GE Biblioth. pub. et univ - Archive ouverte UNIGE

81 1563 ItJL. 82
de cest homme: et plusieurs retournez du presche
à leurs maisons, se souvenoyent mieux de ces plaisanteries
(comme l'homme est plus enclin au mal
qu'au bien) que de quelque bon propos: et prenoyent
de là matière de rire : brocardant l'un contre l'autre
à l'exemple et imitation de leur pasteur. A ceste
cause ledict Brevin en une congregation tenue au
Pral, 4 ) a esté soigneusement adverti par M.
Estienne Nod, 6 ') en la presence de ses frères, qu'il
changeast telles manières de faire: et, pour mieux
esprouver le tout, on advisa qu'on luy feroit faire
en l'assemblée des frères les prières, qu'on a accoustumé
de faire soir et matin. Quoy faisant, on
apperceut, que tant s'en faut qu'il se fut amande
pour noz sainctes admonitions : que mesmes les plus
sévères en l'oyant ne sçavoyent s'ils devoyent
plourer ou rire. D'ont après on l'exhorta par
deux fois en ladicte congregation. Or après cela
nous a esté souvent rapporté, que tant s'en faut
que ledict Brevin laissast de continuer, comme il
avoit commencé : que mesme il alloitde mal en pis:
tellement, qu'il brocardoit et blasonnoit les Bois et
princes. Exemple, quand en ses presches ou prières
il faisoit mention du Roy Francois 2 de ce
nom, il le nommoit Francois cucuc: Philippe Roy
d'Espagne il nommoit Philippin coquin: et parlant
de Philibert, prince de Piémont, il disoit Philibert
qui file. Semblablement il detordoit le nom d'aucuns
S comme pour dire BourdiUon, il n'avoit
honte de dire brouillon merdillon, s'il eust voulu
dire Moribrun, il iargonnoit monvert, monbrun,
monrouge. Plusieurs gentils-hommes, passans par
Fenestrelles, l'alloyent ouir, lesquels il appelloit
couchons blancs, pour raison de leurs cappes, ou
feautres blancs, qu'ils portoyent pour la pluye.
Entre autres, deux de la compagnie de Mons r de
Tarrides se sentans lardez en ceste manière, sortirent
du temple, et ayans rencontré un autre des
Ministres luy dirent: N'estoit la reverence que nous
portons a la parole de Dieu, nous luy eussions
donné un coup de dague.
Veuës ces choses, les frères Ministres du valcluson
6 ) ont esté envoyez audict Brevin, pour luy
remonstrer toutes ces choses: et luy faire les reprehensions
et exhortations convenables au nom de
tous: mais il a mesprisé tous advertissemens: tant
que, poursuyvant à brocarder, a mordu non seulement
les forains, mais principalement ceux de sa
paroisse.
4) Probablement Villa de Pràli, communauté vaudoise
au fond de la vallée de S. Martina au pied du mont Viso.
5) Pasteur à Angrogne et depuis 1562 à Grenoble. (Arnaud
II. 415.)
6) La vallée de Pignerol en remontant vers Fénestrelle
est arrosée par le Cluson.
Calvini opera. Vol. XX.
Et, qui plus est, en a excommunié plusieurs,,
voire les nommant, et publiant par nom et surnom
en pleine assemblée, estant sur chaire, et ce pour
causes legeres: comme, d'avoir beu à la taverne
une pinte de vin entre quatre, lesquels aussi n'estoyent
coustumiers d'y aller, ny s'enyvrer. Item,
les Syndiques pour lors dudict lieu, n'ayans voulu
mettre une clef au four commun, furent excommuniez:
pour laquelle excommunication il refusa le
Baptesme à l'enfant de l'un diceux combien qu'il
le fist plusieurs fois offrir par autres non excommuniez.
Et est à noter que cest homme estant en
chaire, et brocardant icelluy syndique, disoit en
ceste manière: Robin robinet, nourri bien ton cayet,
afin qu'il soit gras a carlever: entendant parler du
fils de ce Syndique, qui estoit à baptiser, lequel fils
il nommoit cayet, c'est a dire porceau. Et cecy
luy ayant esté maintenu en face à la congregation,
le iour qu'il fut débouté de son Ministère, n'a peu
contredire un seul mot. Et de peur d'abuser du
temps en recitant plusieurs autres semblables choses
sorties d'une mesme boutique, de peur aussi d'offenser
vos aureilles, nous nous déportons de raconter
le reste.
Or le 3 iour de Février 1563 ou environ nostre
congregation generale estant à Fenestrelles, se présenta
le Ghastelain dudict lieu au nom de la plus
part du peuple, faisant complainte, comment ils estoient
divisez en leur parroisse à cause des procedures
dudict Brevin contre eux. D'avantage il alleguoit
qu'il se presentoit afin de nous remonstrer
les brocards susdicts contre le Roy, S rs et autres
pour lesquels il ne pouvoit de moins (comme Chastelain
et Officier de sa Majesté) que de nous en
advertir: requérant que par nostre moyen il y fut
prouvou: ou autrement que, pour sa descharge, il
auroit recours à sa Majesté : ne pouvant porter l'iniure
de son prince, le nommant Francois cucuc,
comme dessus. Gomme donc nous examinions tout
cecy, se presentoient à nous de plus en plus amples
informations contre ledict Cosme. A cause de quoy,
ouyës les voix de tous, il fut déposé dudict lieu et
classe: veu aussi que tout le païs estoit desia abbreuvé
de toutes ces choses, ausquelles a esté par
trop supporté long temps: d'une part pour ce qu'il
avoit tant de bons tesmoignages d'excellens personnages,
comme dit a esté: qu'il s'estoit vaillamment
porté, et d'un droit pied par le passé en l'Evangile
de Christ: d'autre part, hors-mis ce que diet a esté,
il estoit bien estimé entre nous, ayant quelque literature,
preschant purement un seul Jesus Christ,
sobre, chaste, aumosnier, et au reste irrépréhensible
en ce qu'on a peu voir. Or, pour l'indigence
d'ouvriers, nous n'avons pensé le dégrader du
tout du Ministère, esperans que le S r en ceste
grande et extreme nécessité s'en serviroit ailleurs,
6