GE Biblioth. pub. et univ - Archive ouverte UNIGE

419
ut ilium pedibus iam calcare audeamus. TJt vero
omnino demonstres, quam non emortuus sit affectus
in te serviendi gloriae Dei, cura N. ut non solum
in te ipsa exemplum edas uti par est, sed etiam
ita familiam tuam constituas, ut maledicentium ora
prorsus obturentur. Dominus te praesidio suo tueatur
et manu potenti fulciat, augeat in te sua dona,
atque ad suam unius gloriam ilia in te promoveat.
Idus Febr.
4169.
CALVIN AUX FRANÇAIS RETIRÉS
A WESEL.
Premieres exhortations à une communauté non
encore régulièrement organisée.
(Minute originale. Bibl. de Genève Vol. 107», fol. 342. Le
commencement est écrit de la main de Calvin. Bonnet II.
353. — Traduction latine Genève p. 234, Lara. p. 492, Han.
p. 552, Ohouet p. 319, Amst. p. 146.)
La dilection de Dieu nostre père et la grace de
nostre Seigneur Iesuschrist demeure tousiours sur
vous.
Treschers seigneurs et frères, il y a desia long
temps que iavoye este requis par aulcuns de voz
bons amis de vous escrire: et en avois bonne volonte
selon que ie vous ay, non sans cause, en singulière
recommandation. Mais pource que iavoye
este adverty, qu'autres bons personaiges, qui estaient
voz voisins de plus près, a voient prévenu,
pensant que ma peine seroit superflue ie men estois
depporte. Or maintenant ayant de recbef entendu
que loccasion n'estoit pas encor passée, que mes
lettres ne vous vinssent aussi bien a propos que
iammais, ie nay pas voulu défaillir a mon devoir,
cest de vous monstrer qu'estant eslongné de corps
arrière de vous, ie ne laisse pas de vous avoir dedans
mon cueur, et porter le soing de vostre salut,
pour m'employer en tout ce que ie pourrois à l'advancer.
Premièrement ie remercie nostre bon Dieu de
ce qu'ayant permis que vous fussiez contrainctz
d'abandonner le pais de vostre naissance pour le
tesmognage de sa parole, il vous a donne lieu de
refuge, où vous le puissiez servir en pure conscience,
et mesme vous a recueillis ensemble comme en un
petit nid, pour estre en consolation mutuelle lun a
laultre. Mais sur tout ie luy rens graces de la
4168—4169 420
•
constance qu'il vous donne, tellement que vous ne
défailliez point en la persecution, que vous portez
patiemment la perte des biens terriens, pensant a
la recompense qui est au ciel: que vous ne regrettez
point la diminution qui a este faiote en vous
quant an monde, puis que ça este pour augmenter
l'bonneur de celluy lequel ne demande d'estre honore
de nous, sinon pour nous faire participai de sa
gloire. Yeu la fragilité qui est en nous, ce n'est
pas un petit bien que Dieu nous faict, de nous conformer
ainsi au besoing, et nous soustenir affin que
nous ne soions point vaincus d'aulcune tentation.
Or pource que ce n'est rien d'avoir commencé, ne
mesme poursuivy pour un temps, il vous fault tenir
sur voz gardes, veiller diligemment, vous inciter
par exhortations mutuelles, vous exercer en tout
ce qui vous peult donner bon couraige, mais sur
tout requérir instamment ce bon Dieu qu'il vous
tienne tousiours la main, pour vous conduire iusqu'au
but ou il nous appelle. *)
Mesmes il vous fault penBer, puis que vous
avez este persécutez pour le nom de Iesuschrist,
qu'il vous a faict cest honneur de vous donner sa
marque et sa livrée, afin que vous soyez d'aultant
mieulx recongneuz des siens. Et pour cela vous
debvez estre incitez à mectre tant plus grand peine
à le glorifier en toute vostre vie, car vous entendez
bien que si on ne vous voit cheminer comme il
appartient à vrays fidelles, que le scandalle en sera
double, et en serez d'aultant plus coupables devant
Dieu. Que vous soiez doncques en exemple à tous
les aultres, tellement qu'on ayt occasion de glorifier
Dieu en vous, et quon apperçoive que ce n'a point
este 2 ) en vain que vous avez souffert pour le tesmongnage
de lEvangille. Que vous ne faciez point
ceste honte au Filz de Dieu nostre rédempteur
qu'il soit deshonore par voz faultes, et mesmes
d'aultant que vous estes avec une nation estrange,
laquelle se pourroit plustost offenser, si elle voioit
quelques vices en vous, que cela vous soit ung advertissement
de cheminer en tant plus grande prudence,
en obviant à tous scandalles tant petis qu'ilz
soient. Et puis que sur tout nostre Seigneur nous
recommande union et concorde, mectez peine de
l'entretenir songneusement entre vous, ce qui ne se
peult faire sans vous supporter. Car si nous ne sommes
humains à pardonner beaucoup de petites faultes,
il est certain que nous aurons tousiours matière
de riottes et de picques. Mais le plus grand mal
qui y soit, c'est quant chascun est adonne à son
sens propre, et que nul ne veult céder à son prochain.
Parquoy, mes frères, gardez vous de cela
comme d'une peste mortelle. Mais plus tost soyez
4169.1) Ici Calvin remet la plume à son secrétaire.
2) qu'on n'aperçoive point que ce n'a pas esté Bt.