GE Biblioth. pub. et univ - Archive ouverte UNIGE

11 EPISTOLAE 3949—3950 12
porter telle reverence que ie debvois, et avoir pareille
affection de memploier a vous faire service,
désirant que Dieu m'en donnât le moien: car ie
ne puis estre son serviteur, que ie nayme et honore
les vertus excellentes qu'il a mises en vous.
Mais pource que ie ne pouvois mieulx, ie me suis
contenté iusques à maintenant d'avoir souvenance
de vous, priant le père celeste de vous conserver
et acroistre en vous les dons de son esprit. Et
daultant plus ay ie esté ioyeulx, aiant entendu par
le porteur lequel est à vostre service, que de vostre
grace vous m'aviez donne ouverture à faire ce que
ie n'osois pas, encores que ien eusse bonne devotion,
le vous remercie doncques humblement, Monseigneur,
de ce qu'il vous a pieu me mander le bon
vouloir que vous avez envers moy, non seulement
pource que ie prise beaucoup d'estre en vostre
bonne grace, mais daultant que vous m'avez donné
occasion de vous declerer combien ie vous suis
affectionné serviteur. Ce pendant daultant que ie
ne le puis demonstrer par aultre effect qu'en procurant
vostre salut et y applicquant ce que Dieu
ma donné, iauray là mon refuge. Oest de vous
prier, Monsieur, et exhorter au nom de Dieu de
prendre- couraige a poursuyvre ce que vous avez
si bien et heureusement commencé. Depuis quelque
temps vous avez esté pour ung homme de
vostre estât et qualité examiné au vif, et Dieu vous
a donné vertu invincible pour suffire a tout. Ce
a esté une bonne approbation de vostre foy. Mais
vous ne pouvez estre trop adverty que ce nest
point la fin, et quil vous reste à batailler contre
beauoôup de tentations. Car la crestienté ne se
demonstre pas seulement à porter les armes et exposer
corps et biens pour maintenir la querelle de
l'évangile, mais à nous assubiectir plainement en
Tobeyssanoe de celuy qui nous a tant chèrement
acquis, a fin d'estre gloriffié en nostre vie et en
nostre mort. Yoicy donc, Monsieur, enquoy il vous
fault persévérer, en ne vous lassant point de combatre
non pas seulement à lespee contre les ennemys
visibles, mais contre tout ce qui vous pourroit
distraire ou empescher de bon chemin. Qui plus
est, oultre ce que nous sommes tant fragilles et
que nous avons a soustenir des combatz intérieurs
en nombre infini, le diable ne cesse de nous susciter
beaucoup de traverses, ou pour nous faire
tourner bride, ou pour nous faire refroidir. Ainsy
quant il est question de repos regardons au ciel,
quelque relasche que Dieu nous donne icy bas pour
long temps. le ne diets pas cecy par deffiance,
pource que ie me tiens asseuré que Dieu qui vous
a donné de si bonnes marques ne vous abandonnera
îamais. Mais vous expérimentez assez, Monsieur,
que nous ne pouvons pas estre trop bien munis
pour résister à tant de tentations dont nous som­
t;
mes incessamment assaillis. Toutesfois ne doubtant
pas que vous ne vous exerciez diligemment à lire
et ouyr les sainctes exhortations qui vous doibvent
servir de glaives et armures, ie ne poursuyvray
plus oultre. le ne scay si Dieu nous fera iamais
ce bien dont vous me donnez espérance, de vous
voir quelquefois en ce monde. Le principal est que
nous soions recueillis en son royaulme éternel,
combien que ie ne laisse point de souhaister cest
accessoire.
Monseigneur, après mestre bien humblement
recommandé à vostre bonne grace, ie supplieray le
père celeste vous tenir en sa protection, vous fortiffier
de plus en plus par sa vertu, et augmenter
en tout bien et prospérité. De Geneve ce 8 m0 de
may 1563.
3950.
CALVIN A OONDÉ.
Conseils relatifs à l'usage à faire de la paix
d'Amboise, et de la Confession adressée à l'Empereur.
(Oopies Bibl. de Genève Vol. 107, fol. 154; avec corrections
autographes; Vol. 115», fol. 35. MS. de Gotha 404, fol. 66;
Berne F. 33; Ruchat VII. 399; Bonnet II. 507; Trad. angl.
IV. 309.)
Monseigneur, il n'est ia besoing vous faire longues
excuses de ce que- j'ay este si long temps a
vous escrire, puis que le moien mestoit osté de
m'acquitter de mon debvoir. Et encore à present
je craignois que les passages ne fussent pas trop
surs: mais puis que de vostre grace vous m'avez
prévenu par vos lettres que mon frère Monsieur
de Besze m'a appourtees, *) j'ay honte de plus différer,
sur tout aiant loccasion du porteur, lequel a
ung voiage a faire en court.
Touchant les conditions de la paix, 2 ) je scay
bien, Monseigneur, quil ne vous estoit pas facile de
les obtenir telles que vous eussiez voulu. Parquoy,
si beaucoup de gens les souhettent meillures, ie
vous prie ne le trouver estrange, veu qu'en cela ilz
saccordent avec vous. Cependant si Dieu nous a
reculé plus que nous ne pensions, cest «-nous de
plier soubz sa main. Quoy quil en soit, selon que
ie ne doubte point que vous naiez mis peine
d'avancer le Royaulme de Dieu tant quil vous a
3950.1) Elles sont perdues.
2) N. 3923. 3926. 3929.