1 DISPENSA DI LETTERATURA LATINA A.A. 2009-2010 PROF ...

Haec ubi dicta,cavom conversa cuspide montem 81
impulit in latus: ac venti velut agmine facto
qua data porta, ruunt et terras turbine perflant.
incubuere mari, totumque a sedibus imis
una Eurusque Notusque ruunt creberque procellis
Africus, et vastos volvont ad litora fluctus 86
pronomina vel participia in ultima syllaba
produci debent. 'capessere' autem est saepe
capere.
tv mihi qvodcvmqve hoc regni rediit ad
physicam rationem. nam motus aeris, id est
Iunonis, ventos creat, quibus Aeolus praeest.
dicendo autem 'quodcumque' aut verecunde ait,
ne videatur adrogans, aut latenter paene iocatur
poeta; quis enim potest ventos, id est rem
inanem tenere? tv mihi q. h. r.] hoc ad illud
respondet 'namque tibi divum pater atque
hominum rex'. qvodcvmqve h. r.] quia ipse rex
sub alieno imperio est. 'quodcumque' ergo quod
'clauso ventorum carcere regno', nec in mea
manu est nisi iusso ventos emittere. iovemqve
concilias hysteroproteron in sensu. non enim
Iuppiter conciliatur Aeolo, sed Aeolus Iovi, quasi
superiori. conciliantur autem novi,
reconciliantur antiqui.
tv das epvlis accvmbere divvm hoc est, tu me
deum facis. duplici enim ratione divinos honores
meremur, dearum coniugio et convivio deorum.
unde et in bucolicis "nec deus hunc mensa, dea
nec dignata cubili est". sane 'epulis accumbere'
secundum sui temporis consuetudinem dixit;
nam olim sedentes vescebantur, sicut ipse
meminit "gramineoque viros locat ipse sedili" et
"perpetuis soliti patres considere mensis". et
apud Homerum sedentes dii epulantur.
nimborvmqve nubium, ut "et lunam in
nimbo nox intempesta tenebat".
haec vbi dicta et a Iunone et ab Aeolo. et
'dicta' si nomen est, dedit, si participium, deest
sunt. et 'haec ubi dicta' pro postquam,
adverbium locale pro temporali.
cavvm ordo est, conversa cuspide cavum
montem in latus inpulit. et alibi "in latus inque
feri curvam compagibus alvum contorsit". alii
'in latus' pro latus accipiunt. Ennius "nam me
gravis impetus Orci percutit in latus".
inpvlit in latvs] quasi in rem quae facile cedit
ictui.
agmine vel inpetu vel multitudine. agmen enim
polysemus sermo est. nam inpetum significat, ut
"illi agmine certo Laocoonta petunt";
multitudinem, ut "vocat agmina saeva
sororum". etiam incedentem exercitum 'agmen'
vocamus.
qva data et in undecimo "coeant in foedera
dextrae qua datur". 'qua' ergo quoniam. et 'qua
data' ad votum ventorum videtur rettulisse.
16