Iiinjyea JQ I s-7 nre cona el - Ajuntament de Girona

contenta. Et promiserunt sibi ad invicem predicta omnia et singula rata et firma semper habere, complere
et fideliter observare iuxta modum et formam superius prenotatam. Preterea dictus Berengarius Ade,
notarius predictus, remissa sibi examinacione, quam iuxta ordinaciones per predictos iuratos factas subire
debebat cum per longum usum fuerit approbatus, iuravit ad sancta Dei Evangelia in posse dictorum
iudicis, baiuli et tenentis locum subvicarii et Bernardi de Balneolis et Bonanati de Tornavellis, ad hec
electorum et deputatorum, se habere fideliter in officio suo secundum cons-tituciones factas per dominum
regem in generalibus curiis, salvis et expresse retentis condicionibus in tercio capitulo dictarum convencionum
et pactorum appositis et contentis, b ut superius est expressum. Et eodem modo Bernardus Caboti,
substitutus dicti Berengarii Ade, facta prius fide per eum de examinacione quam in cancellaria regia
subiit, iuravit in posse predictorum ad sancta Dei Evangelia se fideliter habere in officio suo secundum
constituciones predictas, salvis et expresse retentis condicionibus supradictis. Et post hoc incontinenti
predicti Iacobus Turricella, baiulus, et Poncius Petri, locumtenens /190v/ subvicarii Gerunde, ad
instanciam et requisicionem dictorum iuratorum et habito mandato super hiis ex parte domini regis seu
eius vicecancellarii, revocaverunt et absolverunt omnes penas dicto Berengario Ade et eius substitutis
impositas et omnia mandata per vicarium et baiulum Gerunde vel eorum alterum vel eorum locatenen-tes
super tenendis et observandis ordinacionibus et tatxacionibus supradictis vel eorum occasione eis facta et
diffiniverunt ipsi Berengario et eius substitutis omnem penam vel penas, si in aliquam vel aliquas forte
inciderint occasione premissorum modo aliquo sive causa. Promittentes per se et suos successores contra
predicta non venire. De quibus omnibus prenominati iurati, ex una parte, et dictus Berengarius Ade, ex
altera, pecierunt duo publica fieri c instrumenta per alphabetum divisa per me notarium infrascriptum ad
habendum rei geste memoriam in eternum quorum unum sit dicte civitatis et aliud dicti Berengarii Ade.
Que ego subscriptus notarius feci die et anno prefixis in presencia predictorum superius nominatorum et
presentibus ac vocatis testibus ad omnia supradicta, Guillelmo de Deo, iurisperito seniore, et Arnaldo de
Moyono et Raimundo de Palacio de Gerunda.
Eg+o Guillelmus de Querio, publicus notarius substitutus auctoritate regia a Raimundo Simonis de
Toylano, publico Gerunde notario, qui predicta que facta fuerunt die in prima linea contenta vocatus
interfui, hec scribi feci et clausi, cum suprascripto in linea XI a ubi dicitur «es essent» et in XVII a ubi
dicitur «inter dictas partes».
a. D’una mà posterior: Vide de super hoc litteram regiam factam in folio CCLXIX, B. b. contetis, B c. interlineat, B.
1313 desembre 31. València
29
El rei Jaume II respon a la carta dels jurats, que li preguntaven sobre la jurisdicció exercida per Bernat
de Cruïlles sobre Cruïlles i Peratallada, i li recordaven dos privilegis, que el rei hi exerceix el mer
i mixt imperi i que la jurisdicció civil pertoca al noble esmentat.
[A]. Original perdut.
B. Còpia de principis del S. XIV conservada en el Llibre Verd, f. 263v.
De la juridiccion de Cruyles e de Perataylada. a
Iacobus, Dei gratia rex Aragonum, Valencie, Sardinie et Corsice comesque Barchinone ac sancte
Romane Ecclesie vexillarius, ammiratus et capitaneus generalis, ffidelibus suis probis hominibus et iuratis
civitatis Gerunde, salutem et gratiam.
Recepta littera vestra nobis destinata super facto iurisdiccionis locorum, que fuerunt nobilis
Bernardi de Crudiliis, quam Petrus de Libiano, procurator noster in dictis locis, exerceri inhibet per
vicarium dicte civitatis, intellectisque tenoribus tam dicte littere quam privi-legiorum duorum, quorum
transumpta nobis sub sigillo dicti vicarii transmisistis, alterius videlicet, concessi per nos dicte civitati
super aliqua iurisdiccione non detrahenda a vicaria ipsius et alterius concessi per nos prelibato nobili
Bernardo de Crudiliis super iurisdiccione civili quam eidem nobili concesseramus in locis predictis.
Vobis respondendo significamus quod nos, volentes vobis vestra privilegia observare, providimus sic
quod vicarius Gerunde exerceat in predictis locis merum et mixtum imperium, iurisdiccione civili
dumtaxat excepta, prout alii vicarii Gerunde inde usi actenus extiterunt. De premissa vero iurisdiccione
civili eo quia nos ipsam, ut premititur, concesseramus prelibato nobili et eo etiam quia de ea iam ante
concessionem huiusmodi inter nos ex una parte, et dictum nobilem ex altera, questio vertebatur, dictum
vicarium nolumus intromittere, set quod ipsam dictus procurator noster exerceat donec nos cognicione
previa aliud deliberaverimus super ea. Et super hiis mandata nostra dirigimus tam dicto vicario quam
predicto procuratori per nostras speciales litteras quas tradi iussimus presencium portitori.
Datum Valencie, II kalendas ianuarii, anno Domini M CCC terciodecimo.
Examinavit Bernardus.
a. Al marge esquerre: pro vicario, B.