GE Biblioth. pub. et univ - Archive ouverte UNIGE

13 1563 MAI. • 14
esté possible, et de procurer le repos et liberté des
Eglises, aussi i'espere bien et suis tout persuadé
qu'a lavenir vous continueres pour amener le tout
en meilleur estât. Toutesfoys, Monseigneur, je vous
prye de ne point mal prendre si de mon costé je
vous y solicite, attendu les difficultés qui vous environnent.
En premier lieu si vous ne faictes valoir par
vostre authorité ce qui a este oonclud a lavantage
des fidelles, la paix seroit comme ung corps sans
ame: et l'expérience a montré par cy devant combien
les ennemys de Dieu sont hardis entrepreneurs
à mal faire, si on ne leur résiste vivement. D'autre
part, sans que nul vous en dit mot, vous voies
asses, Monseigneur, selon vostre prudence, combien
de gens espient l'occasion de gaigner le haut. Vous
scaves leurs practiques, et si vous leurs donnez
loisir de vous surprendre, ils ne y faudront pas, et
s'ils ont mis le pied en l'estrier, il ne sera plus
temps de les vouloir empescher. Cela vous doibt
bien induire à donner ordre d'estre si bien accompagné
au maniement des affaires, que la porte soit
fermée a tous contredisans de pouvoir nuire. Cependant
il y aura plusieurs moiens d'eslargir le
cours de l'Evangile. le considère bien, Monseigneur,
que tout ne se peut faire en ung jour, mais
ie croi que pour ne point laisser passer aulcune
importunité, il vous souviendra du proverbe que le
plus tost est le meilleur, afin quil ne se dresse
point de nouvelles trammes pour tout dissiper,
quand on cuideroit estre en bon train. Et cest a
ceste heure quil y faut bien travailler plus que iamais,
veu quil semble que Dieu vous y tende la
main, et comme il vous a fait ung honneur inestimable
de maintenir sa querelle à lespée, il semble
aussi quil vous ait réservé les aultres moiens d'amener
à perfection ce quil luy a pieu d'accommencer.
Puis donc quil luy plaict vous esprouver et exercer
en diverses sortes, pour vous approuver tant mieulx,
tant plus aves vous de matière de vous évertuer
sans y rien espargner.
I'ay aussi, Monseigneur, ung aultre point à
vous toucher. Devant que la iournee imperialle se
tint à Francfurt, ' ou vous envoiastes Monsieur de
Passy, 3 ) je feus requis et exhorte par Monsieur
DAndelot, de faire une briefve confession en vostre
nom, afin quelle fut là presentee. le la dressay
selon que Dieu me donna. *) Monsieur le compte *
3) à l'occasion du couronnement de Maximilien comme
roi de Borne. Voyez sa lettre de créance du ]r Oct. 1562
dans les Mém. de Condé IV. 38; son discours sur la religion
des Huauenots et ïétat de la France ibid. 56. Hist. eccl. II.
156. N. 3864. 3833. Le Laboureur l. c. II. 28. Popelinière
I. 333 v.
4) Oeuvres IX. 753. Prolegg. 60.
de Beauvays 5 ) l'aiant veue eut bien desire quelle
eust esté signée. Mais ni Madame de Boye ni Monsieur
de Soubize ne vous la peurent faire tenir. En
la fin je la vous envoyay par ung pouvre garçon,
mais il arriva trop tard. Ainsi ceste occasion est
passée, combien quil 6 ) me semble que la dite confession
ne seroit pas encore hors de saison, mais
qu'elle apporteroit grand fruict, tant dedans le
Êoyaulme que dehors. Au reste il faudroit aviser
de changer la preface, et au lieu qu'elle s'adressoit
à l'empereur, quelle fut generalle, sans aussi specifier
ce qui concerne le fait de la guerre. Si tel
changement vous venoit a gre ie me suis ingère
de vous advertir par quel bout il seroit bon de
commencer, comme vous le verres sur la coppie
que je vous envoyé. Si vous aimies mieulx la laisser
telle qu'elle est, il seroit besoin de faire ung
brief advertissement pour servir d'excuse de ce
qu'elle na point esté produitte en temps et lieu.
Quant est du prouffit qui en pourroit venir, j'en
toucheray deulx motz. Tous scaves, Monseigneur
cela 6 ) donnera gout a beaucoup de povres ignorans
pour avoir la patience de lire ce qu'ilz reiecteroient
autrement. Ainsi ce sera ung moien
divin pour gaigner ung nombre infini de gens.
Mais on en peut espérer encore plus grand fruict
hors du Royaume, d'autant que beaucoup d'Allemans
qui sont aliènes des Francois pour la
matière de la Cène, ne se tiendront point d'y
mettre le nez soubz ombre de vostre nom. Cependant
cela sera pour vous acquérir tant plus de
faveur. Outre plus, il vous faut prévenir ung danger
lequel vous aves desia peu sentir en partie,
c'est quon ne cessera de vous tendre des files pour
vous envelopper en la confession d'Auspourg, qui
nest ni chair ni poisson, et est cause de grandz
schismes et desbatz entre les Allemans. Or, Monseigneur,
ayant fait une telle declaration, vous
auriez .fermé la porte a touttes les poursuittes
qu'on vous scauroit faire, aiant tousiours ce mot
de réplique que vous ne pouves pas retracter la
Confession par vous faicte et publiée, s'il ne vous
est montré pourquoy. Je ne protesteray point que
je ne cherche icy que la gloire de Dieu, le bien
commung de son Eglise, et mesmes vostre honneur,
pource que je ne pense point que vous m'avez en
reputation dhomme qui regarde à soy. Ainsi i'attendray
vostre responce pour entendre vostre bon
plaisir, afin d'obéir a ce que vous commanderes.
Pour ce aussi, que jay entendu, Monseigneur,
quon traicte de quelque alliance où les Suisses
sont compris, 7 ) je vous prie pour le bien du Roy
5) Odet de Châtillon, cardinal, frère de Coligny.
6) Mot écrit de la main de Calvin.
7) A cette époque Catherine de Médicis voulait se rapr