GE Biblioth. pub. et univ - Archive ouverte UNIGE

127 EPI8T0LAE 4001—4004 128
Touchant le bonnet rouge, 8 ) nous savons bien
que ce n'est pas chose de telle importance que
beaucoup la font, mais vous savez, Monsieur, qu'il
n'est pas en nous de Pabsouldre du tout, ny de prendre
la defense de sa cause: comme de nostre part
nous ne pouvons pas en saine conscience l'exempter,
qu'il n'y ayt quelque infirmité en cest endroict.
Ce sera bien assez, ce nous semble, si aulouns s'en
offensent par trop, de modérer leur zèle et rabatre
ceulx qui l'escarmoucheroyent : tellement que «ans
l'approuver nous monstrions que le faict est suportable,
et que pour cela on ne doit pas laisser de
l'avoir en telle estime qu'il mérite. Quant à vous,
Monsieur, nous remercions Dieu de ce que vous estes
résolu, si tost que Monsr. le Conte, après estre arrivé
en Court, vous aura mandé qu'il n'y fait pas trop
maulvais, de vous acheminer. Car on a cognu par
vostre absence, combien il eust esté profitable que
vous y fussiez tousiours demouré, et mesme il semble
que tout doibve aller de mal en pis, si Dieu n'y pourvoit
bientost, ce que nous espérons qu'il fera par
vostre moyen. Ainsy estant persuadez qu'il vous a
reservez a cest usage, nous vous prions, Monsieur,
tant qu'il nous est possible, de ne laisser passer la
moindre occasion que ce soit. Car vostre face, quoy
qu'il en soyt, estonnera voz ennemis.
Touchant l'alliance, nous remettons a un aultre
temps a vous en mander, pource qu'aussy bien n'en
pourriez vous rien entamer a cest'heure.
Monseigneur, après nous estre humblement recommandez
a vostre bonne grace, nous suplions le
père celeste vous tenir en sa protection, vous fortifier
de sa vertu, et vous accroislre en toute prospérité.
De Geneve, ce cinquiesme d'Aoust. 4 )
Vos humbles serviteurs, 5 )
Iehan Calvin
Theodore de Besze.
3) Allusion à Odet de Coligny, cardinal de CkâtiUon.
Il a déjà été dit qu'il embrassa ouvertement la réforme en
1561 et renonça à ses dignités ecclésiastiques. Mais ayant
été déposé solennellement le 31. Mars 1563 et cité devant l'Inquisition,
il reprit les insignes du cardinalat pour montrer
son mépris de l'autorité papale. Il parut dans ce costume le
17. Août au lit de justice à Rouen où Charles IX. se déclara
majeur. Le 1 T déc. 1564 il se maria en habit de Cardinal
avec Elisabeth de HauteviUe. (Haag. III. 373.) Calvin évidemment
ne pouvait approuver de pareils procédés.
4) Le traducteur Anglais a mis le 5. Juillet.
5) Autographe de Calvin.
4002.
CALVIN A COLIGNY.
Post-scriptum, ou supplément de la lettre précédente.
(Autographe. Bibl. nat, même Vol. fol. 77. Bonnet II. 531.)
A Monseigneur Monsieur Ladmiral.
Monseigneur ie vous escrivy dernièrement 1 ) a
la haste des lettres deffroy, comme iestois saisy de
grande destresse. Laffaire est celluy que vous avez
devine. Or ie ne doubtois pas, combien que vous
feussiez sollicite, que vous auriez eu la prudence
de vous y gouverner si dextrement quil ny auroit
que redire. Toutesfois ce scrupule me rongeoit le
cueur, comme si vous neussiez prévenu, vos ennemis
eussent prins occasion de faire grandes crieries.
Ceste creinte doncq mavoit esmeu a vous advertir
que la venue de lhome ne pourroit estre secrete et
qu'on presumeroit merveilles si de vostre coste
vous ne descouvriez ce qui seroit expedient pour
vous exempter de toute calomnie. Or, Monseigneur,
comme vous avez peu recueillir combien vostre
reputation mest précieuse, aussi ie ne doubte pas
que vous naiez bien prins le tout. Ce pendant ie
loue Dieu que vous aviez bien proveu a tout ce que
ie desirois.
Monseigneur, après m'estre de rechef humblement
recommande a vostre bonne grace ie supplie
nostre Dieu et père vous guider, maintenir et augmenter
en toutes ses richesses spirituelles. Ce mesme
iour.
Iavois tellement despeche la lettre que nul
nen avoit rien sceu: tellement que monsieur de
Beze sest esbahy de ce quil nentendoit pas. Iavois
aussi oublie a vous dire, Monseigneur, que nostre
frère des Gallars 2 ) est icy attendant response de
vous. C'est monsieur de Saules.
Vostre humble serviteur,
Iehan Calvin.
4002.1) Allusion à une lettre perdue, et non à la précédente.
2) N. 3969.