GE Biblioth. pub. et univ - Archive ouverte UNIGE

39 EPISTOLAE 3977—3979 60
(Copies Bibl. de Genève Vol. 107, fol. 161; Vol. 115a, fol. 11;
Berne F. p. 53 ; Bonnet II. 522.)
Monsieur, vostre lettre et le récit que ma
faict le porteur de vostre estât, mont donne ample
matière de me resioyr et de glorifier Dieu du
changement quil a faict en vous, quant par sa volonté
infinie, il vous a recueilly en son troupeau,
duquel vous aviez esté tant eslongné iuBques icy.
En cela voions nous comme il a crée une fois le
monde de rien, aussy quant il luy plaist de nous
réduire a soy, cest comme sil formoit des creatures
nouvelles. Mesmes il desploie sa vertu doublement,
domptant la rebellion par laquelle nous résistons a
sa grace, en tant quen nous est. Comme il vous
a renge a lobeyssance de sa vérité de laquelle estiez
ennemy, afin que vous congnoissant estre sien
en deux sortes, vous soiez tant plus incité a vous
adonner du tout à luy, comme vous y estes oblige.
Et voila pourquoy par la bouche de son prophète
Isaie, il magnifie sa miséricorde, disant quil a este
trouve de ceulx qui ne le cherchoient pas, et quil
sest declere à ceulx qui ne s'enqueroient point de
luy, et a diet : Me voicy, à ceulx qui ne l'avoient
point congnu. Puis donc qu'il vous a retiré dun si
profond abisme où vous estiez plongé, il reste,
Monsieur, non seulement que vous luy faciez honneur
et hommage dun tel bien, mais aussy que
vous mectiez paine a vous acquicter de voz arrérages,
vous emploiant dun zèle tant plus ardent à
poursuyvre la course laquelle vous avez commencé
bien tard. Si des nostre enfance nous avions bataillié
vertueusement et faict merveilles, sainot
Paul diet quil ne nous fauldroit point regarder à
tout le passé de peur destre refroidis ou retardez
à lad venir. Mais quant nous avons esté longtemps
inutilles, et mesmes que nous avons contrarié à la
saincte volunté de Dieu, la memoire de noz faultes
passées nous doibvent* solliciter à nous efforcer
tant plus. Et ie vois, Monsieur, que Dieu a besongné
en vous, non seulement pour vous faire recevoir
la doctrine de salut, mais aussy vous donne
couraigé de procurer que voz subieetz vous ensuyvent
et vous tiennent compaignie à servir celuy
auquel appartient tout empire souverain du ciel et
de la terre. En quoy ie vous ayderay le mieulx
quil me sera possible, comme aussy tous mes frères
et compaignons, et ny a celuy qui ne desire semploier
à vous faire service. Nous regarderons donc quel
moien il y aura dadresser gens suffisans et propres
a enseigner, afin que Iesuschrist domine paisiblement
où il vous a donné supériorité. Seulement,
Monsieur, prenez couraigé a persévérer, comme
vous avez bien commencé, et comme Dieu vous a
eslevé en degré dhonneur, que vous soiez en exemple
a tous.
Sur quoy, Monsieur, après m'estre humblement
recommandé à vostre bonne grace, je supplieray
nostre bon Dieu, vous tenir en sa garde, vous fortiffier
de sa vertu et acroistre en tout bien et
prospérité. De Genève, ce 8 m