GE Biblioth. pub. et univ - Archive ouverte UNIGE

35 EPISTOLAE 3961-3964 36
le mal ne mait point lasché, il a commencé de s'adoulcir,
qui me faict espérer plus grant allégement.
En brief, mon frère Monsieur de Beze ce pendant
avec la Compaignie ont suppléé à mon deflault.
Messieurs aussi de ceste ville aiant entendu de par
moy les remercimens 2 ) que vous leur faisiez, nous ont
priez et exhortez de faire le mieulx quil seroit possible.
3 ) En la fin on vous a trouvé une douzaine
d'hommes. S'ilz ne sont exquis a souhaist, ie vous
prie, Madame, d'avoir patience, car cest une marchandise
quon ne recouvre pas comme il seroit à
désirer. Tant y a que mes compaignons espèrent
quilz seront moiennement propres et suffisans pour
instruire le peuple à vostre contentement. Il reste,
Madame, de les mectre en oeuvre et de leur tenir
la main forte, comme vostre authorité sera bien
requise à les armer et munir contre beaucoup de
combatz qui leur seront dressez. Pour ce faire vous
estes bien advertie, Madame, quil vous fault armer
et munir de vertu et constance den hault, pour ne
point fleschir que vous poursuyviez iusques a la
fin vostre saincte entreprinse. Quant vous aurez
estably quelque ordre, 4 ) qui sera bien tost, comme
iespere, ie vous supplie treshumblement de rènvoier
5 ) nostre frère Merlin, 8 ) duquel labsence nous
est ung peu fascheuse à cause du petit nombre que
nous sommes.
Au reste, Madame, touchant la somme dont ie
vous ay faict tenir propos, Voicy comme il en va.
2) recommandations Bt.
3) Beg. du G. 4 juin: Calyin présente une lettre de la
reine de N. qui remercie Messieurs des plaisirs qu'elle a receus
d'eux, les priant de tenir main à ce qu'elle puisse avoir ministres
pour son pays. — De Bordenave, Hist, de Béarn et
N. par P. Raymond, p. 116: Elle fit venir Remon Merlin,
ministre de Geneve et plusieurs autres savans personnages, la
plus part de langue gasconne et bearnoise, pour prescher an
peuple en son langage, lesquels ayans esté canoniquement esleuz
furent envoyez aux lieux où il y avoit plus de gens faisans
profession de la religion reformée. Jean de la Rive fut
envoyé à S. Palais pour y prescher en langue basque, et Jean
de Leiçarrague, ministre de la Bastide traduisit le N. T. en
ceste langue. Le 12. Nov. 1573 le conseil ecclésiastique de
Beam lui accorda 50 escus soleil pour le faire imprimer à La
Rochelle.
4) Bordenave p. 117: En nn synode tenu à Pau en
Sept. 1563 fut dressé un cors de discipline eccl. pour entretenir
à l'avenir tout le ministère de l'Evangile en bon ordre,
et remettre sus la legitime vocation des pasteurs, diacres et
anciens, et le droit usage de l'administration des clefs du
royaume des cienx. Et pour l'entretenement du ministère et
du college dressé en la ville de Lesca (Lescar) elle imposa
15000 livres sur le clergé, desquelles Ant. de la Rose fut esleu
receveur par le synode en titre de diacre général. — (La
discipline eccl. du pays de Béarn publiée pour la première
fois par Ch. Prossard. P. 1876.)
5) remercier Bt.
6) II ne retourna que l'année suivante à Genève. La
Beine demanda la prolongation de son congé. {Beg. du Conseil
16. Août.)
Le feu Roy vostre mary, estant pour lors de bonne
affection et se voiant en grandes perplexités, demanda
s'il pourroit estre secouru de quelques deniers.
Je fis tant quon luy promit de ceste ville
iusques à quarante mil frans. Devant quon les
peust fournir il envoia à Lion Monsieur de Malligny,
auiourdhuy vidame de Chartres, auquel il ordonna
bailler vingt cinq mil frans pour certains frais qu'il
debvoit faire, dont je luy en fis despescher dix mil
a sa requeste. Quant c'est venu a paier, ie ne sçavois
de quel costé me tourner, car iamais ie n'ay esté
homme de finances, et ie vous puis asseurer, Madame,
que de si peu que iavois qui estoit quasi
rien, ie m'estois espuisé iusques à la monnoie dont
il me falloit acheter ma provision chacun iour.
Mais Dieu mercy, en la fin la contribution se fist
dont le feu Roy vostre mary n'estant point encores
diverty, promect à Monsieur de Beze de satisfaire,
comme il vous pourra testiffier. Parquoy ce que
j'en parle n'est point pour estre remboursé dun denier
de ce que ie y ay mis du mien, mais pour
macquicter envers les amys qui mont aydé en ce
besoing, et comme racheter mon honneur. Madame,
ie ne vouldroie point importuner vostre Maiesté en
façon que ce soit, mais il m'a semblé que pour le
moins vous ne trouveriez point mauvais destre informée
de la vérité du faict pour y pourveoir selon
vostre humanité, et'comme vous verrez estre raisonnable.
Madame, après avoir présenté mes très humbles
graces a vostre Majesté, ie supplieray le père
celeste vous tenir tousiours en sa protection, vous
enrichir des dons de son esprit, et vous accroistre
en tout bien et prospérité. De Geneve, le premier
de juing 1563.
3962.
IONVILLAEUS BULLINGERO.
Calvini morbus ingravescere videtv/r.
(Ex autographo Aroh. Tnric. Plut. VI. "Vol. 166, olim Epp.
Tom. 24, fol. 280. - Simler. Vol. 107.)
Olarissimo viro D. Henrico Bullingero ecclesiae
Tigurinae fido pastori ac mihi plurimum observando.
Tiguri.
S. Haec pauca festinanter, vir clarissime, addere
volui, ut intelligas doloribus colicis ac nephre-