opera quae supersünt omnia. - ARCHIVE OUVERTE UNIGE

565 1561 IUL. 566
et du grand mal'heur ou nous nous voyons estre
Et ne cognoissans meilleure voye pour estre soulagés
on noz maux que de nous addresser a ceux
par lesquelz Dieu a faict freschement si grans
merveilles a son Eglise et qui sont expérimentes a
redresser ses ruynes et qui désirent lavancement
du Regne de son fils Jesus Christ et desquelz ne
craignons estre reiettes mais receux au nombre de
voz obéissants frères, TOUS supplions tous ensemble
très humblement, tant par ces présentes que par la
bouche de nostre frère present pourteur de nous
fournir et envoyer un ministre qui nous presche et
annonce la volonté de nostre bon Dieu et administre
ses sainots sacremens en la pureté quil requiert,
et qui en saincteté de vie et meurs convenables
a ceux qui ont charge de dispenser si grans
et excellens trésors nous soit pour patron et exemplaire
pour lensuyvre comme vous lentendes trop
mieulx. Quoy faisant de nostre part nous prometons
recevoir et ensuyvre ce qui nous sera annoncé
par luy autant que Dieu nous donnera de grace,
Et de nous soubmettre renger et obeyr aux admonitions
reprehensions et censures en tout ce qui
appartient a la discipline de l'église, le tout selon
la parolle de Dieu, Et ne permetrons estant entre
nous ny aux choses susdictes et aultres que congnoistrons
estre nécessaires à un serviteur de Dieu,
d'avoir iuste occasion de se plaindre de nous.
Âpres nous estre recommandez a vos sainctes
prières et bonnes graces nous prierons ce bon Dieu
quil vous augmente ses graces pour lornement de
son église, vous fortifie pour les y dispenser et vous
maintenir longuement pour poursuyvre cest edifice
a la gloire de grand Dieu et a la restauration du
regne de son filz Iesus Christ. Ainsi soit il.
Four approbation de ses choses aulcuns de
nostre compagnie ce sont icy soubsignes au nom de
tous Les autres qui'sont la meilleure partye de la
ville. C'est de Laiben 1 ) en Dauphiné le 18. de
Juillet 1561.
Yos treshumbles et obeissans
frères et serviteurs
Fran. Chambut. Tondard. Pellar. Buysson.
Demalh.es. Rosier. Jehan de Malhes. Trufel.
Chaugret.
3448.1) L'Mbenc, arrondissement de St. MarceUin (Isère). 8449.1} Comp. N. 3447.
2) Comp. N. 3350. Cest le même qui était autrefois à
Vevay, et qui quitta le pays avec Viret. Un ce moment ü se
trouvait à Dieppe.
3149.
X'ÉGLISE DE MONTELIMART A CALVIN.
Demande de pasteur. 1 )
(Autographe de la Bibliothèque de Genève MS. 196, fol. 164.)
A Monsieur Monsieur maietre Jean Calvin ministre
de l'église en la ville de Geneve.
A Geneve.
Monsieur, despuis que la grace de nostre
Seigneur Jesus Christ est en nostre esglise si divinement
inf[«se] que le désir davoir entière refection
de sa sainote parolle se croist et se multiplie en
nous de iour en iour: le sainot vouloir qui rend
diligent tout bon Chrestien a cercher sa pasture,
nous incite a vous dresser noz lettres pour nous
secourir et pour bien remédier a noz affections. A
quoy satisfaire rien n'est a nous plus licite que de
garder l'ordre que Dieu a ordonné, qui est d'avoir
un pasteur par lequel nous puissions estre instruiotz
a faire le bien et éviter le mal. Et daultant que
il vous pleut de nous pourvoir ces ans passes d'un
bon et fidelle pasteur nommé M. Francois de S*.
Pol,*) qui par le moyen des persequtions ou par
les effors de Satan nous a esté a nostre grand regret
osté, nous vous supplions treshumblement de
satisfaire a nostre désir, et quil vous plaise nous
envoyer en ceste ville de Monteillimar homme qui
puisse estre pasteur idoyne et cappable a la suffisanse
de nostre dicte ville qui est comme chef de
plusieurs lieux circonvoysins. Dont aux fins de ce
pouvoir obtenir nous vous envoyons un des frères
de nöstre esglise, auquel avons donné charge d'employer
telle diligence que le Royaume de nostre
Seigneur se puisse augmenter en continuant loeuvre
ia commencée. Parquoy prierons Dieu quil luy
plaise vous conduyre en ceste oeuvre comme en
toute aultre, vous augmentant les dons de son sainot
esprit. De Monteillimar ce 18 de Juillet 1561.
s
Par voz frères et serviteurs
F. Abri. Garnier. Bal. Sovain.
Pichot diacre. Decros anssien.
_^ Jullien secret. Baratier.
36*