opera quae supersünt omnia. - ARCHIVE OUVERTE UNIGE

599 EPISTOLAE 3472—3474 600
en laquelle y a peu d'ouvriers. Vray est quon
nous respondra que cest (comme on diet) la vieille
chanson laquelle est aujourdhuy fort commune. Tant
7 a toutesfois que le fardeau que soustenons et qui
«appesantit de plus en plus et fera enoor pour ladvenir,
faict que ne pouvons chanter aultrement.
Vous estes souvenant (comme croyons) du dernier
messagier quil vous a pieu nous envoyer pour nous
estre a adiuteur en loeuvre du seigneur. Lequel a
este receu humainement comme aussi nous lavions
grandement desire a cause du bon tesmoignage quon
nous en avoit rendu, espérant de nous descharger
d'une partie de la charge que le Seigneur nous a
commise. Mais tant s'en fault que sa venue nous
ayt apporté quelque soulagement que au contraire
avons commencé d'entrer en ung plus grand esmoy.
Car estant arrivé avons tasché mesme des le commencement
de l'employer a fere exhortation Nous
arrestant du tout sur vostre jugement qui l'avez
trouvé suffisant pour estre appelle a cela. Ce que
ne pouvans obtenir sans contraincte luy avons donné
le temps qu'il a demandé pour se preparer. Et
mesmes afin de luy donner courage d'aultant qu'il
nous a semblé aucunement timide, l'avons faict proposer
en particulier devant le Consistoire non seulement
une foys mais quatre ou cinq pour mieulx
scavoir et cognoistre laptitude et dextérité qui pouvoit
estre en luy. Mais n'avons peu cognoistre que
le Seigneur se vueille servir de luy entre nous pour
le present. Parquoy, père treshonnoré, estans en
grande nécessité conioincte avec perplexité avons
este d'advi8 de vous en advertir estans prestz et
appareillez de suyvre le conseil quil vous plaiera
nous donner. Car tout ainsi que n'avons jamais
pensé de révoquer en doubte sa vocation, aussi
a'aultre coste sommes asseurez que ne vouldriez
empescher le jugement de l'église a laquelle jl a
este envoyé. Bien est vray que nostre deliberation
est de le proposer au peuple en petite assemblée
pour fere exhortation affin de ratifier sa vocation
comme lavons tousiours recognu pour ministre de
l'évangile.
Jay bien voulu fere ung assez long récit de
tout cecy pour vous declairer la procedure qu'avons
tenue laquelle submettons volontiers a vostre correction.
Cependant l'église n'a poinct intention de
traicter aultrement ledit nostre frère Archambaud 2 )
sinon comme l'ung de nous jusques a ce par vostre
conseil on y ait aultrement pourveu. Quant a nous,
d'aultant qu'il pourrait estre propre pour quelques
aultres lieux circonvoysins, s'il estoit vostre bon
plaisir de nous en envoyer quelcung aultre en sa
place, ce serait tout ce que désirerions, en donnant
nostre dit frère au lieu qu'il vous plairait lùy as-
2) Voyee N. 3464.
signer, Comme nous ne doubtons poinct qu'il n'y
acquiesce volontiers ainsi qu'il a promis de se
conduire selon le jugement de l'église se rendant
obéissant en toutes choses. Nous ne doubtons poinct
qu'il n'ait receu beaucoup de dons et graces de
Dieu mesmes en la cognoissance des langues. Nous
scavons aussi de quelle douceur bénignité et mansuétude
il est doué. Mais l'incapacité nous semble
telle pour le present que ne pouvons dire aultre
chose que ce qui a este diet cy dessus. Et sommes
marrys que n'en pouvons parler aultrement. Il advient
souventesfoys que plusieurs bons espritz estans
devant gens doctes, comme il a este a geneve, ne
peuvent exprimer ce qu'ilz ont conceu en leur entendement
a cause d'une timidité trop grande de
laquelle puis après jlz sont facilement délivrez.
Mais jl y a en nostre frère, quoy que nous en parlions
modestement, d'aultres jnfirmitez et jmperfections
lesquelles font que nosons et ne pourrions
aussi en saine conscience le proposer au peuple de
bourdeaulx pour continuer les exhortations sans
l'exposer avecques nous en moquerie. Et pourtant
nous espérons qu'il pourra estre mieulx supporte
ailleurs. Nous vous prions donq au nom de Dieu
qu'il vous plaise d'y regarder pour nous oster de
perplexité et croire que n'y avons procède legierement.
Surquoy prierons le seigneur, monsieur et
père, vous avoir tousjours en sa saincte garde et
protection, vous maintenir en bonne santé pour
ledification de son église. De Bourdeaulx ce
7. d'aoust 1561.
Vostre humble et obéissant serviteur
Duranson au nom de tous. 3 )
3473.
FARELLUS CALVINO.
Ex itinere guod suscepit cum fratribus Pedemontanis
ad civitates ad causam Valdensium commendandam.
l )
(Ex autographo Cod. Genev. 115, fol. 142, coll. c. Cod. 116,
fol. 68. Cod. Bern. Epp. VI. p. 901 et Simleri Vol. 101.)
3) Suivent deux signatures illisibles avec cette note:
Nous avons adioute nos signatures pour conformer celle de
nostre ministre.
8473.1) Cf. Kirchhof er II. 156.