opera quae supersünt omnia. - ARCHIVE OUVERTE UNIGE

431 BPISTOLAB 3374—3377 432
pris les armes: quelques gens ont esté tuez: mais
ü fault soavoir si iay eu nulle intelligence avec les
autheurs, si iamais ie les aroie veu ny congnu, si
nous avions communiqué ensemble par lettres ou
messages. Or on trouvera que ie nay pas moins
reprouvé tous leurs actes, que ce qui sestoit faict
auparavant. Nous avons aussy ouy parler de quelque
tumulte advenu a Lyon, mais quoy que ce
soit, la source venoit bien dailleurs, et sil neust
tenu qua moy, ceste légèreté se fust doulcement
amortie. Ge pendant ie nay iamais veu celuy a
qui on atribue la faulte, et sil y a eu de la légèreté,
ce nest pas a moy, qui y ay résisté, den porter
la condamnation. Mesmes pource qualors messieurs
de ceste ville ouirent seulement murmurer
quaulcuns se levoient souldain, ilz firent deffences
estroictes a tous habitans de ne bouger, on na pas
laissé pourtant de dire quil estoit sorty quinze cens
cheyaulx de Geneve. Mais il fauldroit avoir bien
claire vcue pour compter ce qui nest jamais apparu,
le laisse encores a dire quil sest faict en ceste ville
des chastimens de ceulx qui sy estoient fourrez
trop avant, encores que ce fust plustost par simplicité
que malice.
Voila en somme, Monsieur, toute lhistoire de
ce qui me touche, voire a la pure vérité, dont vous
pouvez iuger selon vostre prudence sil seroit expedient,
pour me purger comme il mest facile, que
iaggravasse la cause de ceulx lesquelz ie desire de
supporter. Car ie me suis esbahy, voiant des
bonnes gens et de grande pieté avoir esté ravis et
deceuz par inconsideration, mesmes avoir esté circonvenus,
parce quon leur avoit malicieusement
caché ladvertissement que ie leur donnois. Au
• reste je me doibz garder de n'estre induict par
ambition a me iustiffier, tellement que cela leur
nuise ou emporte preiudice. Mesmes ie desire, encores
que tout le mal deubt retomber sur ma teste,
que le scandalle soit ensepvely.
Monseigneur, après mestre humblement recommandé
a vostre bonne grace, je prieray nostre bon
Dieu vous tenir en sa protection, vous augmenter
en toutes vertus, et vous gouverner par son esprit
iusques en la fin. ,8 )
3375.
SBMIDDB AUX MINISTRES DE GENÈVE.
Exposé de nouveau à des dangers pareils à ceux
auxquels il s'était soustrait naguère, il demande s'A
doit rester à Lyon où quitter son poste.
(Autographe de la bibliothèque de Genève HS. 196, fol. 125.)
A Messieurs d'Espeville et sa compagnie
la part ou il sera.
S. Messieurs et frères en nostre Seigneur.
Comme Monsieur le greffier de Baignant 1 ) est icy
arrive i'estoie sorti hors de la ville par le conseil
et advis de noz amys, a cause que le bruit estoit
commun qu'avoie esté descouvert, ce qui peut estre
comme avons entendu derechef, toutesfois non point
ainsi quil avoit esté rapporté, cependant nous sommes
en suspens et ne sçavons bonnement comment
il nous convenient conduire. Les uns disoient quil
seroit expedient que ie me retirasse pour deux ou
trois moys, attendant quelque provision qu'on espère
en brief. Les autres ne sont aucunement d'advis
que ie sorte, veu mesmes que ie suis seul, et disent
qu'on me retiendroit du tout si i'estoie envoyé pour
deux ou trois moys. Et de ma part ie veoy bien
que ie suis congneu d'aucuns garnements, toutesfois
ie ne Tay voulu dire ouvertement iusqu'a present,
craignant d'offenser ceux qui ne sont trop affectionnez.
Et pourtant, Messieurs, ce sera a vostre
prudence et discretion d'en disposer ainsi que congnoistra
estre expedient pour la gloire de Dieu et
pour l'utilité de son église, et ce faisant me trouverez
prest et appareillé a suivre vostre advis, auquel
aussi i'espere que l'église soubsignera, moyennant
la grace de nostre bon Dieu et père lequel ie
prie estre garde de vous tous, vous priant de ne
nous oublier en voz prières.
Nous avons entendu quil y a
letres pour relascher mon compagnon
de quoy nous louons Dieu.
De Lyon ce 22. d'Apvril. 1561.
Le vostre De Semidde.
18) M. Bonnet a ajouté la date du 16. Avril 1561. Nous
ignorons sur quoi cela se fonde. Mais nous n'avons rien de
plus précis à donner.
3375.1) Voyez N. 3367 et 3369.