GE Biblioth. pub. et univ - Archive ouverte UNIGE

89 1563 IUL. 90
Bi on n'usoit de quelque bonne practique. Cela
fut cause qu'après avoir longuement discouru en
mon entendement ie taschay de persuader a la
royne d'exécuter ce qui me sembloit estre nécessaire
de faire ayant qu'assembler ses estats. Premièrement
quant aux ecclésiastiques qu'elle taschast de les
gaigner, leur promettant qu'elle les laisseroit iouir
des revenus de leurs benefices et qu'elle leur feroit
des autres biens moyenant qu'ils s'accordassent
à la reformation de la religion. le luy remonstre
qu'il seroit aisé de le persuader à aucuns d'entre
eux qui sont entendeurs et que les desioignant
d'avec les autres leur authorité seroit du tout affoiblie,
singulièrement si ceux qu'elle auroit gaignés
declaireroyent ouvertement leur consentement à
la reformation. Quant aux gentilshommes il eust
esté bien difficile de les practiquer tous. Mais il
estoit aise de gaigner les principaux, ou par lettres
ou par gratieux propos, les envoyant quérir. Et
ceux qui se fussent monstres les plus fascheux,
quelle difficulté y avoit il de leur donner des commissions
en ce temps la hors du pays, ou les envoyant
à Monsr. le prince de Bearn ou es autres
pays de la royne? Et au pis aller, estans entre
eux divisés, ils n'eussent peu faire grand dommage :
comme remonstray à la royne pour luy persuader
de le faire. Quant aux Iurats i'entendis qu'il y
en avoit quelques uns morts, en l'office desquels
i'estois d'avis qu'on pourveust de fidèles: et quant
aux autres, qu'elle envoyast quelques uns qui les
guagnaçsent ou qui les menaçassent de leur faire
rendre conte de leur charge et de quelques petits
deniers qu'ils manient, scachant qu'il y en avoit
bien peu qui se fussent si bien conduits qui ne
craignissent de rendre conte. le taschay de persuader
cela à la royne, mais ce fut pour néant,
non pas qu'elle n'approuvast mon conseil, mais
c'estoit pource qu'en cest affaire il y avoit trop de
peine et qu'elle a esté peu exercée en affaires,
ayant este tousiours ou sous un père qui les conduysoit,
ou sous un mari qui les negligeoit: qui
est la seule chose que ie requières en elle. Voyant
cela ie tasche de persuader a quelques siens familiers
serviteurs de le luy conseiller: mais ce fut envain,
d'autant qu'un chacun craignoit de se mesler
de cest affaire et la plus grande partie en estoit
ennemie. De luy persuader de ne les tenir point,
il estoit impossible, d'autant qu'ils estoyent desia
assignés, et que c'est le seul moyen pour avoir argent
de ce pays. le fus donc contrainct d'en attendre
l'issue, n'en espérant pas d'avantage que ce
que i'en ay vu et craignant encores pis.
Depuis ce temps icy iusques à ce que les
estats furent assemblés plusieurs sepmaines se passèrent,
durant lesquelles ie donnay ordre que la
xoyne envoyast vers vous pour avoir des minis­
tres. 1S ) Car on me disoit qu'il seroit impossible
d'abbattre la papauté sans planter en sa place la
vraye religion: ce qui ne se pouvoit faire sans ministres.
Et croy bien que ceux qui mettoyent cecy
en la teste de la royne n'esperoyent pas que nous
en peussions trouver suffisamment. Voyla pourquoy
ie vous pries si affectueusement de nous en donner
un bon nombre, combien que vous ayes pensé que
i'en demandois plus que nous n'en avions de besoing,
afin que par ce moyen i'en obtinse d'avantage,
comme la lettre que Monsr. de Bese a escrite
au nom de vous tous le diet ouvertement. le confesse
que ie craignois bien de n'en obtenir pas
tant, ny mesmes autant que vous nous en aves de
vostre grace envoyé. Mais nous eussions eu besoing
d'en avoir plus que ie n'en demandois: qui
fut cause que ie priay le porteur d'y faire son devoir
, encores que ie ne requerois pas de luy qu'il
vous fust importun. Et mesmes craignant que
vous ne nous en envoyissies pas beaucoup et que
par ce moyen ie n'eusse de quoy respondre à ceux
qui disoyent qu'on ne devoit pas exterminer la papauté
sans y planter la vraye religion, ie me fis
décréter une commission pour visiter les églises et
autres lieux de ce pays, à fin que ie misse ordre
en quelques choses qu'on pöuvoit lors reformer, et
cependant que i'exhortasse ceux à qui dieu auroit
fait des graces de servir une Eglise, qu'ils se dédiassent
16 ) à y servir. Et mon voyage ne fut pas
du tout inutile. Pour le moins ie le fis valoir de
sorte qu'on ne me mit plus la disette de ministres
en avant pour retarder la reformation. Mais
on m'assailloit d'un autre costé, à savoir qu'il ne
faloit rien faire que premièrement on n'en eust
l'advis de Monsr. le prince 11 ) et de Monsr. l'Amiral:
ce qui ne se faisoit que pour retarder la reformation.
Quelques nouvelles de Monsr. le prince
vindrent, qui furent cause qu'on n'insta* guieres la
dessus. Mais quant a Monsr. Y Amiral, il en a
falu avoir la responce, laquelle, dieu merci, fait
pour nous entièrement.
Epuis i'entendis que les prestres et les gentilhommes
et autres parens et amis des prestres, estoyent
tous prests de se bander et esmouvoir sedition,
si on leur ostoit leurs benefices. D'autre
coste le peuple n'eust pas baille un denier pour
entretenir les ministres, et la royne n'en avoit pas
le moyen, veu mesme qu'estant chargée de debtes,
elle despend plus qu'elle ne reçoit. le scay bien
que plusieurs diront qu'il falloit contraindre les
prestres a quitter ou tout ou une partie de leurs
benefices. Mais s'ils eussent este icy et qu'ils eus-
15) N. 3961.
16) décidassent Bull.
17) Gondé.