GE Biblioth. pub. et univ - Archive ouverte UNIGE

83 EPISTOLA JE 3987—3988 84
s'il changeoit les dictes manières de faire et d'enseigner.
Estant donc rappelle ledict Cosme par les frères
pour luy notifier sa depposition pour les causes que
dessus, il ne contredist aucunement: ains accepta
le tout en apparence d'une humilité admirable à un
chacun, remerciant Dieu, que les moyens luy estoient
présentés de s'en aller, comme desia il l'avoit
désiré. En quoy il a assés monstre, qu'il disoit
contre sa pensée, comme on verra cy après.
Or comme la congregation estoit parachevée,
et que les frères se departoyent les uns ça, les autres
là, voicy Brevin qui, retournant, se présente a quelcnns
des frères, demandant au nom de Dieu quelque
tesmoignage, et ne fut, disoit-il, que pour servir
au S' en quelques escoles, puis qu'il n'estoit du
tout dégradé du Ministère. Ce que luy fut concédé
par celuy qui lors presidoit en mon absence, et
quelques autres avec luy, et non de toute la congrégation.
Et ceux, qui luy concedoyent ne pensoyent
à mal: mais estimoyent, que ledict Cosme
estoit prest à partir d'icy, et qu'il sen serviroit aux
fins susdicts. Si confessent^ qu'ils nont esté assés
prudens et advisez de luy donner un tel tesmoignage,
comme l'issue l'a monstre. Car ce menteur
et homme plein de feinctise, incontinent après avoir
eu entre mains ce tesmoignage, il se pense estre
bien armé et equippé de tout en tout: et s'en retire
tout coyement de Fenestrelles à Pinache 7 )
(lieu auquel il avoit premièrement esté Ministre en
venant de Geneve, et depuis on l'avoit mis a Penestrelles)
et là arrivé d'un front impudent ose
prescher de son authorité: et, qui pis est, a eu
l'audace de dégorger mesdisances et diffamations
contre la s. congregation de Dieu, qui l'avoit deposé,
abbayant de loin, comme un chien enragé,
qui séroit à l'estache: concil d'Herode: concil de
Caïphe : concil de Trente. Voilà comment ce diable,
qui sembloit jusques icy un Ange, non seulement
aetracte des hommes, mais blaspheme contre le s.
Esprit, lequel il ne peut douter qu'il ne preside aux
s. congregations.
J'ay oublié cy dessus un mot notable, c'est
que Cosme, ayant finement obtenu son tesmoignage,
devant que partir de Fenestrelles, quelcun des frères
encore mal advisé, estimant, Cosme s'en veut aller,
il veut prendre congé du peuple, luy permit de
faire un presche. Tellement que par ce presche il
embrasa et attisa de sorte les courages et volontez
dû populaire, que le presche fini les uns se bandèrent
contre les autres : les uns le voulans, les autres
non : de sorte qu'il s'en sont ensuyvis tels tumultes,
divisions et desordres qu'il a esté danger de grands
esclandres, meurtres et effusion de sang. Dieu soit
7) Pinace sur le Cluson près de la Perosa.
bénit, qui par sa providence a conduit le tout
autrement.
Mais retournons à propos, lediot 2?revi'n faisant
ainsi des siennes à Pinache, comme diet est, en
une congregation apres, nous avons censuré le Ministre
du diet Pinache, nommé M. Henry, 8 ) de ce
qu'il avoit permis prescher l'homme, et ne s'y estoit
opposé : veu que ledict Henry n'ignoroit ce qu'on
avoit faict à Fenestrelles. Et avec ce avons enioinct
audict M. Henry, qu'estant retourné en son
Eglise, il defendist la chaire audict Cosme, et au
peuple de luy donner audience : disans que l'Eglise,
qui avoit déposé Brevin, o'estoit à elle de le réintégrer
et non à luy-mesmes. Ce que ledict M. Henry
fist: mais à son inhibition Cosme s'opposa: protestant
que si le peuple le vouloit escouter, qu'il poursuyvroit
à prescher.
Nous deuement advertis de ces choses, avons
adressé lettres tant aux Eglises que Pasteurs, pour
s'opposer à cest homme: et ne luy prester l'aureille
aucunement, lesquelles lettres nous vous envoyons
pour estre icy plus briefs: et vous informer mieux
de la vérité. Lesquelles lettres commencent ainsi.
Aux Eglises etc.
Or ledict Cosme, ayant bien entendu la teneur
desdictes lettres, et ayant gaigné les cueurs du
peuple, voire du Ministre M. Henry, poursuit à
prescher: et le peuple a l'escouter, voire M. Henry
mesmes. Quoy bien entendu nous a semblé bon
d'envoyer à Pinache deux frères Ministres, avec
charge d'esteindre par sainctes remonstrances ce
feu : à quoy faire aussi leur avons baillé lettres : les
unes escrites de ma main, commençant, Grace et
paix etc., les autres plus longues escrites par M.
Fr. Guarvn. 9 ) Les frères s'en sont allez pour exploiter
leur commission: mais combien peu ils ont
avancé, soit envers le peuple, soit envers M. Henry,
ou Cosme, les lettres que nous ont rescrit lesdicts
deux frères, contenues en l'autre page de mes dernières
lettres, en font foy, comme il vous plaira
voir: afin de mieux voir l'impudence et irreverence,
avec lesquelles Cosme s'est rué contre les deux bons
serviteurs de Dieu, voire contre toute la congregation
etc.
Et afin de vous donner pleine mesure, Mess et
frères, voire pères en nostre S r , nous dirons un mot
des gestes et contenances de ce badin. C'est qu'on
l'a veu en preschant tournoyer en chaire 3 fois de
suyte, comme une roue de moulin. Aussi prendre
8) Personnage inconnu.
9) Arnaud H. 399: François Guérin pasteur àMontélimart
en 1568, puis dans le Yal Cluson, et avant ou après
(cette dernière supposition est erronée d'après la présente lettre}
à St. Germain, Framol et Saluées en Piémont. (Muston
Israël des Alpes lu. 383.) Il mourut en 1609.