opera quae supersünt omnia. - ARCHIVE OUVERTE UNIGE

543 EPISTOLAÉ 3484—3436 644
La grace et paix de nostre bon Dieu et par Jesuchrist
nostre sauveur en la vertu du sainct esprit vous
soient augmentées.
Treschers et honorez frères. Dernièrement en
nostre congregation generale maistre francoys Teurut
(?) ministre de Grateloup nous exposa le grand
advancement du regne de nostre seigneur Jesuschrist
au pays d'Agenois dont remercions Dieu, et
aussi la charge quil avoit d'aucunes églises de leur
trouver des ministres par deçà, et nommément pour
leglise de Moncla (?) laquelle estoit délaissée de
son pasteur. Et d'autant qu'il n'avoit peu en recouvrer
vers vous nous pria tant au nom desdites
églises qu'aussi de par vous de luy en ottroyer aucuns
de nostre compaignie, si possible estoit sans
porter dommage aux églises de par deçà. A quoy
desirans nous employer avons demande le vouloir
de deux que jugions estre propres et en la place
desquels pouvions assez aisément pourvoir. Et
ayans entendu leur prompt vouloir et ardent désir
pour s'employer fidèlement ou il plaira a Dieu les
appeller par vocation legitime, apres avoir jnvoqué
le nom de Dieu les avons eleuz pour estre envoyez:
A scavoir maistre Jehan Flieser maistre 'deschoie
de Neufchastel, homme de bon scavoir et saine
doctrine et de bonne vie. Et layans congneu tel
l'avons appelle au ministère avec nous il y a passe
un an, tant pour servir par deçà ou besoing seroit
qu'aussi afin quil fust plus prest si nécessite survenoit
de l'envoyer quelque part pour la gloire de
Dieu. Lautre est Mr. Antoine Mermet qui estoit
maistre deschoie a Dombresson avec ceste condition
que sil estoit appelle pour servir au ministère en
quelque église ne seroit empesche. Lequel aussi
avons congneu avoir grace de traicter la parole de
Dieu et ayant la crainte du seigneur. Et pour ce
depuis quelque temps pour la mesme fin susdite
luy avons jmposé les mains. Parquoy, treschers
frères, dautant que par la grace de Dieu avez
bonne congnoissance des églises de France et que
vostre authorite y sert grandement, vous les adressons
tant pour les confermer qu'aussi pour les recommander
aux églises ausquelles ilz seront envoyez
de par vous. Combien qu'en lelection de
de maistre Iehan Flieger avons eu égard a la susdite
église de Moncla pour les circonstances que
maistre francoys nous déclara. Mais en celle de maistre
Antoine n'a este spécifiée leglise a laquelle seroit
envoyé. Ains lavons remis a vostre jugement et
bonne prudence, selon que congnoistrez par ledit
maistre Francoys ou il sera le plus expedient de
l'envoyer pour survenir ou la neceessite sera plus
grande. Surquoy, treschers frères, après nous estre
recommandez a voz sainotes prières nous prierons
leternel vous avoir en sa protection et vous '
augmenter ses graces. De Neufchastel ce 10 de
juillet 1561.
Vostre humble frère et serviteur
Jaques Sorel au nom de tous.
3435«
CALVIN A JAMES STUART. «)
Félicitations au sujet de son eèle pour la religion
et exhortations à. la constance.
(Copie. Bibl. imp. Coll. Dupuy. Vol. 102, fol. 42 avec cette
inscription.- au comte de Rarem et au seigneur Jaques frerê
aisné de la Boyne d'Escosse. — Bonnet II. 410. Trad. angl.
IV. 200.)
Monsieur, combien que ie ne vous cognoisse
point de face, toutesfois le zèle et constance que
vous avez monstre pour avancer le regne de nostre
Seigneur Jesus Christ, et restablir le vray service
de Dieu et la Religion, non seulement me donnent
familiarité 2 ) a vous escrire, mais aussi m'obligent a
vous' confermer en ce sainct propos. Non pas que
ie pense que vous aiez besoin d'estre poussé d'ailleurs,
comme s'il y avoit crainte que vostre courage fust
affoibli ou refroidi, mais pource que je sçai bien
que vous ne pouvez pas si vertueusement travailler
que vous faictes a maintenir la vérité de Dieu,
que vous n'ayiez a soustenir beaucoup d'assaux.
Je ne doute, quand de mon costé je tascheray a
vous aider par quelques exhortations, que vous ne
le preniez bien en gré, comme de faiot ceux que
Dieu* a le mieux fortifiez sentent tant plus ce qui
est de résidu de foiblesse en eux, et désirent d'estre
tellement conformez que jamais ils ne défaillent.
C'a bien esté une grande vertu à vous de fermer
les yeux a tous les objects de ce monde qui vous
pouvoyent empescher ou retarder de vous employer
franchement à combattre pour la querelle de l'Evan-
2435.1) James Stuart était un fils naturel de Jaques V. et
par conséquent frère consanguin de Marie Stuart. Il avait été
prieur de S. Andrews, il embrassa la réforme, et devint Fun
des chefs les plus influents de la Congrégation. H fut régent
d'Ecosse sous le titre de comte de Murray en 1567. En ce
moment il s'était rendu en France pour y chercher sa soeur,
avec laquelle il débarqua à Leith le 20. Août. Plus tard il
fut son adversaire dans la guerre civile et périt assassiné en
1570 à Tage de 28 ans.
2) Conjecture de M. Bonnet. Le manuscrit porte: familier
aves, ce qui ne donne pas de sens.