Cartulaire de l'abbaye de Moissac

51.
1052
Donation par Bernard et Guillaume de Doeza, frères, et de Seguin de Volvenis, de leurs parts
respectives de l’église Saint-Denis de Pommevic.
A. Original perdu.
B. Mentionné fin XIV e siècle dans la Chronique d’Aymeric de Peyrac, f. 158rb.
C. Copie du XVII e siècle d’après “deux cayers de parchemin .. contenans seize feuilles”
(perdus), du début du XII e siècle: Doat 128, f. 45r-47r.
D. Copie du XVII e siècle par Estiennot: BN, ms. lat. 12751, p. 777-778.
Edition: Müssigbrod, p. 254-255.
C.
Sacrarum attestatione scripturarum, et authoritate Catholicorum dogmatum, manifestum est debere
unumquemque hominem de se suisque omnibus hæreditatibus suis, parentumque suorum pro
quotidianis admissis, et excessibus humanis frequentibus, et oblationes dare Domino Deo.
Hujus rei causa provocatus, ego Bernardus et frater meus Willelmus de Doeza concedimus, sive
damus Omnipotenti Deo et beatissimis apostolis Petro et Paulo, et locis venerabilibus Cluniaco atque
Moisiaco simulque Duranno abbati cunctisque ejus successoribus et monachis omnibus in supradictis
locis Deo in perpetuum servientibus, tam futuris quam presentibus, medietatem ecclesiæ Sancti
Dionisii quæ sita est in pago Agennensi, et antiquitus vulgo apellatur Primus Vicus, cum suo
ecclesiastico honore sicut ad nos pertinere videtur, pro salute et remedio animarum nostrarum seu
parentum nostrorum, et omnium fidelium vivorum atque defunctorum, accepto ab ipsis monachis
munere triginta solidorum, scilicet Lemovicanæ monetæ.
Simili quoque modo, ego Siguinus de Illo Volveno dictus confero quartam partem ipsius ecclesiæ,
cum suo ecclesiastico honore, et quidquid hactenus inibi visus sum possidere, ego et progenitores,
locis supradictis, atque eorum habitatoribus adeptis ejusdem muneri nummis, hæc inquam omnia ita in
commune cedimus et donamus jure perpetuo totum et ab integro, id est ecclesiam ipsam cum omnibus
ad eam pertinentibus, terris, vineis, silvis, aquis, pratis cultis sive incultis, ingressis et egressibus,
supradictis monasteriis Cluniaco [et Moissiaco] ab monachis cunctis in ipso per secula De[o]
servientibus.
Facta cessio donati[onis] hujus in manibus domni Duranni Moisiacensis abbatis, anno Dominicæ
Incarnationis millesimo quinquagesimo secundo, Indictione quinta, regnante Francorum rege
Heienrico, ad ipsius ecclesiæ dedicationem, in præsentia episcoporum Bernardi Aginnensis, atque
Arnaldi Lactorensis qui ipsam tunc consecravit.
S. Bernardi et Willelmi fratris ejus de Doeza. Signum Siguini de Illo Volveno. S. Willelmi
Arnaldi. S. Dintberti de Oisma. S. Bernardi Rainonis. S. Siguini et Ainardi de Illa Landa.
81