GE Biblioth. pub. et univ - Archive ouverte UNIGE

41 1563 IUN. 42
ceps Wirtembergensis libellos 2 ) spargat per Galliam
et turbas atque contentiones excitet. Sedulus est
ille princeps et modis omnibus Lutheri doctrinam de
coena Domini, hoc est, Confessionem Augustanam
cum Apologia omnibus obtrudere satagit. Bonus
est alioqui princeps, sed hac in re mire festinans. 3 )
Exortae sunt nunc turbae in Saxonia propter Catechismum
Palatini, *) his quidem eum approbantibus,
illis eundem abominantibus. Dicunt hi principem
factum esse Zwinglicum et Oalvinicum. Scis
Sulcerum subscripsisse Argentinae in causa Zanchi
Augustanae Confessioni et Apologiae. s ) Scis Ebenem
6 ) contra nostram doctrinam scripsisse librum
de coena, in qiio absurda sunt plurima. In germanico
exemplo habet nomen Calvini quod coniungit
cum Zwinglii palam, sed in latino non posuit.
Legatus regis Galliae 7 ) multa mecum contenait
de foedere pangendo cum rege, idque tuo iussu,
qui colloquutus sis cum eo Basileae ea de re. Ego
finxisse ilium omnia arbitror. Neque enim illi fidendum
esse audio.
Librum Ochini 9 ) non legi, nee vacaret legere.
Minime autem puto ilium facere cum Servetanis,
Grybaldistis et Blandratistis, quos palam exsecratur.
Et Thretio in Poloniam profecturo affirmavit
sancte se abominari Italos in Polonia contra adorandam
trinitatem disputantes. Promisit etiam illi
se daturum literas contra istos nebulones. Ac dedit,
ni fallor. Ergo si firmas rationes diluit infirmioribus
inscitiae magis et senio deliro quam malitiae
tribuo. Superioribus diebus ex casu gravi mortua
est eius uxor, relictis illi liberis etc. Admodum est
miser. 9 ) Puto ipsum afflictissimum aliis non diu
supervicturum.
De caeteris scripsi ad D. Calvinum et Ionvilleum.
Te oro ut pergas sedulo ad nos de rebus
Galliae scribere. Vale et nos ama. 12 Iunii 1563.
Non relegi.
Bullingerus tuus.
2) Brentii Catechismum gallice versum (N. 4009).
3) vox dubia.
4) Cf. Sudhoff, Olevian. p. 140.
5) N. 3919. 3956 seq. et infra saepius.
6) N. 3956.
7) N. 3950.
8) Dialogi XXX. in duos libros divisi. Basil. 1563.
Propter hune librum a Turicensibus solum vertere iussus est.
(JRuehat VI. 566; Meyer, Locarno II. 168; Benrath, Ochin.
299.) 9) Uxor Ochini per scalae gradua cecidit. Ipse agebat
annum sextum supra septüagesimum. Liberi ei erant quatuor
aetatis nequaquam provectae. (Meyer 171, not.)
3968.
BULLINGERUS CAL VINO.
JRespondet ad varia argumenta nujperae epistolae.
Metuit ne Lutheranismus per Sulzerum Basiliensibus
dbtrudatur.
(Ex autographo Arch. Turic. Plut. VI. Vol. 117>>, olim Serin.
0. Bpp. Tom. II. fol. 514. - Simler. Vol. 107.)
Olarissimo viro D. Ioanni Calvino Genevensis
ecclesiae fidelissimo pastori domino meo honorando
et fratri carissimo.
Genff.
S. D. Nihil omnino vel tuarum vel Bezae literarum
periit. Nam redditae sunt mihi binae tuae
literae priores 3. Iunii, posteriores 6. eiusdem mensis
scriptae. *) Video autem quanti me facias, qui
morbo oppressus nihilo minus vel ex lecto pergas
ad me dare literas. Unde et maximas tuae humanitati
gratias ago et Dominum oro ut te nobis restituât
et ecclesiae suae diu incolumem servet. Minime
suadeo ut nunc quidquam suscipias laboris,
sed hortor ut quietum te serves melioribus. Sat
alias et plus nimium exerceris morbo. Non est
quod nunc tantillum cogites de confutandis Blandratae
impiis discipulis. Exspectemus potius et videamus
quomodo isti admonitionem tuam 2 ) velint
excipere. Res atque tempus opportune quid facto
opus sit suggèrent. Atque utinam tu interim convalescas.
Verissima sunt quae tu scribis de Tertulliano
et Hilario. Ab huius lectione abhorrui semper. Ilium
non illibenter legi quod brevibus multa dicat et
argumentis densa et nervosa sit eius oratio, licet
dura et scabra.
Exemplum epistolae ad Tretium per Sarnicium
scriptae 3 ) exhibebit tuae humanitati noster ille
Ionvilleus. Non sine ingenti gaudio legi sereniesimam
Navarrae reginam petivisse a vobis ministros.
4 ) Faxit Christus ut multo cum fructu suo
fungantur munere, et Gallia afflictissima pacata
tandem cervicem Christo servatori submittat. Bene
monuisti ne credamus quae nonnulli spargant de
Principe. 5 ) Sunt qui iactant ipsum in aula quidem
esse, sed contemptum et privatum, et adeo gubernatorem
primum non esse ut ne quidem sit in nu-
3968.1) Imo prior nobis periit, posterior ilia est quam Beza
sine nomine Bullingeri edidit.
2) N. 3914. 3956.
3) N. 3938.
4) 2V. 3961.
5) Condaeo. Carolus IX. a. d. V- Gal. lui. absoluta
anno aet. 14 sui iuris declaratus est.