GE Biblioth. pub. et univ - Archive ouverte UNIGE

269 1564 MART. 270
et meß propres femmes ont esté dejectées et chassées
aux banquets et festes par ceux mesmes de la
religion, là où estoient toutes les autres, jusques
aux femmes à chapperon de drap, qu'ils conduisoient
en chassant les miennes, choses que j'ay voulu tolérer,
et ne m'en a de rien chalu: et les mettois
entre les mains de leurs marys, où je ne les estimois
moins bien que les autres, et demeurois sans
nulle de mes femmes, ce qui ne se faict à celles de
ma qualité, mais ne se faisoit à beaucoup moindre
ny a celles qui ne les y debvoient pas avoir selon
le monde. «Ten estimois et les miennes honnorées:
quant aux filles de ma maison ils ne leur ont pas
faict presse: je voudrois que vostre oeil et vostre
personne peust arriver jusques icy pour veoir et
cognoistre toutes choses comme elles passent, mieux
qu'elles ne se peuvent escrire et référer.
Je veoy et cognoy 8 ) que la remonstrance que
vous me répliquez particulièrement par vostre lettre
est très requise et nécessaire pour maintenir l'église
reformée, et qu'il y seroit bien nécessaire quantité
d'anciens surveillans et de ministres en plus grand
nombre, et que mon jugement et intelligence fust
plus grand et plus parfaict: toutesfois, selon ce que
Dieu m'en a departy avec l'expérience que dez
long temps je n'ay eue, et les remonstrancos que
autrefois vous m'en avez faictes par lettres et messagers,
il me semble que la venue souvent icy de
beaucoup de gens de bien, de ministres y servirait
grandement, et que chascun d'eux diet librement
son advis. Dieu me face la grace de m'employer à
ce qu'il soit servi purement et sincèrement ainsy
que vous desirez. Je vous asseure que c'est aussy
mon désir, et que j'espère qu'il y accomplira, et
qu'il vous fera cognoistre aussi bien qu'il a faict
par le passé ceux par qui la religion n'est pas
augmentée. Et quant au present et estraines 8 ) que
vous m'avez envoyés, je vous asseure que je l'ay
veu et receu volontiers, et n'en avois jamais veu de
pareil, et ay loué Dieu que le feu Roy mon père
eust prins telle devise: si Dieu ne luy en a accordé
la grace de l'exécuter, peut estre reserve il quelqu'un
de ses descendans tenant son lieu pour l'accomplir.
Monsieur Calvin, de respondre à tout vostre
dernière lettre je ne le voudrois entreprendre pour
ceste fois, afin de ne tant tarder à vous escrire:
mais le plus brevement que je pourray, vous diray
qu'il me semble que par ma précédente lettre je ne
vous ay sceu persuader mon intention, ou qu'elle
vous ait esté persuadée par autre: car ce que vous
escrivois de deux ministres, dont l'un me persuadoit
8) N. 4055. 4067.
9) la médaille que Louis XII. fit frapper contre le
pape Jules 11.
par un moyen de mensonge qui me sembloit illicite,
l'autre par un jugement de l'élection et reprobation
causée des prières des hommes qu'il me sembloit
qu'il me declaroit par cela une haine diabolique
pour m'inciter à hayr ce que Dieu ne m'a pas
commandé: car combien que je n'eusse point oublié
l'article de vostre lettre que David a hay les ennemis
de Dieu de haine mortelle, je n'entend point
de contrevenir de déroger en rien a cela: car quand
je sçaurois que le Roy mon père, et- la Royne ma
mere, et feu monsieur mon mary, et tous mes enfans
8eroient reprouvez de Dieu, je les voudrois
hayr de hayne mortelle et leur désirer l'enfer, et
me conformer à la volonté de Dieu entièrement, s'il
luy plaisoit m'en faire la grace : mais si voy-je gens
si partiaux en leurs affections, et ouy propos si
estranges dont ne vous en ay escrit les moindres:
et quant à mon feu gendre, il me semble que l'on
peut trop veoir et cognoistre sy j'ay ployé pour luy
en endroit nul que ce soit, mais si c'a esté luy qui
a ployé à maintenir ceux de la religion que j'ay
eu en ceste ville, jusques à en estre repondant luy
et le cardinal de Lorraine 10 ) à la Royne, et si Dieu
a adopté leur moyen pour les maintenir, et non
seulement pour ce lieu, mais s'estoit encores employé
pour empescher qu'on ne confisquast Ohastillon, qui
est à monsieur l'admirai et du ressort de ce bailliage
de Montargis, et qu'il ne fust saccagé ny travaillé.
Encores que ce sont choses que je scay
bien que l'on ne veut pas qui soyent entendues n'y
congneues, je le dis devant Dieu qui en scait la
vérité, et pour cela ne veux pas excuser les défauts
de mon gendre en ce qu'il n'avoit point la cognoissance
de Dieu, mais en ce que l'on dit que ce a
esté luy seul qui a allumé le feu. L'on scait bien
qu'il s'estoit retiré en sa maison d'où il ne vouloit
bouger, et les lettres et messages qu'il eut pour
s'en faire partir, et que encores maintenant qu'il est
mort et qu'il n'y est plus, que tels venins de haines
si pestilencieux ne se veulent jamais acquicter de
se declarer par tous les mensonges que l'on peut
controuvor et s'imaginer: il faut que je vous die
que je ne tiens ny estime que telles parolles de
mensonges procèdent de Dieu. Je scais qu'il a persécuté,
mais je ne scay pas ny ne croy pas, pour
le vous dire librement, qu'il soit reprouvé de Dieu:
car il a donne signe au contraire avant que de mourir:
mais l'on ne veut pas qu'il se die, et l'on veut
10) Il était revenu de Trente à la cour vers la fin de
Janvier. Chantonnai/ 27. Janv. (Mém. de Condé IL 190);
L'on tient ponr certain qne le Cardinal aéra en ceste court,
dans deux jours: aussi a-il esté mandé ponr y venir. Languet
d. d. 3. Febr. p. 283; Card. Lotharingias tandem 29. Ian.
venit in aulam quae aberat hino duobns milliaribus in coenobio
S. Mauri ad Matronam.