Cartulaire de l'abbaye de Moissac

54.
1056, septembre
Approbation par le Concile de Toulouse de l’union de Moissac à Cluny.
A. Original perdu.
B. Copie dans un manuscrit du milieu du XI e siècle: Paris, BN, ms.lat. 4280 AA, f. 326.
C. Copie de la fin du XIV e siècle dans la Chronique d’Aymeric de Peyrac, f. 54rb-va.
D. Copie de la fin du XIV e siècle dans la Chronique d’Aymeric de Peyrac, f. 158vb-159ra.
E. Copie du XVII e siècle par Estiennot: BN, ms. lat. 4280 BB, f. 326-327.
Editions: Bernard-Bruel, t. 4, n. 3353; Mansi, t. 19, col. 854-856; Thesaurus, t. 4, col. 89-90.
.....
Notum sit omnibus hominibus in Christo pie vivere hic et in futura vita cupientibus, res ecclesiasticas
jure hereditario Deo servientibus pro redempcione animarum tradi et inconvulsas maxime sanctorum
catholicorum patrum sanxit auctoritas. Quapropter cupiditate ducti inimici Dei desiderantes depredari
et invadere hoc quod fideles monasteriis Deo spirante dederunt sua propria voluntate, omnipotentem
Deum pravis moribus suis exacerbant [cum decimas et honores monasteriorum atque ecclesiarum
injuste sibi ascribunt]. Sed nunc pro certo fiat fraternitas Christianorum Cluniacum monasterium cum
omni suo honore perpetue Deo et beato apostolo Petro successoribusque suis viris apostolicis a priis
temporibus sue construcionis esse datum, cum cunctis locis sibi in diversis partibus mundi
adjacentibus. Et ideo placuit concilio Sancte Roamane ecclesie celebrato apud Tholosam, iubente
pape Victore, mense septembre, presente Arnuldo episcopo, ut locus Moyssiacensis [et monasterium]
cui preest Durandus abbas Cluniaco subditum cum omni suo honore, quem habet aut habebit,
auctoritate pontificum XVIII firmaverunt. Sunt autem excepto honore antiquo, ista adjacencia: Mons
Corbellus, Rota Cisteria, Villa Nova, Villa Sancti Paladii, Duravellum, Moyracus, Medicutum cum
cunctis appendiciis suppradictorum locorum. Et adiutores et benefactorum consequantur
benedicionem et absolucionem pontificalem; invasores vero, si non emandaverint, dignam et divinam
percipiant ulcionem.
87