GE Biblioth. pub. et univ - Archive ouverte UNIGE

505 SÜPPLEMENTÜM. 506
par sa bonté infinie, veu qu'il ne trouve en nons
que paovreté et misère, qui seroit pour l'induire
plus tost a nous reiecter qu'a nous acoepter, si non
qu'il print occasion de nostre malheureté d'exercer
envers nous sa miséricorde. Parquoy, mes frères,
quil vous souvienne que tout ainsi que du
commencement le seigneur Jesus a esté gratuitement
promis du père celeste a noz pères, c'est a
dire aux premiers patriarches et a tout le peuple
disrael, sans qu'ilz eussent rien de leur costé pour
estre dignes de recevoir un tel bien, tout ainsi pareillement
qu'il a este expose a la mort par la pure
miséricorde du père pour la redemption de ceulx
qui estaient ses ennemis, que aussi maintenant il
vous a este présente en salut par une mesme grace.
Car nous expérimentons tous ensemble comme
Dieu vérifie en nous ce qu'il a diet par son prophète
Esale, assavoir qu'il s'est monstre a ceulx
qui 2 ) ne le cherchoient pas et est apparu a ceulx
qui ne senqueroient point de luy. Nous estions,
dis ie, errans a travers champs, comme paovres
brebis esgarees, et ce bon pasteur Jesusohrist par
lordonnance de dieu son père nous est venu chercher
pour nous amener en son troppeau. Quil vous souvienne
doncq, comme iay diet, de quel abysme vous
estes sortis pour entrer au royaulme de Dieu, de
quelles ténèbres dieu vous a retiré pour vous rendre
en sa lumière 3 ) de quelle mort il vous a resussité
pour vous appeler à l'espérance de vie. Cognoysses
semblablement que c'est de sa pure bonté 4 ) que
maintenant il vous faict persister en sa saincte
parole. Car quelle est nostre fragilité, sinon qu'il
nous soustienne par sa vertu. Or ceste remonstrance
vous doibt servir a double fin, c'est qu'en
crainte et humilité vous aprenies en vous defiant
de vous mesmes mettre entièrement vostre appuy
et confort en luy. Veillez en prières et oraisons
estre 5 ) tousiours au guet pour résister au diable,
vous armer et munir de la vertu de celuy lequel
seul vous peult donner victoire. Secondement
qu'elle vous incite et enflambe a aymer ce bon
Dieu d'un amour dautant plus ardent que le sien
qu'il vous a monstre est non seulement grant,
mays inestimable, afin de ne vous rendre indignes
de ses benefices par vostre ingratitude. Car c'est
bien raison que nous respondions a sa vocation, ou
autrement quil nous laisse là et nous reiecte pour
se venger du mespris et contemnement de sa grace.
Advisez doncq, mes frères, de cheminer en sorte
que voz parolles et voz oeuvres rendent tesmoignage
que vous estes enfans de Dieu.
2) qui ne le cherchoient pas et eet apparu à ceulx
om. Bt.
3) pour vous rendre en sa lumière om. Bt.
4) volonté Bt.
5) estans Bt.
Je scay quant à la confession de vostre Chrestienté,
en quelle captivité vous estes, Et ne suis
pas tant inhumain que en considérant les dangers,
ie ne supporte vostre infirmité en ce que vous ne
declares pas à bouche ouverte devant tout le monde
ce que dieu vous a donné à cognoistre de son
évangile. Toutesfois il n'y a dangier qui vous excuse
que chascun de vous selon la grace quil a receue
ne soit tenu d'édifier son prochain, en tant
quil en a le moien et occasion. le dis en doctrine.
Toutesfoys advisés de faire cela prudemment, en
discernant quant il sera meatier de parler et combien,
moyennant que vostre prudence ne soit pas
charnelle ne mondaine pour vous conseiller de
plus tost esteindre la lumière que de vous exposer
en aucun danger pour l'honneur de Dieu et le salut
de vos paovres frères errans. Car voyla ce que
aulcuns appellent prudence, d'ensepvelir Jesuschrist
de paour d'encourir la haine du monde. Mays
pource que cest une trop grande perversité de nous
tant regarder que nous préférions ou mesmes comparons
nostre seureté au devoir que nous avons a
nostre père celeste, pries le, mes frères, qu'il vous
donne esprit de discretion pour vous faire droictement
iuger le temps de parler et le temps de vous
taire. Sur tout que ce ne soit pas par manière de
curiosité 6 ) ne par ambition, ne par légèreté, mais
avec une gravité meure et par une droicte affection
de profiter. Et pour tant eslises comme le plus expedient
ce qui sera le plus propre a édifier. Que
s'il en advenoit quelque fâcherie ou persecution,
advises de bonne heure a vous armer et fortifier, afin
que lors vous soyez tant mieulx préparez pour résister
a toutes les tentations qu'on vous pourroit
faire pour vous rompre le coeur.
le 7 ) ne scay pas en quel estât vous en estes
maintenant, et mesmes nous sommes en grande
perplexité et solicitude, attendant nouvelles de lissue
que nostre bon Dieu aura donnée a la persecution
qui a esté esmeue par delà. Mais comme ce bon
Dieu a promis dassister aux siens tousiours, et l'a
bien monstre par experience en tous ceux qui l'ont
invocqué, ne doubtez point qu'il ne soit près de
vous pour vous ayder et empescher la raige de voz
ennemis, a ce qu'ilz ne puissent faire ce quilz vouldroient
bien. Neantmoins encor que ce fust sa voulonté
de leur permettre la puissance de vous mal
traicter pour esprouver vostre patience, si ne fauldroit
il pas pourtant fleschir ne reculer, car il nous
doibt bien suffire que le seigneur nous console par
sa bonté au milieu des tribulations. Âdvises doncq
de vous exercer en tant de belles remonstrances
6) nécessité Bt.
7) Autographe de Calvin jusqu'aux: mots: ue doubtez
point qu'il ne, incl.