GE Biblioth. pub. et univ - Archive ouverte UNIGE

m EPISTOLA 3988 92
sent bien considéré le danger ils eussent parle autrement:
veu mesmement que les testes de ee pays
ne se domptent pas si aisément. le vous puis asseurer
que ce poinot m'a autant exercé que pas
un de tous les autres. Car ie me trouvois en extrémité
sans pouvoir avoir conseil d'aucun qui me
resolust la dessus. I'estois nouvellement arrivé en ce
pays, tellement que ie ne pouvois pas avoir cognoissance
des moyens pour trouver argent. Finablement
ie prins resolution qu'il faloit entretenir
les charges du ministère des charges que les prestres
supportent pour faire leurs offices, 18 ) et que
les bénéficiera se devroyent bien contenter s'ils
avoyent autant de revenu que s'ils arrentoyent
leurs benefices. Bref ie deliberay de faire un
voyage par ce pays, pour m'informer des revenus
et des charges des benefices de Beam et de
toutes les conditions, pour puis après aviser la
dessus aux moyens d'entretenir les ministres.
Quand ie Pentreprins plusieurs mesmes des ministres
s'en moquoyent, les autres pensoyent que ie
gasterois tout: et vouloyent qu'on ostast aux prostrés
leurs benefices, quelque danger qui en peut
survenir. Les testes de ce pays sont si chaudes et
si opiniâtres qu'il est bien difficile de leur arracher
une fantasie de la teste, et souvent ne considèrent
pas beaucoup aux dangers ausquels neantmoins ils
-ils ne sont pas tousiours bien constans. Cependant
ie persistay en ma deliberation contre l'avis de
presque tous. Et dieu merci i'ay trouve de telles
charges que les prestres sont contraincts de supporter
qu'elles montent a plus de ving mille livres
tous les ans. 19 ) Davantage il y a beaucoup de
choses qui se despendent en commun sans que pas
un particulier en aye proffit, qui montent beaucoup.
En après il y a plusieurs prestres qui aimeront
mieux quitter leurs benefices que de demourer 20 )
en ce pays pour faire profession de la religion,
desquels on pourra prendre les benefices. Il seroit
long d'esorire tous les advertissemens que i'en ay
eus. En somme i'ay trouve qu'on en pourra bien
retirer plus de trente mille livres toutes les années.
Et cependant ceux qui possèdent les benefices morront
et leurs benefices ne seront plus bailles a des
autres. Et par ainsi le revenu croistra tous les
iours. le couchay cela par les menus par escrit
et le presentay a la royne qui le trouva fort bon,
et tous ceux do son conseil, tellement qu'elle a
arreste de le suyvre. Les prestres ayant cecy entendu
en sont fort aises, et tous leurs parens, de
sorte que ie ne suis pas tenu d'eux de leurs plus
grands ennemis. Ceux qui n'avoyent pas auparavant
trouvé bonne mon entreprinse maintenant
la louent singulièrement, voyans que plusieurs sont
appaises qui estoyent preste d'esmouvoir sedition.
Il y avoit encores une autre grande difficulté,
c'est que quasi tous les gentilshommes ont droiot
de patronnât pour conférer les benefices et singulièrement
les cures. Ils estimoyent que cela leur
devoit estre rendu ou qu'ils devoyent élire et presenter
les ministres. le ne pouvois trouver bon
ny l'un ny l'autre. Car si on le leur eust rendu
les restes des revenus ecclésiastiques eussent esté
fort petits, et cela n'eust pas este raisonnable de
leur bailler l'élection ou presentation des ministres:
ie n'y voyois que brigues et confusion. Enfin ie
donnay conseil a la royne de faire estimer par
gens non suspects la quantiesme partie du benefioe
pourroit estre rendue aux seigneurs patrons, qui
valut autant que leur droict de patronat, et que
ceste partie la leur fust rendue, quand les benefices
vaqueroyent, et le reste fust appliqué à l'Eglise.
Ce conseil a este approuvé et a clos la bouohe à
ceux qui murmuroyent prests à faire des troubles,
le crain bien que si cela n'eust este ainsi fait que
vous auries maintenant de ces cartiers icy des piteuses
nouvelles, des troubles et seditions qui y
eussent esté esmues, desquelles nous ne sommes
pas encores.asseurés. Or cepandant qu'on difîeroit
d'assembler les estats, nous suppliâmes la royne
qu'en iceux elle notifiast les disputes, et que nous
estions prests de maintenir nostre doctrine par la
parole de Dieu contre tous contredisans, et la suppliâmes
que pour cest effaict elle invitast tous les
papistes à disputer contre nous: et mesmes nous
luy présentâmes la confession de foy des Eglises de
France pour servir de positions. • Mais les estats
nous furent si contraires qu'il n'y eust ordre de disputer,
ny mesme d'en parler. Car ce que i'avois
crainct d'iceux nous advint. Gar tant s'en faut
que la royne leur osast proposer l'affaire de la reformation,
scachant que plus des trois pars y eussent
esté contraires, que mesmes ils s'y opposèrent
sans qu'elle leur en parkst, et prindrent occasion
sur une defence qu'elle avoit faicte à ma requeste
de ne pourmener leur dieu de paste le iour de sa
feste, 21 ) et passarent plus outre, demandans que sa
maieste les entretint en la religion de leurs ancestres
selon la promesse que les princes de ce
pays en font. Le moyen d'enfraindre leur authorité
fust que nous persuadâmes a quelque peu de nombre
18) C'est ce gui fut fait au synode de Septembre [Bordenave
117).
21) Bordenave 117; Trois mois auparavant {donc en
19) 15000 d'après Bordenave.
Juin) S. M. avoit interdit les predications aux moines, et aux
20) Le Bulletin lui fait dire tout juste le contraire .- pour prestres les processions, principalement celle que l'Eglise ro­
demeurer.
maine fait le jour appelle du sacre.