Cartulaire de l'abbaye de Moissac

302.
1271, 17 septembre
Le bailli et les consuls de Moissac se mettent sous la protection du roi Philippe III.
A. Original perdu.
B. Copie du XVII e siècle d’après “l’original en parchemin trouvé aux archives de l’abaye de
Moissac”: Doat 127, f. 79r-80v.
B.
Illustrussimo domino suo, domino Philippo, Dei gratia serenissimo regi Francorum, humiles ejus
subditi, bajulus et consules villæ Moissiaci, diocesis Caturcensis, se ipsos ad voluntatis suæ beneplacita,
cum omni promptitudine famulatus, quoniam inclitæ famæ celebritas et evidens rei veritas per orbem
terrarum longé lateque difusa regnum Francorum et dominium super alia regna fidelium tanquam
nobilissimum justissimum ac clementissimum merito præfert, prædicat et extollit et tam nos quam
nostra comunitas uti corpus sine capite, populus sine principe, oves sine pastore, pupilli absque patre
simus amisso domino nobis pro his omnibus respondente ad vestræ regiæ majestatis celsitudinem totis
desideriis et conatibus tanquam ad tutum refugium accurrentes eidem quanto valemus affectuosius vobis
et humilius suplicamus, quatinus tam nos quam communitatem nostram et villam in vestræ ditionis
potestatem, protectionem et regimen dignemini recipere et in perpetuum regnare, recordantes dicti
domini nostri comitis Alfonsi mellifluæ memoriæ de stirpe regia Francorum progeniti clementiam,
justitiam bonificientiam et honorem nullius alterius juventis dominium volumus nisi nostrum speramus
siquidem de misericordia Dei nostri, quod sicut sub præ dicto domino nostro avunculo nobis omnia
prospere successerunt, sic subjectis nobis vestro dominio eveniet divina clementia feciliter annuente,
quod cum indubitanter credamus villam nostram ad vestrum dominium pertinere iterato nos prædicti
Omnipotentis misericordia observamus, ut nullomodo permittatis, quod villa ad alicuius alterius clerici
vel laixi regularis, vel secularis dominium tranferatur optimê, et in perpetuum populo vobis comisso vos
conservet dominus Jesus Christus.
Datum Moyssiaci decimo quinto kalendas octobris anno Domini millesimo ducentesimo
septuagesimo primo.
410