1 DISPENSA DI LETTERATURA LATINA A.A. 2009-2010 PROF ...

cum Iuno aeternum seruans sub pectore
vulnus
haec secum: 'mene incepto desistere uictam
nec posse Italia Teucrorum auertere regem!
quippe uetor fatis. Pallasne exurere classem
Argiuum atque ipsos potuit summergere ponto
unius ob noxam et furias Aiacis Oilei?
regem hoc est, quia nihil amisit, rex est. et mire
Aeneam noluit nominare. honorantur enim
minores a maioribus si suo nomine fuerint
nominati, ut "Aeole, namque tibi". contra
contumelia est si maiores a minoribus suo
nomine nominantur, ut "Iunonis gravis ira". et
"pacem te poscimus omnes Turne". et bene
'regem' invidiose; non enim dixit Troianos, sed
unum hominem Troianum.
qvippe vetor fatis re vera, inquit, fata me
prohibent. ergo Iuno ignorat vim fatorum. sed
hoc non possumus dicere, quia superius lectum
est "si qua fata sinant et audierat". hoc ergo est.
omnis res hominum aut ex nostra voluntate
descendit, ut puta sedere surgere; aut ex fati
necessitate, ut nasci mori; aut ex deorum
voluntate, ut navigare vel honoribus frui. nunc
de navigatione agitur; et bene invidiose, quasi
etiam huius rei potestatem ei possint fata
detrahere. est et alter sensus latens, ut speret se
reginam contra exulum fata posse aliquid, si
Minervae numen inferius valuit contra fata
victorum.
pallasne Minerva ¢pÕ ¢pÕ ¢pÕ toà toà p£llein p£llein tÕ tÕ dÒru dÒru, dÒru dÒru id
est ab hastae concussione; vel quod Pallantem
gigantem occiderit. sane opportune hic Aiacis
naufragium ad exemplum adfert, cum de
naufragio Aeneae cogitat. et cum bellum
meditatur, belli exemplum adfert "Mars perdere
gentem inmanem Lapithum valuit".
'ne' autem coniunctio expletiva videtur. an
aliter?
exvrere exuri dicitur de quo nihil superest, ut
"quid memorem exustas Erycino in litore
classes?"
classem ad invidiam posuit, ut pro una navi
classem dicat. sic Venus "navibus infandum
amissis", cum Orontes solus perisset. aut re vera
unam navem significat, ut Horatius "me vel
extremos Numidarum in agros classe releget".
classis enim dicta est ¢pÕ ¢pÕ ¢pÕ tîn tîn k£lwn k£lwn, k£lwn id est a
lignis, unde et calones dicuntur qui ligna
militibus portant, et kalopÒdia kalopÒdia. kalopÒdia
argivvm quasi et illud contra fata. et 'Argivum'
pro Argivorum; videtur autem specie accusativi
singularis pro genetivo plurali usus. et bene
'Argivum' quasi quos ipsa Iuno amat, ut supra
"pro caris gesserat Argis".
4