GE Biblioth. pub. et univ - Archive ouverte UNIGE

439 EPISTOLA 4179 440
ten die Sach nitt jrem willen nach sonders änderst
geuallen, das sy sich öffentlich erhubend, die so
jnen vnangenommen mitt red ,vnd that Öffentlich
an der gassen Ouch jn ynserui Rhat schmächlich
angryffende, Glych als wölttend sy alle Fryheyt
vndertruckhen vnnd die Statt vnnder jrenn gewalt
bringen. Dess wir ettliche Züchttigung (ya so messige
das sy sich darab zeklagen nitt hatten d) thun
mu8stend. Nutt dester weniger liessen sy nitt alles
das so jnen möglich zevnderston.
Sy hattend vnder jnen ein besondere Bossheyt
vber die anderen, die Frömbden so jn vnser Statt
der Religion halb khoinmen sind vnbillioh anzefechtten
vnd zebeleydigen. Vnnd wiewol wir das
sy sich als Schaaffen styl vnd frydsam ouch als
dhein andre vnsere vnnderthanon ghorsam vnd demutig
dermossen ghalten haben das khein vrsach
was vtzit verdruss ab jnen zenemmen, wol mögind
bestätigen, hatt man jnen doch uff gemeltter verbunstigen
vernolgung jre waffen genommen vnnd
jnen darzu jre gweer zetragen verpotten.
Es ist aber wol zemerkhen das jnn ansehen
der vyle der Frömbden, so von vnser Religion wegen
jnn vnser Statt allenthalben khament, wir vorlangist
fiirgsähen hand das sich kheyner mitt söllichem
schyn falschlich bedeckhen möchtte. Dann es
ist ein Ordnung gemachett wordenn das khein
Frömbder jnn unser Statt zewonen angenommen
werden solle Er gäbe dann syner Promkheyt halb
gute khundtschafft vnnd erschiDe vor vnns vnd
schwere den Eyd vns ein truwer ghörsamer vnderthäner
zesyn. Dermossen das wir ettlichen, die do
fräuenlich für andre vnbekhandten hatten khundtschafft
gäben vss vnser Stat und Piett verboten
hand. Daruss mag Ermessen werden die vnuerschampte
deren die do sagen das wir alle zufliessende
ongeuarlich one zugnus jres handeis vnd
wandeis annemend. Dann das wyderspyl wirdt
vsz den daruff richtteten Registern heyter Ersehen,
Darüber ist mencklichem khundt Wenn etliche
Frömbden eines bösen lübdens, oder die Etwas begangen
vnd ein mutwillig laben getryben harkhamen
das dieselbige durch dise erhalttet, die jfes
Vermögens das sy nitt abgewysen zehindern vnderstunden,
dieselb also an sich zu ziehen, mitt wöllichem
wir dick vyl zeschaffen gehabt, das doch
nach der lenge zemelden vnnot ist.
Zelest do wir sahend das die so schon mit
Langer zyt wol Bewärt vnnd bekhandt waren,
wann sy zu Burgern angenommen wurdend, Vnser
Stat bas mochttind helffen, dann so wir jnen mysstruwtend
vnnd vnser Stat souil hilffs vnnd machtte
endtblundeten Damitt wir sy jnn vnsern dienst vnd
ghörsam dester anmutiger machtend ouch sy an
vns desterbas verbundetend, hattend wir für gutt
angsähen, Nach vnnser vnnd aller Stetten lobliche
gwonheyt Ettlioh zu Burgern anzenemmen, Dise
Schalcken aber die do nütt dan gewül vnd grümpel
suchttend, mitt was schyn das were, Namend
hieruff ein Fürwort sich zu Empören Vnnd nach
dem sy by dem wyn jre pratig getryben, ouch vyl
schlechtte vffgelessne possen jn jr Sohaar gebraoht
khamend sy mitt grossen trauwungen jn unser
Rhathuss als wöltend sy vns vbergwaltigen, dermossen
wir die obligende gfaar woll ersehen möchttend,
wann sich nitt vnnser der almechttiger Gott
erbarmet hette. Hierin aber Bind die Bandy ten
vnd gerichtten, so vor gmeyner löblicher Eydtgnoschafft
erschynen zeuyl vnuerschampt gsyn, do sy
sagend das wir die Frantzosen vff das Rhathuss geladenn
da wir jnn dryen wuohen by zwentzig vnnd
hundert der fürnempsten vnd volgends alle die die
dess begert zu Burgern angenommen habind.
Dann die so sich erpotten vnnd dess Begert werdendt
nitt sagen das wir sy geladen heygind, allein
jn hoffnung das sy von vns so sy wol bekhandt
nitt abgwysen würdind sind sy khommen. Diewyl
aber sind die nitt alle angenommen worden, die
doch der Perrin vnd Wandel gern hettind jnzogen
sonders darumb das dieselben ettlicher massen befleckhet,
oder das sy vns nitt wolbekhandt gwesen,
sind sy hingschickt worden, So jnen das ein verdrusB
gebracht hat, warumb vngeuarlich vor aoht
Jaren ist geschähen das ouch mitt jrem rhat die
frömbden jnwoner vnserer Statt dozemal berufft
wurdend jnen das sy sich zu Burgern annemmen
liessend, oder aber vss der Statt ziehen söltend anzemuten,
darumb das man jnen änderst nitt wol getrüwen
mocht. Darzu so sind ouch hieuor vff jr
anmuten vnd begär ettliche deren man nitt gar
gute khundtschafft hatt, zu Burgern angenommen
worden. Do sy aber sagend das jn dryen wuchen
mer dan jn den zehen nechst verschynten Jaren
Burger gemacht worden jst ein vyl zeschantlicher
Lug. Dann jn den Registern beschyndt das
vor zwentzig vnd hundert Jaren man hette jn
einem Jar wol hundert angenommen, vnnd dozmal
pflegt man jn einem Jar vnder Viertzigen oder
Funfftzigen nitt anzenemmen. Vnnd sydert hats
alwegen so beharret mit so guter zal das dise
lettste nitt vnmessig was. Nämlich do die khömligkheit
gegeben ein gute zal frommer wölbewärter
jn der statt vorlangist gesässner lüten zehaben. Darin
wir kheins wegs ytzit nüws angefangen, sonders
den altten vnserer alttvordern vnd vorfaren brach
(als dann vas jrer Petrins vnd Wandels vattern erkhaufften
Burgrechtten oder brieffen erschynen mag)
geuolget.
Sonst damitt die warheyt oder luge jres schrybens,
das die altten frommen Burger ab söllichen
anneinen verdrussig synd gsyn, erschynen möge,
jst zumerkhen das der so durch jnen die klag ze-