GE Biblioth. pub. et univ - Archive ouverte UNIGE

217 1563 DBOEMB. 218
depuis: mais parce que ie n'estais pas asseuré que
les lettres vous fussent rendues, ie n'osois escrire
des nouvelles de par deçà. Et vous asseure que
i'ay faiot tout ce qui m'estoit possible pour trouver
messagiers: mesmes ie n'eusse pas escrit par ceux
cy si amplement si i'eusse peu avoir autre moyen
de vous escrire, d'autant que ce sont marchans qui
ne vont que iusques a Lion.
Pource que ie voyois qu'il n'y avoit ordre d'obtenir
de la roine de Navarre, ou plustost de ceux qui
empe8chent l'oeuvre de Dieu, que l'idolâtrie fut du
tout abolie de ce pays, qu'il n'y eust pour le moins
quelque longueur de temps, laquelle ceux qui ne
veulent que dieu seul soit glorifié cherchoyent pour
cependant faire refroidir le zèle de la roine, puis
qu'ils n'en pouvoyent obtenir d'avantage (ce que ie
prevoyois, craignois et predisois ouvertement) ie fus
contrainct de persuader aux ministres de tenir un
synode au mois de Septembre, ou les ministres que
vous nous avies envoyés et autres fussent colloques,
un chacun selon sa portée. Et cependant ie dressay
quelques autres articles lesquels ie pensois estre nécessaires
d'estre observes en ce pays, cependant qu'il
y auroit deux religions. Car les premiers prenoyent
pour fondement que toute la papauté en fust exterminée.
Cela fut faict, et depuis on a commence
d'exercer plus estroictement qu'auparavant la discipline
ecclésiastique, d'autant qu'il avoit este impossible
d'y mettre bon ordre auparavant, dont la faute
pour la plus grande partie en doit estre baillée à
l'imprudence (ie ne scay si ie dois dire ignorance
ou quelque chose de pis) de beaucoup de ministres.
Et pource que ie voyois une infinite de desordres
es causes matrimoniales, à cause qu'elles sont
traictees par les officiaux qui en iugent selon leurs
canons, et les fidèles ne se vouloyent pas comparoistre
devant eux: voyant aussi qu'on faict en ce
pays des mariages les plus cornus du monde, dont
s'ensuit une infinité de procès, ie suppliay la royne
d'y donner ordre, et pour ce faire qu'elle commandast
à quelques uns des conseillers de son parlement
d'y mettre la main, et de me communiquer
ce qu'ils en auroyent fait. Mais combien qu'elle
leur en ayt fait le commandement et qu'ils facent
profession de l'évangile, neantmoins ils n'y ont
iamais voulu mettre la main, craignans, comme ie
pense, que s'il y avoit quelque changement ils ne
fussent persecutes plus asprement. Parquoy i'ay
este contrainct d'y mettre la main, et ay suyvi les
ordonnances de Geneve a partir de ce que i'en ay
veu la pratiquer, excepte en quelque petite formalité
de procedure, à cause que ce pays a une différente
republique à celle de Geneve. le crains que
cela ne puisse pas estre omologue, à cause en partie
des conceillers papistes, en partie aussi a oause que
plusieurs des autres ne trouvent rien bon si non ce
qui procède d'eux, tellement que craignant cela ie
n'y voulois pas mettre la main, et avois supplie sa
maiesté d'y employer une partie de ceux qui puis
après l'omologueroyent.
Au commancement que ie deliberois de faire
faire ces lois là, i'esperois que ce seroit le bout de
ma charge en ce pays, si i'avois visite quelques
églises, qui en ont plus besoin, ou desquelles les
ministres sont les plus mal façonnes, et puis ie deliberois
de m'en retourner. Geste mienne deliberation
a este augmentée longtemps, iusques à quelque
chose qui est survenue. Combien que la royne
ayt tousiours un fort grand zèle, neantmoins ce que
ie craignois est advenu et si crains pis. Car ceste
ardeur delaquelle elle brusloit pour abolir la papauté
est refroidie par la pratique de quelques uns. Depuis
qu'on nous apportast des nouvelles que les
Espagnols estoyent sur les frontières prests a se
ruer sur ce pays, combien que par le moyen de
quelques espions que i'y envoyay on trouvast la chose
fausse, neantmoins cela l'avoit tellement espouvantee
que depuis elle n'a este si bien asseuree et m'a este
impossible de la remettre sus. Il est vray que
i'eusse faict quelque chose si ceux qui avoyent faict
semer ces bruicts n'eussent poursuyvi à leur entreprinse,
à savoir en faisant semer des bruicts, tantost
que le roy de France se vouloit saisir de ce
pays, tantost que c'estoit le roy d'Espagne, et qu'il
y avoit des intelligences et avoit gens tous prests,
tantost que Montltic avoit gens tous prests pour nous
courir sus, tantost que c'estoit Monsr. de DamviMe. s )
Car combien qu'on a cognu cela estre faux si en a
elle este comme toute estourdie de peur, laquelle
n'a pas este amoindrie quand l'adiournement que le
pape luy faict, 4 ) a este ici apporte, quelque semblant
qu'elle face du contraire. Mais quand elle a eu délibère
d'aller à la cour, et qu'à la solicitation de
3) Henri de Montmorency baron d'Anväle, maréchal
de France, né en 1534.
4) Bordenave p. 120: Le pape Fie IV. commença de
fulminer les foudres de ses excommunications et interdits
contre la Princesse et la fit adjourner (le 28. Sept.) par nne
citation affigée par les cantons de la ville de Borne, pour comparoistre
devant l'Inquisition dedans six mois, sur peine incontinent
après le terme eschen d'estre solemnellement excommuniée,
tous ses biens confisquez et mis en interdit, pour
pouvoir estre occupez par le premier qui auroit la volnntë et
puissance de ce faire. Le roy de France fit remonstrer an
Pape qu'il avoit trouvé estrange la procédure faite contre sa
tante, et de pernicieux exemple pour soy et d'antres souverains.
Parquoy il supplioit S. S. vouloir faire oesser ceste
voye »... Or soit que le Pape fnt retenu par ceste remonstrance
ou qu'il ent quelque antre considération, cette poursuite
ne passa plus outre pour lors. Et la Royne appela
comme d'abns de toute la procédure du Pape an concile, et
trouva moyen par quelques siens serviteurs de fere plaquer
sa dite appelation en quelqnes cantons à Borne. (Comp, de
Ihou III. 442 s. Muret, Hist, de J. d'Albret p. 159 sa.)