Cartulaire de l'abbaye de Moissac

297.
[vers 1160/1175]
Notice sur plusieurs donations en faveur de l’église de Bioule, faites du temps de dom Robert
d’Auberoche.
A.
A. Original: ADTG, G 668 (Andurandy 5233). Parchemin partiellement arraché sur le côté droit.
B. Copie du XVII e siècle d’après “des copies escrites lune ensuite de lautre en un rouleau de
parchemin en langage gascon trouvé aux archives delabaye de Moissac”: Doat 129, f. 80r-96v.
C. Analyse du XVIII e siècle: Andurandy 5233.
D. Analyse du XVIII e siècle: Andurandy 5234.
Edition: Brunel, n. 95.
Carta de remembrament que na Guillelma la vescomtessa deg lo dreg e’l tort que avia el deime de Pug
Cavaler, 1 dec a Deu e a San Salvador e als abitadors de la gleisa de Biule, e ma de Guillem lo capela.
Testimoni: Esteve de Vilars, en Hug de Cantamerle, 2 ee [sic] Huc del Broll. 3
Per aquest do li deu far so anniversari a leis, e an Ugo de Larroca, so marit, a la festa Crispini e
Crispiniani. 4
Conoguda causa sia que na Peironela la vescomtessa, dec lo deime de tota sa terra, e de tota sa honor
que avia en la parrochia de la gleisa de Biule, ab amor e am voluntat de tots sos homes. Aquest do
autregec n’Arnaus Bernats, sos fils, e sa filla na Braida a De e a la gleisa de Biule, e a la maiso de
Moyssac.
Per aquest do la om receuta e la maiso de Moyssac per morga, e donat, e autrejat sa part . . . que sera
faits ni dits, e la maiso de Moyssac. E l’abas Rotberts d’Alba Roca l’an receup e’n Guillems lo morgues,
e’n Guillems lo . . .
D’aquest do fo testimonis: n’Uc del Broll, en Arnauts Gauters, en Bernats de Monbo, en Audiarts de
La Verna, 5 en Aroauca, en Au… del Castell, 6 e dels autres gran massa.
Per sa voluntat volc mai dar, la terra que na Grossa tenia de leis, aquesta terra del Poh e de la
Golbertia, e la terra de la Baireira, e’l feus que tenia na Vinareira ni’n Bernats, sos fraire, de leis.
Conoguda causa sia qu’en Bernats de la Riba deg e autregec los dos casals que avia a la Barta a la Riba,
a Deu e a la gleisa de Biule, per sa arma salvar, e ma d’en Guillem lo capela.
Testimoni: S. de Vilars, en Huc de Cantamerle, e dels autres gran massa.
Conoguda causa sia qu’en Bernats de Biule dec lo deime de tota sa terra a Deu e a la gleisa de Biule, e
ma d’en Guillem lo capela.
Testimoni: Ramon Salvatge, Arnaud Gauter, en Ponso Baudi, en Huc de Cantamerle.
Conoguda causa sia qu’en Ratairets e sa ssor na Maenssa dero e autregero lo deime de tota lor terra e de
tota lor honor, a Deu e a San Salvador e als abitadors de la gleisa de Biule.
Testimoni: Guillem lo capela, en Huc de Cantamerle, en Guillem de la Penha, 1 e dels autres gran
massa.
1
La Cavalerie ou Cabalario, lieu-dit sur la commune de Bruniquel, à 1,5 km au sud-est de Montricoux.
2
Le ruisseau de Cante-Merle contourne Bioule par le nord.
3
Breil Bas, lieu-dit à 1,5 km au sud de Bioule. – Breil Haut, lieu-dit à 8 km au sud-est de Bioule.
4
Le 25 octobre.
5
La Vergne, lieu-dit à 3,5 km au sud-est de Bioule.
6
Les Castels, lieu-dit à 6 km au sud-est de Bioule.
400