GE Biblioth. pub. et univ - Archive ouverte UNIGE

443 EPISTOIiAE 4179—4179 bis 444
Item jnn dem vffrur machttend die vffrurer
ein grosses gschrey wider den Sindiquen vnd
wachtherren, sy als Verräter verletzende damitt sy
den gmeynen man anreytztend, man söltte ouch
jnn der Burgern vnd jnwonern husern vallen sy
zeersuchen dann jn jren bethern warend vyl harnisch
vnd waaffen verborgen, wöllichs wol anzeyget
das sy zeplundern mut hatten.
Als dann jren einer vorlangist zu sinem brader
gesagt hatt sy wurden alle in kurtzer zyt mitt disen
Frömbdlingen rych gemacht werdenn.
"Vnnd vber das diewyl wir jnn vnserm Bhat
diser sach halb zeberatschlagenn versamlet warend,
ward da yferlich vor vnnserm Rhathuss mit hoher
Stym geschruwen mann müsste alle dise Frantzosen
vnnd darzu alle jre gunner vnd liebhaber gan
vmbbringen vnd henckhen.
Es mag bieby gesehen werden wie schandtlioh
dise vervrtheyltte hannd vor einer so Lobliehen
Eherlichen versamlung getörffen sagen das in eines
vnnsers Mittrhats huss ein grosse zal bewapneter
Frantzosen was, so doch durch Gutten khundschafften
das nitt ein einiger mentsch darin gesähen
bewert ist. Daruff aber das sy sagend die khundtschäfften
sygind durch' die Sindiquen jres eignen
vermessens geuasset, Erschyndt durch vnnser Register
vnnd darzu so ist es wolbekhandt das söllichs
geschach vss eigentlicher Rhatsordnung, damitt
alles den zweyhundert fürgebracht würde. Beträffend
jr Sag das jre Partyen vnd vyend sind zu der
khundtschafft angenommen worden, so sy die wachtherren
die do angegryffen worden sind jre widerwertigen
zesyn benampsen, wenn soll man drumb
verhören, dan die so darby warend vnnd angryffen
sind worden darzu so sindts dozmal gsyn als
gmeyne Personen die vnser beuelch vssrichttetend :
so sy jre vyend alle die die wider sy der warheyt
gezuget schätzen wollend, habenn wir doch souil
vnns antrifft fromklich darin gehandlet vnnd der
warheyt wol geuasset zewerden byss jnn die hundert
Zügen verhört.
Diss alles ist wol vnd gnugsamlioh bewert
vnd durch die vbelthäter die wir rechtlich zum
thod verdampt on widerred erhaltten. Sy hattend
wol ettlioh ander stuck die sy letstlich widerrufft
verhiehen. Als die zwey Brüdern die vnnsere
wechtter angryffend sagtend dasselbig zethund wäre
jnen eigentlich gebotten damitt sy die so vss jren
husern gan wiirdind zethod schlugind. Item das
gemelte Petrin vnd Wandel sagtend Es wäre die
Stund jrer räch wider jren vyenden vnder wöllichen
sy ein theyl vnnser Sindiquen vnd Rhäten,
Ouch vnnsern wolgeliepten Christi dienern Galuinum
benampseten, Hand darzu gnugsam bezuget
das sy nitt als Verräter sturbind noch vtzit wider
die Statt furgnommen hettind. Darzwüschen aber
habend sy wie jnn jren obgesetzten bekhandtnussen
begryffen ist beharret. Darnäbend so hatten
sy vber ein monatt jnn dem das sy jnn jrem thod
hand wollen widerruffen bestanden.
Daruff aber vnsere verbunstigenn vnns an
dem als hetten wir die vbelthätern vbermossen geuolteret
zeuerletzen vnnderstond, mögen wir Jr. g.
wol sprechen das aller deren die wir mitt dem
thod Richtten lassenn Eben zwey vnnd doch nitt
strenglioh (vff die sag der zugen) geuolteret worden
synd, die zwey andren der gychttung allein
angebunden wordenn, dermossen dass jnn söllichen
vffrurischen abtrünnigen lästern zimlioher vnd
duldtmutiger zehandlen vnmöglich was. Ynnd wiewol
vyl daran schuldig haben wir doch vier allein
zum thod geschickt , also das ouch die die do geschruwen
hatten man soltte vnser Rhathuss anfallen
vnd angryffen, so gutlich das sy nitt allein
mitt rutenn geschlagen ghalten worden sind.
Was aber die so sich vss vnser Statt fluchttig
gemacht antrifft, haben wir gegen jnen rechtliche
handlung gehaltten, sy als dann vnserer Statt alter
Bruch ist mitt der Pusaunen gerafft, vnnd geburliohe
zyl vnd Dagen angesetzt mitt gnugsamen
Ladungen, vor vnns zeerschynen, da verhört vnnd
sich der vffgeclagten lästern zeuersprechen, vnd
mitt dem rechtten zereynigen, Do aber an Statt
der Erschynung, jre Schuld zemeeren sy nuwe
stuck begiengend, Byss dahar das sy vnnser Statt
Ringmuren ein nechstkhunfftige Zerstörung dermossen
khein Stein vff den andern plyben wurde
getruwtend, haben wir sy jren myssthaten nach
ettliche zum thod, die andere vss Statt vnd Piet
ewigklich, anndere by angesetzter zyt verdampt,
jnmossen sy vns nüt anders dann das sy durch
jre vyeDd verdampt worden verwyssen khönnen,
wiewol wir jnen nie khein vnreoht gethon, sonnders
schetzend vns als widerwertigen darumb das
wir jre lästern nitt hand mögen vngestrafft lassenn.
Do sy aber sagend das sy nitt hand mögen
jm rechten verhört werden, vermögen wir syn nüt,
dann gar spötlich wäre gsyn wider sy zehandlen
vnnd das demnach sy mitt jrem sichern gleyt (als
sy dasselbig begert) hettind mögen der straff entwyohen,
vnd dem rechtten nitt Stat gäben, wöllichs
ouch nye gesähen worden das ein Oberkheyt vnd
Regiment jren vnderthanen, so ettwas lästern angeclagt
vnnd fluchttig synd, solliohe Fryheyt gäbe.
Es soll ouch nitt seltzam gefunden werden, so wir
solliche Begär Einer Löblichen Statt Bern Ersamen
Standtpotten nitt hand mögen bewilligen dann es
zu Nachtey* vnd abbrach vnserer grechttigkheyt,
altter vnnbedencklicher gwonheyt vnnd brach vnn-
' serer Statt hette gelangett, das die so beziget wärend
nitt mochttend gestrafft werden.
Sy nemmend ouch ein falschen schyn spre-