opera quae supersünt omnia. - ARCHIVE OUVERTE UNIGE

531 EPISTOLAB 3428—3429 532
le veut laisser (comme lavons bien deservi) en la
disposition en laquelle il est (voire mesmes quant a
la corruption qui est en la police civile) jl ne faut
attendre quune autant horrible reiection et confusion
que leur vocation et elevation a este grande. Il y
a environ 17 ans que nous avons chapperonné après
uns et autres par tant de requestes remonstrances
et articles envain proposez, accordans en substance
a ceux cy que ie vous envoyé par le commandement
de mes dictz frères, pour y avoir vostre bon
conseil et advis, si moyennant vostre adsistence
tant en prières que conseil de la presence daucuns
de vous (si Dieu nous en fait la grace) en ce dernier
effort nous pourrons obtenir quelque reformation
plus ample que navons peu de si long temps
obtenir. Vous avez beaucoup travaille après les
articles du Synode yci tenu 1551. Lesquelz encor
quilz ayent este postilez au Conseil du Prince et
au Conseil de la ville, comme pouvez veoir en la
copie que ie vous en envoyé, ce neantmoins du
cousté et dautre on a fait et encore fait on tout
effort de les supprimer et donner a entendre a tous
que nous les avons inventez et que de nostre authorite
particulière nous avons introduict ceste nouvelle
de baptizer et espouser de la chayre, laquelle
ilz nous ont voulu faire changer en nous menaceant
de nous deschasser. Nous leurs avons remonstré
quil nest a eux de nous commander en cest endroit
et que ce qui a este conclu au synode nous ne le
pouvons changer et ne le changerons point, sil nest
passe par un autre synode deuement assemblé, auquel
on nous puisse monstrer quil fust en plus
grande edification de faire autrement. Quant a la
forme de Consistoire que ie vous communique aussi
présentement, Monsieur le Gouverneur avant que
la veoir nous promettoit tousiours de son costé que
si pouvions amener ceux de la ville a saccorder de
dresser un Consistoire, lordre tel qu'appartient, quil
sy employeroit de tout son pouvoir. Mais il entendoit
de le dresser au plus prais quil pourroit de
celuy de Berné. Et quand il a veu nostre formulaire
il na point passé plus oultre, ains est tousiours
en ceste opinion que nous regardions et iugions de
ses ordonnances. Desquelles ie vous envoyé aussi
un double afin que voyez en quelle perplexité nous
sommes. Encor Dieu me fist la grace dernièrement,
pendant que mon cher père estoit par delà, que
par remonstrances et increpations que ie leur fey
-en leur conseil jeu ceste responce deux : Messieurs
sont de bon vouloir de mettre tout bon ordre et
police a leglise, et vous prient de faire un proiect
de la manière de ce Consistoire nouveau que demandez,
et le leur presenter au premier conseil
qu'on tiendra. Ce que ie fis et eux ayant présenté
ce formulaire audict Seigneur pour en conférer avec
luy, jl ne voulut disant: Ce cy ne sadresse point a
moy. Despuis nous avons eu ce conseil du susdict
Chastelain d'attendre un Synode, et que Monseigneur
et Madame sont de bon vouloir de ottroyer
un et quen leur presence toute bonne reformation
soit mise en avant et receue. Les frères avoyent
délibère vous envoyer un de nostre compagnie pour
meurement avoir vostre conseil comment nous devrons
faire en tous ces poinctz sus declairez et la
manière de conclur les choses. Mais ayant trouve
ceste occasion propre de nostre cher frère Me. Iehau
de Beaulieu, ie luy ay commis ceste charge par le
conseil de mondict père et de nostre doyen. Et
combien que scachions bien questes tant chargez
et occupez a graves et excellons affaires quavez
bien peu de loisir de veoir COB papiers, si est ce
que la communication, amitié et conionction quavons
avec vous des le commencement ne change et
ne descroit point de nostre costé, estans asseurez
quainsi est du vostre. Le père de miséricorde qui
vous a appeliez a une si saincte charge, a laquelle
il nous a adsiste des le commencement, nous face
la grace a vous et a nous de parfaire le reste de
nostre course en joye et fidélité. Tous noz frères
avec nostre diet père vous saluent tous au Seigneur.
De Neufchastel ce 5 e . de Juillet 1561.
Vostre frère ami et serviteur
Christophle Fabri
au nom de la classe.
3429.
BOUVIÈRE 0 A CALVIN.
Plaintes contre un nommé Janvier qui porte le
trouble dans les églises de T Orléanais.
(Bibliothèque de Génère. MS. 196, fol. 153. Autographe.)
A Mons. Monsieur D'Eppeville
A Geneve.
La grace et paix de nostre bon Dieu soit avec vous,
ainsi soit il.
Monsieur, ne scaichant meilleur recours que
vers vous pour remédier a tous scandales, N'ay
voulu estre negligent (suyvant mon debvoir) vous
3429.1) Sur ce ministre nous trouvons dans l'Hist. ecol. (I.
105) la notice qu'u fut envoyé jeune encore de Genève à
Tours en 1556. — Le nom de Janvier ne se rencontre pas
ailleurs.