GE Biblioth. pub. et univ - Archive ouverte UNIGE

245 1564 IANUAR. 246
aultrement vous seroit assez cognu. Gest que sus
ce que ie vous avois allègue, que David nous instruict
par son exemple de hair les ennemis de
Dieu, vous respondes que cestoit pour ce temps la
duquel soubz la loy de rigueur il estoit permis de
hair les ennemis. Or, Madame, ceste glose seroit
pour renverser toute lescriture, et pourtant il la
fault fuir comme une peste mortelle. Car on voit
que David a surmonte en bonté le meilheur qui se
pourrait trouver auiourdhuy. Quainsi soit, quand
il proteste quil a pleure et verse beaucoup de
larmes en son sein pour ceus qui luy machinoyent
la mort, quil a porte la haire 2 ) en menant dueil
pour eus, quil leur a rendu le bien pour le mal,
on voit quil a este aussi débonnaire quil seroit possible
de souhaiter. Mais en disant quil a heu en
haine mortelle les reprouvez, il ny a doubte quil
ne se glorifie dun zèle droict et pur, et bien reigle,
auquel il y a trois choses requises: cest que nous
nayons point esgard a nous ny a nostre particulier:
et puis que nous ayons prudence et discretion pour
ne point iuger a la volée: finalement que nous tenions
bonne mesure sans oultrepasser les bornes
de nostre vocation. Ce que vous verrez plus a
plain, Madame, en plusieurs passages de mes commentaires
sur les psalmes, quand il vous plairra
prendre la peine dy regarder. Tant y a que le
sainct Esprit nous a donne David pour patron, affin
que nous ensuivions son exemple en cest endroict.
Et de faict il nous est diet qu'en ceste ardeur
il a este figure de nostre Seigneur Iesus Christ.
Or si nous prétendons de surmonter en doulceur
et humanité celluy qui est la fontaine de pitié et
miséricorde, malheur sur nous. Et pour couper
broche a toutes disputes, contentons nous que
sainct Paul applique a tous fidelles ce passage, que
le zèle de la maison de Dieu les doit engloutir.
Par quoy nostre seigneur Iesus reprenant ses disciples
de ce quil8 souhaitoyent quil feit tomber le
fouldre du ciel sur ceus qui le reiettoyent, comme
Elie avoyt faict, ne leur allègue pas quon nest
plus soubz la loy de rigueur, mais seulement leur
remonstre quils ne sont pas menez dune telle affection
que le prophète. Mesme sainct Jehan duquel
vous navez retenu que le mot de charité,
monstre bien que nous ne debvons pas, soubz
ombre de lamour des hommes, nous refroidir quant
au debvoir que nous avons a lhonneur de Dieu et
la conservation de son Eglise. Cest quand il nous
defend mesme de saluer ceus qui nous destournent,
en tant quen eus sera, de la pure doctrine. Sur
cela, Madame, ie vous prie me pardonner si ie
vous dy franchement qua mon advis vous avez
aultrement prins la similitude de lare quon ren-
2) haine Bt.
verse quand il plye trop dun ooste, quelle nestoit
entendue de celluy qui parloit ainsi. Car ie me
doubte quil vouloit seulement signifier quen vous
voyant excessive, il avoit este contreint destre
plus vehement, et non pas quil falsifiât lescriture,
ou desguisat la vérité.
le vien maintenant au fait, lequel, de peur de
vous fascher par trop grande longueur, Madame,
je vous toucheray seulement en bref. Vous navez
pas este seule a sentir beaucoup dangoisses et
amertumes en ces horribles troubles qui sont advenuz.
Vray est que le mal vous pouvoit picquer plus
asprement, voyant la couronne delaquelle vous estes
yssue en telle confusion. Si est ce que la tristesse
a este commune a tous enfans de Dieu, et combien
que nous ayons peu dire tous: Malheur sur celluy
par lequel ce scandale est advenu, toutesfois il y a
bien eu matière de gémir et plourer, attendu quune
bonne cause a este fort mal menée. Or si le mal
faschoit a toutes gens de bien, Monsieur de Guise,
qui avoyt allume le feu, 8 ) ne pouvoit pas estre
espargne. Et de moy combien que iaye tousiours
prie Dieu de luy fere mercy, si est ce que iay
souvent desire que Dieu mit la main sur luy pour
en délivrer son Eglise, sil ne le vouloit convertir.
Tant y a que ie puis protester quil na tenu qua
moy que, devant la guerre, gens de faict et dexecution
ne se soyent efforcez de lexterminer du
monde, lesquels ont este retenus par ma seule exhortation.
Cependant de le damner, cest aller trop
avant, sinon quon eust certaine marque et infallible
de sa reprobation. En quoy il se fault bien garder
de présomption et témérité. Car il ny a quun luge
devant le siege duquel nous avons tous a rendre
compte.
Le second poinct me semble encore plus exhorbitant,
de mettre le Roy de Navarre en paradis,
et Monsieur de Guise en enfer. Car si on
faict comparaison de lun a lautre, le premier a
este apostat, le second a tousiours este ennemy
ouvert de la vérité de levangile. le requerrais
donc en cest endroict plus grande moderation et
sobriété. Cependant iay a vous prier, Madame, de
ne vous pas trop aigrir sur ce mot de ne point
prier pour un homme, sans avoir bien distingue
de la forme et qualité dont il est question. Car
combien que ie prie pour le salut de quelquun, ce
nest pas a dire quen tout et partout ie le recommande,
comme sil estoit membre de lEglise. Nous
requerrons a Dieu quil réduise au bon chemin
ceus qui sont en train de perdition: mais ce ne
sera pas en les mettant du reng de noz frères,
pour leur désirer en general toute prospérité. Sur
quoy, Madame, ie vous feray un récit de laRoyne
3) par le massacre de Vassy.
16*