Cartulaire de l'abbaye de Moissac

Conoguda causa sia qu’en Bernats de Batpalmas, e na Ricarts, sa moler, dero lo deime de tota lor terra e
de tota lor honor a Deu e a San Salvador e als habitadors de la gleisa de Biule, per lor arma salvar, e ma
d’en Guillem lo capela, en Guillems lo capelas, aculic los ne en tot lo be fah de la gleisa.
Testimoni: S. de Vilars, en Bernat de Roilac, en Arnauda del Broll.
Conoguda causa sia que n’Audiarts de La Verna deg a Deu e a la gleisa de Biule lo feus que na Caercina
del Gres ni sos marits teniu de leis, locals es l’airals del Barri 2 e l’orts de la Broa del valat e’l casal
d’aqui meteis detras lo castell, a sa fi, per Deu e per s’arma, e ma d’en Guillem lo capela. Aquest do
autregec Guillems, sos fils.
Testimoni: Ramons Salvatges, e Esteves de Vilars, en Ramons Julias, en Huc de Cantamerle, en
Ramon Verroll, e dels autres gran massa.
Conoguda causa sia que n’Amels Sicfres dec a Deu e a la gleisa de Biule III casals e’l casal del Pesquer,
lonc la Nausa, 3 a sa fi. Per aquests casals li deu om far so anniversari a la festa de San Nicholau. 4 Aquest
do receup Guillem lo capelas.
Testimoni: S. de Vilars, en Ramon Verroll, en Arnauda del Broll, e dels autres gran massa.
Conoguda causa sia qu’en Audiarts de La Verna dec lo dreg el tort que avia e la parrochia de la gleisa de
Biule, locals es lo deimes. Per eis caps lo dec Guillems, sos fils, el profergo a l’autar de San Salvador, e
a la crots, ab voluntat d’en Guillem de Boisset, so marit, que y autrejec so que podia.
Aquest do fes ab voluntat de sos homes del castell. [A]quest do fes e ma d’en Guillem lo capela.
Testimoni: Julia, en Borssacoll, en Ramons Salvatge, e’ls cavaers, e las donas del castell, a per nom
n’Uc del Broll, en Pons Baudi, en Amel Sicfre, en Arnauda del Broll. Per aquest do es receuta en tot lo
be fah de la maiso de Moyssac assenespart de tots homes, que no au re que far el deime, que ela avia, e
la terra ni en la honor de la gleisa de Biule.
Conoguda causa sia qu’en Audiarts del Castell, en Guillems, sos fils, dero lo deime que aviu en la
parrochia de la gleisa de Biule, a Deu e a la gleisa de Biule.
Testimoni: Guillem lo capela, en Bernat Guiral, e S. de Vilars, en Ramon Verroll, e dels autres gran
massa.
Per aquest do los aom aculits en tot lo be fah de la gleisa.
B.
Dix donations faites en faveur de l’eglise de Biule, et de Robert d’Albaroca, abé de Moissac, par les
personnes nommees aux titres particuliers.
Donation de Guillelme vicomtesse du droit qu’elle avoit au decimaire de Pug Cavaler.
En langage gascon avec la traduction.
Carta de remembrament que na Guillelma la vescomtessa deg lo dreg e’l tort que avia el deime de Pug
Cavaler dec a Deu et a San Salvador et als abitadors de la gleisa de Biule, et ma de Guillem lo capela.
Testimoni: Esteve de Vilars, en Hug de Cantamerle, et Huc del Broll.
Per aquest do li deu far om so anniversari a leis et a’n Ugo de Larroca, so marit, a la festa Crispini et
Crispiniani.
Traduction
1 Penne (Tarn, arr. Albi, canton Vaour), sur l’Aveyron.
2 Pech du Barry, lieu-dit à 4 km au nord-est de Bioule.
3 Clots de las Nauzes, lieu-dit à 3,5 km à l’est de Bioule, sur le bord de l’Aveyron.
4 Le 6 décembre.
401