuler que nous sommes assez advertis
des mensonges qu'on vous a escrites, tant un affron-
4) Lettres du Roi par lesquelles eatoit permis à touts
subjects de venir en l'assemblée de Poissv et d'y faire telles
remonstrances que bon leur sembleroit. {Journal de Bruslart
l. e. p. 41.)
3475.1) Comp. N. 3399. Entre cette lettre et la présente il
paraît en avoir été échangé tfautres.