opera quae supersünt omnia. - ARCHIVE OUVERTE UNIGE

533 1561 JUL. 534
advertir dun trouble survenu en ceste église de
Cosnes. 2 ) Laquelle commencent a florir et heureusement
prospérer par layde et ministère de ceulx de
Sanxerre 3 ) des quels non obstant la diligence et
tout effort pour résister a tel desordre N'a este
neantmoins a eux possible de l'empescher. Lequel
ayant este commencé est encor poursuyvy et augmente
journelement par le moyen d'un nomme
Janvier, Lequel non contant davoir ruyné leglise
de Viarron sest venu fourrer presque de mesme
façon dans ceste cy. Car estant arrive en ceste
ville jncontinent et sans autre election sest ingéré
de prescher, apres avoir par une grande parade et
babil esblouy les yeulx d'aulcuns des plus apparentz
et par consequent de tout le reste: Lesquels
lauroyent en cela ad voué et receu pour pasteur:
Nonobstant toutes sairictes admonitions et suffisantes
remonstrances que je leur aye sceu faire touchant
la police ecclésiastique par cy devant establie aux
Synodes et conciles tenuz par les églises reformées
de la France, et plus anciennement confirmees par
sainct Paul en escrivant a Thim. Dont auroye este
contrainct m'opposer a toute telle procedure et de
paroles et de faict Deffendant a ma femme et conseillant
a quelques ungs mes amys de n'assister a
ses sermons: tellement que par tel conseil un mien
amy voyant sa femme accouchée seroit aile requérir
lun de noz premiers pasteurs dudit Sanxerre pour
venir prescher et baptizer son enfant. A quoy invitez
plusieurs et presques tous ceulx de lEglise
auroyent este contremandez par les depputez et
deffences faictes par ledit Janvier ou ses adherentz
de n'y assister a peyne destre excommuniez: denonceant
pour tels le mary et la dicte femme accouchée.
Oe neantmoins, graces a Dieu, ne layssa
on dy accourir a grandz trouppes, non moins de
fidèles que de papistes: voire en maison puplicque
et a portes ouvertes, ainsi quavions tousiours accoustume
de faire auparavant. Au moyen de quoy
et par une hayne mortelle (malséante encores plus
a ung ministre, comme il se diet, qu'a tout autre)
s'est bien osé vanter qu'il advertiroit Messieurs de
Berne de ce que jaurois mesdict d'eulx, daultant
quilz maintiennent les ministres a eulx subgectz,
combien quilz soyent malvivans et de mauvaise
doctrine, affin que par ce moyen il me fasse perdre
non seulement le bien que jay encores riere eulx,
mais aussi (comme il diet) la teste. Or pour plus
clairement vous faire entendre la vérité de ce faict,
jl vous fault scavoir que pour mieulx coulorer sa
menée il a monstre une attestation d'Angleterre, ou
2) Gosne sur la Loire (Nièvre).
3) Dépt. du Cher. — La ville de Sancerre recent la
semence de la vraye religion estant souvent visitée par Jean
Michel en 1534. (Hist. eccl. I. 19.)
il diet avoir presche huyct mois par provision, efc
une aultre de Lozanne signée par Mr. le baillif
Darlac*) et son secretaire. Laquelle dernière Mr.
de Clereau vouloit quasi approuver disant ledit
Sieur Darlac estre si homme de bien que facilement
il adiousteroit plus de foy a sa seule signature qu'au
tesmoignage de plusieurs autres. A quoy je resistay
fort et ferme, disant que je cognoissois les Seigneurs
baillifz de Berne et les ministres mieulx que ledit
Sr. de Clereau (comme il est vray) pour les avoir
plus que luy fréquentez, a mon grand regret et
avoir veu plusieurs dissolutions et ouy paroles de
blaspheme sans nulle correction. En remonstrant
tel tesmoignage n'estre de telle efficasse qu'il deubst
suffire pour approuver lintegrité de vie dudit Janvier
et moins la saine doctrine diceluy. Sur laquelle
mesmement nestoit licite recepvoir le tesmoignage
provenant de telle part, veu quil y a des ministres
ausquels estoit plus convenable davoir recours, quant
a la doctrine. Et voila pourquoy et comment il
cuyde se venger de si saincte resistance que jay
faicte a sa présomption et folle témérité. Mais
moy toutesfois voyant que par diabolicques persuasions
jl taschoit d'imprimer au cerveau de ces
paovres gens beaucoup de maulvaises opinions pour
dissiper le bon ordre et police ecclésiastique. Leur
faisant croire que c'est au peuple et non a autre
deslire et recepvoir le ministre, disant tels malheureux
propoz: Lon vouldra faire de Geneve un
Romme. Qui a esleu premièrement Pharél et Viret?
On nous vouldra bailler des règles monachales plus
que jamais. Il y a des ministres qui veulent conduyre
les autres et neantmoins ilz méritent mieulx
destre en un gibet que la ou ilz sont, et autres paroles
jndignes de reciter. Oe voyant (dy je) soubdain
je men vois a Sanxerre et de la a Bourges,
pour m'informer de sa conversation et doctrine.
Duquel lieu (y estant neantmoins prisonnier en la
garde et soubz la puyssance d'un huyssier) jl est
party sans avoir compté ny satisfaict a sondict
hoste qui lavoit nourry et entretenu malade trois
sepmaines durant, encores moyns payé lappoticquaire
médecin ne barbier, ausquels mesmes navoit pas
diet tant seulement a Dieu. A la veriffication de
ce je vouluz bien apporter missives de leur part,
pour faire cognoistre a ces paovres aveugles dicy
telz actes indignes, je ne dy pas dun ministre,
mais dun homme particulier et prive de tant basse
condition fust il: affin que prévoyant un tel danger
ilz apprinssent au dommaige dautruy. Ensemble
beaucoup d'autres tesmoignaiges de sa maulvaise
reputation que je sceuz par aulcuns qui lavoyent
fréquenté a Geneve et a Lozanne, lorsquil estoit aux
gaiges des Seigneurs desquels fust privé, pour quel-
4) cF Erlach.
M*