GE Biblioth. pub. et univ - Archive ouverte UNIGE

271 EPISTOLAE 4085—4086 272
clorre et serrer la bouche à ceux qui le scavent.
Et quant à moy je scay fort bien que je ay esté
baye et abominée de plusieurs pource qu'il estait
mon gendre, a qui l'on a voulu charger les fautes
de tous. Ne voyez-vous point encores que l'on ne
s'en peut rassasier après son trespas? Et quant
il auroit esté le plus malheureux et plus reprouvé
qui oncques eust esté, et l'on ne veut jamais parler
d'autre chose. Gomme un secretaire de M. d'Acqs
disoit un jour à la Royne de Navarre et a moy,
en ce lieu, touts les maux qu'il est possible de luy
et de quelqu'autres, et que je luy dist devant elle
et l'a juré qu'il dist la vérité, si ce qu'il disoit
estoit vray ou non, il nous confessa qu'il n'en estoit
rien et nomma celuy qui luy avoit appris à
dire telle nouvelle de luy pour luy mettre à sus
chose qu'il n'avoit pas pensée, et que c'estoit pour
maintenir la religion: chose que ladicte dame approuva,
et qu'il se falloit défendre en toutes les
sortes que l'on pouvoit, et que le mensonge estoit
bon et sainct en cest endroit, comme beaucoup disent
et tiennent. A quoy je ne peus faire que je
ne résistasse, disant que Dieu n'est point le père
du mensonge, mais que c'est le diable, et que Dieu
c'est le Dieu de vérité, et que sa parolle est assés
puissante pour défendre les siens sans prendre les
armes du diable et de ses enfans. Toutesfois ladite
dame a si bon zèle et si bon jugement en
beaucoup de choses que je desire m'y exempler: et
Comme la feue Royne de Navarre a esté la première
princesse de ce royaume qui a favorisé l'évangile,
il pourroit estre que la Royne de Navarre sa
fille parachèvera a l'y establir, et me semble qu'elle
y est autant propre que princesse ny femme que
je congnoisse: je luy porte amour de mere, et admire
et loue les graces que Dieu luy a départis.
Et pour revenir au propos cy-dessus, monsieur
Calvin, il faut que je vous die que j'ay ouy parolles
telles que je serois trop longuement à les reciter,
et d'une bonne et saincte querelle de défendre
les enfants de Dieu et les maintenir, on en faict
quelquesfois un diabolique: et pour les envies qui
ont esté entre le Roy de Navarre, monsieur le connestable
et mon diet gendre, il faut vous desguiser
la parolle de Dieu, et semble que après qu'il a esté
tué que encores qu'il n'y a que luy qui puisse
offenser ceux de la religion ne qui puisse favoriser
les papistes. Les corps des hommes, quant les
âmes en sont dehors, ne font point ces miracles, ni
encores quant ils sont vivans en ce monde un homme
ne peut défaire tant de gens comme on luy met
à sus, mais ceux qui ont voulu entrer en particularité
et qui ont voulu persuader que le Roy de
Navarre, et après le prince de Condé, estoyent le
Roy David, et que David estoit leur similitude et
non point celle de Jesus Christ, et qui ont laissé
persuader et croire aux simples gens telle chose
pour exterminer un pupille : et ceux qui ont quelques
lettres, advocate ou docteurs, et autres qui ont
voulu persuader les peuples à telle chose, où en
sont-ils à ceste heure? Dieu ne monstre-il point
sa puissance? Et s'il y a des gens au monde reprouvez,
je pense que sont ceux là qui tortent la
vérité de Dieu qu'ils oognoissent et scavent en leurs
mensonges insolentes. Monsieur Calvin, je suis
marrie que vous ne soavés pas, comme la moitié
du monde se gouverne en ce royaume, et les adulations
et envies qui y régnent, et jusques à exhorter
les simples famelettes dire que de leurs mains
elles voudroient tuer et estrangler: ce n'est point
la regie que Jesus-Ghrist et ses apostres nous ont
baillé, et je le dis avec tout le grand regret de
mon coeur, pour l'affection que je porte à la religion
et à ceux qui en portent le nom, dont je ne
parle pas de tous, mais d'une grande partie de ceux
que je y cognois. Et quant Us voudront dire que,
ce que je dis, c'est de passion que j'aye après mon
feu gendre, l'on scait bien que je ne m'en suis tant
passionnée ny de luy ny de mes propres enfans:
et ceux qui m'en accusent n'ont pas par adventure
la preuve que j'ay faicte de les avoir laissez poursuivre
le sentier et chemin que Dieu m'a enseigné
et les voyages où il m'a conduicte: mais je voy
qu'il y a des gens qui sont subjects de prendre les
querelles et passions des autres, sans avoir esgard
s'ils procèdent de Dieu ou non, et tortre et tirer la
Saincte Escriture à la corde de leur arc, que euxmesmes
ont ourdie et où finalement ils trébucheront,
et veulent tousjours demeurer à mentir et
mesdire et en faire leur gaudisserie, et vous donnent
à entendre que une chose soit une autre.
Je vous prie, monsieur Cahin, d'en faire prière
à Dieu, afin quil vous declare la vérité de toutes
choses, comme il vous la déclarée si avant en tant
d'endroicts que j'ay espérance encores que par vous
il manifestera des malices occultes que je voy qui
régnent aujourd'huy en ce monde, qui me faict non
seulement craindre et doubter des chastimens de
Dieu envers ceux de son église. Au reste, je n'ay
jamais requis ne recherché les ministres de qui j'ay
ouï tels propos de prier ny pour moy ny pour
autres, et laisse tousjours en la liberté et conscience
d'un chascun de faire ses prières: et à ceux à qui
je donne il semblerait de me vouloir récompenser
si je leur disois qu'ils priassent moy. Nous prions
tous les uns pour les autres en la prière que nostre
Seigneur nous a enseignée: toutesfois je ne laisse
de prier Dieu particulièrement pour ceux qui me
semblent que Dieu a agréable que je prie, et particulièrement
pour les domestiques de la foy et ceux
qui annoncent la parole de Dieu, et pour le Roy
que Dieu nous a donné, et princes, sieurs et juges